1 Wu muna mun wu pa jeh waa wu tarwun ma lo'o Baku mani yi shima. 2 Pa jeh i waa wu tahro i ngoo mani yi ma mo'on ku beh ciri wu gir pa'a i ma do pa'a sa maa Baku. 3 Ne a ning shima a yo kum gul nchimu ku nza'a ban. 4 Wu tahru wu do pa chiri i lih bumu wa wu munn wun sa, ne wu war yah shima wu mur rum ya i lo'o Baku. 5 Wu korom, wu pa jeh waa wu jeh wun ma nza'ah ban wu mur bang ji'iri yah i nchimu ma shimai bene bah wu mur pa jeh i Kristi. 6 Wu Pa waa jeh do'o chew wu ne kum gimaa ku bah yah sa chew bah ngya'a mish yah naa ku mur wun, wu pa'a waa bene wu korom maa Kristi, wu mu pa'a gir bah Baku njila ku nchim wun. 7 Wu sun beh wu jeh wun i nchim wun bwang bene wu mur pa'ai Baku do bapina sa. 8 Chew ne Baku ko pawa bapina bah a pa'ana girshima yah naa korom ko wu bapina bah a doi nguri ku milyah sa. 9 Wu jeh, wu pa'a girshima waa wu korom wun kpana chew bah wu shi'ila ne beh yi bwajeh yah i wun i ku kalang bah njel muru ku bii. 10 Ku marsai, wu ning i ngyarngya ku chiri lo'o Baku i ngyarngyai 11 Wu yish twan ma bollo ku yirwun chew ne wu chelle i ngharngya ku mur bah lere su i wu gir yi. 12 Beh gbollo do ma ngham yiriu i shila sa, i ku ur mo'oro wu bah nza'ah ma duk mau bah pina impilar i yo kalang. 13 Yi bah ne wu yish twan bollo, chew ne beh biwa duk na yuana, wo ngi chelle i ngyarngya wun. 14 Wu chelle i ngyarngy, i ngwir bunuh taa nah i ngyarngya i bollo ma ku'uh ma puhu ngichewei ku ban bah i ham. 15 I gba'a wun ku nza'ah bah yuana ku bah beh lo'o ma Baku ma so'o pollo nchimu. 16 ku nur beh gir manni wu toh beh Tongos bollo ma pah ngichewe ne wu chelle i wu bissa lamoni bah a ta'a ha wun i yah i yo bah wu babura bah lere su. 17 Wu toh beh kaata muru ma bollo ma tah buhu i beh be'eu rijing ma mpilar yi beh lo'o Baku. 18 Wu nere Baku ku ciri mpilar ku wu ban mbwang i wu nere bwana. Wu manni ku nchim wun wu ning lehleh wu mur nere Baku duhi duhi chew wu bah war ta'a Baku i puhu nchimu 19 Wu nere Baku chew mi, ne naa fana kunam ku lo'o ne Baku pam gir chewe ne mu lo'o beh lo'o Baku i ngyarngya ku mur beh gir gan muru maa Baku. 20 Bah mi beh bah a tuma i nengye bollo. wu nere Baku ne mu lo'o beh lo'oi i ngyarngya nchimu i param ji'iri 21 Tichikus swana i bah pa ngichewe korom Baku, kochew wun wu gir mbwang ne wu she'ele ne mi lan i gir bah mumur pa'a. 22 Mu mur tumi mashen bawun chew ne su she'ele ne u haa lan ne kum wun i ngyarngya nchimu. 23 So'o pollo nchimu mashen bau bah wu swana, i njele i pa ngichewe i yo bah Baku Tarsu i yo bah bwajeh Yeso Kristi. 24 Njele Baku mashen bah wun mbwang bah wu njila Bwajeh Yeso Kristi i njele bah ko do wuh sa.