1 Wu ning bah ye'ele i Baku bene wu munna munn ma shimai. 2 Wu ning ningha ma njel yirwun bene bah Kristi njila su kaa pana ka'amuri ne a tonii Baku chew girbiwa su. 3 Ku ciri wun a do kum chew nong nongwo ma biwai sa, ke wu gamur gir meng to'ongo sa, ke pur wosso, wu gir manni a do bwangha i wu bah war ta'a Baku sa. 4 Ke a kum lo'o ma biwai ke tah dalla ma biwai ba a do bwangha sa, i wos ma bwata Baku. 5 Chew manni, wu she'ele ne bah bwara ba war ta'a wu maam ke wu burah ke ba pur wosso ke bah pa'a waaru a doi mpuru sa. Ku bah Baku. 6 Bwara do lere wun i ra'a kuni sa, chew beh wu gir billi bura ma Baku kwana ku mur wu bapina bil yah bah ai do wo'o lo'o Baku sa. 7 Yi bah ne wu do ben murwun i yah sa. 8 Wo ningha ku pina ma dwai, mani wu ku bungha ban ma Baku wu ning bene wu muna bung ban. 9 (Beh wu munna bung ban ai kum yah ku ciri gir shima, puhu nchimu i ngichewe) 10 Wu piss gir bah i bong bum Baku. 11 Wu do pa'a gima i gir bah pina ban i wara yoi yi sa, ne wu yar ta'a yah. 12 Gir nso'on i ma a chew gir bah wu bah ai bene Baku ai pa'a ku swarmai. 13 Gir bah ai puru i yi ku bungha ban i yo ning ku nzai 14 Bunna ban yi ma'ana wu gir a ning ku nzai, yi ba a chiwa ne: "La'ahun i yo wuh, yi bah Kristi ko ma'au bung ban." 15 Wu tam ka'a mur wun i ningha bah wu mu ning, do bene wu mgbuchuk sa, wu ning bene wu bah ka'a mur yah shima. 16 Wu ngyarngya yirwun i pa'a gir shima wuna kuma ban chew bah beh wu duk a ningha biwai. 17 Yi bah ne wu do ning wu mguchuk sa, wu she'ele gir bah Baku njila. 18 Wu do nuh ngari pa'a mpuha sa, mpuha ningha gir biwa. Ne wu rusui i puhu mpilar. 19 Wu lo'o i yirwun i zabura, i wu nshelle ma Bak i wu nshelle ma puhu mpilar. Wu ma'a nshelle ku nchim wun ma toh Baku yiwa. 20 Wu ningyi nda bwata Baku beh Tarsu chew wu gir mbwang. ku lu'ulu Bwajeh Yeso Kristi. 21 Wu war ta'a yirwun ne Kristi kum toh yiwa. 22 Wu maam wu bun milwun waa milim wun waa milim wun Baku yi bah wu mur pa'ai. 23 Chew bah beh bahbura yi bah mur bamaam bene bah Kristi yi bah mur lah Baku yi yiri bah yi bah tah buhu. 24 Bene bah ka'ana Baku i bun mili yi Kristi, yi bah wu ma'am a bun mil yah waa milim yah ku ciri wu gir mbwang. 25 Wu bura, wu njel wu maam wun bene bah Kristi njila beh lah Baku ka pana nchimi chew yi. 26 Ne i ning puhi, i zusai i mu'uru ku ciri beh lo'oi. 27 Yi pannai ka a muri beh lah Baku bah i doi mengto'ongo sa ne i ning puhi. 28 Ku nshere mo'ona, wy bura a njel wu maam yah bene yir yah. Bah na njila maami njila ka'amuri 29 Bwarra do bina yiri sa, i pi bila ka i gishi sunni bene bah kristi i pa'ai beh lah Baku. 30 su beh gur yiri. 31 Chew beh manni, Babura i la'ahun ji'ingyi wu Tari i ngyi ka yoh ben yiri i maami beh wu baring a yoh ning ngyam yiriu mo'ona. 32 mani yi mor gir gan muru mu mur lo'o hew Kristi i beh lah Baku. 33 Yi bah ne mbwang wun wu njel wu maam wun bene wui njel yir wun, wunu maam wu bun milwun wa milim wun.