1 Bene bah nengye ma Baku, mu mur nere wun ne wu war yirwun shima ku mur tu'ulu bah wu ya'ana. 2 Wu bun milwun waa ningyi pwala nchimu i dang nchimu, wu mur war yirdwun shima i njel yirwun 3 Yirwun mo'ona, pa ngichewe mo'onam dang ku ku mu'uru Baftisma mo'ona. 4 Yiri mo'ona Mpilar mo'ona, bene bah a wo tu'ula wun ku ciri mo'ona su i ma'a nchimu ku beh tu'ulu su. 5 Bwajeh mo'ona, [a ngichewe mo'ona, dan ku mu'uru Baftima mo'ona. 6 Baku mo'ona i Tarsu ma bwang, bah i ku mur wu bapina mbwang, ku mur wu ghr mbwanag bwang. 7 Langya langya au, pana su beh yerai bene bah Kristi chi'i ha. 8 Yi bah chiwa ne: Na yoh yiwa yiwa, ko ma wu bah a buala yah ma bura ku ka'ango'oroi. Kaa yo pa gir gbirai wa bapina 9 Bah yi wa yiwa maa ane man, ane bunu yira su'ula ma su'ulu ma yoh nza'ah ban 10 Yi bah su'ula yi bah nunu yira yiwa mashen kalang ne i rusu beh wu ban bwang. 11 Kristi pana wa wu bah lo'o lo'o Baku, i wu bah sun duwa i wu bah war lah lah pah lo'o Baku, i wo bah war ning lah Baku, i wo bah sahsah. 12 Ne a girshi wu bapina ma Baku chew tummui, ne a toh yir Yeso yiwa. 13 Suna yoh jina kun su mo'ona ku pa ngichewe i she'ele mun Baku ka su jingya ma, su, a jina mor ban ma marsai kushe'ele Kristi. 14 Yi bah so do ning wu munna pil'a sa, bah a pirwi su i lo'o lo'o i wu shsah mau bapina bah ai tam nguri wa bapina ma chigie chigie nchimu. 15 Na naa, wu ning bah lo'o ngichewe ku chiri njele, wo gu'ulu ku chiri wu gir mbwang ku yir bah muri bah yi Kristi. 16 Ku yiri beh yiru bwang bi'ina i wu nguri ka ba'ana yiwa mayo njele, bah beh wu ghamur yiriu a mur pa'a tumu yah. 17 Mu mur chew wun manni ne wu do bassa ning bene wu bah do shi'ila Baku sa ku chiri re'eshe yah 18 She'ele ya i ningya i pinah yi bah a gawa yah i ningha ma Baku chew beh param she'ele chew bah a ngyarngya nchim yah. 19 Bah a bwara i re'eshe ma shimai, a pana ka'a mur yah mashen ba wu girbiwa a mur yish ka'amur yah ku wu gir ma meng to'ongo, ma nchim yah ne a ningyi nda pi'i, 20 Wu do yo shi'ila Kristi ku nshere billi sa. 21 Ngichewe ne wo yo wo'o chew Yi a sah wun i beh ngichewe ba i ku chiri Yeso. 22 Ne wu bukto'o i ningya wun ma dwai bah i pa'a biwa chew njele yiriu i lere yiriu. 23 Ne wu girsh yere nchimwun ne wun ne wu ning piwi wun. 24 Ne wu ningi beh piwi nchimu, bah a pa'anai ne i ning bene Baku ku chiri ngichewe i puhu nchimu. 25 Yi bah wo buk to'o i lilim, wu mur lo'o lo'o ma ngichewe i yirwun su ningha yiriu mo'ona. 26 Ku chiri suhu nchim wun, wu do pa'a girbiwa sa, wu do yeer ne missa she kwa sa i suhu nchimwun. 27 Wu do pi bah lere su nshere sa. 28 Ba na woi pa'a nziwi i zhi'ingi pa'a nzhiwi i pa'a tumu i mu pa'a wu gir mashimai iwu buhi ne i kum gir bah ko gawa i wu bah a ku chiri. 29 Wu do yer ne wu lo'o ma girbiwa a pur ku kun wun sa, wosa beh lo'o bah ko kum wu gina ne a gu'ulu ku lo'o Baku i ma ningha yah ku nzha'a ban a na wa'anai. 30 Wu do pa'a gir bah ko lih bum beh puhu mpilar bah a wo zu'uss wun iyi sa ku jih bah a wo tah buk wun. 31 Wu pur ku chiri nchimwun i lol nchimu i pa'a burah, i lua lua, i lo'o bii wa, i wu lo'o chi'iu ku nchi wun. 32 Wu ning bah sun yir wun i pualla nchimu wu mur sun chiri yir wun, wu mu zuus gir biwa so'o to'o i yuirwun bene bah Baku ku yir Kristi zuus gir biwa wun su'ana to'o.