NGYI 3

1 Yi beh chew mani bah mi Bulus, bah ningye ma Yeso Kristi chew wu gamur wu pabina 2 Shi'ila ne wu wa'ana chew beh sun chiri ma Baku bah a panam chew wun. 3 Yi beh gir ma swarma ngichewe bah a wo ma'a nga she'ele ku chiri rumam bene bah ngwa'ala chigee. 4 Wuna balla mani, woo she'ele beh gir bah swarmai ku chiri beh gir gan muru ma Kristi. 5 Ba a wo doruma wu bapina i yi sa ku wu zhe'e bah a bwa'ala bene bah a rumaio ku chiri mpilar waa wu lo'o lo'o Baku bah ai puhu nchimu i wu bah sunn duwa. 6 Beh gir gan muru mani yi ne ku ciri beh lo'o Baku wu beh ganmur bapina ma a ningha wu muna Baku i wu beh wu muna Isra'ila, wu munn binna murya ma you yir yah mo'ona, wu bah gau beh gir shim bah i ku chiri Yeso Kristi. 7 Ningha beh korom ma lo'o Baku manni ku ciri sun chiri ma Baku bah a param ku tum ngyarngyai. 8 Ne yoh ningha mu chigeei ku chiri wu bah marsa ma lo'o Baku, beh sun chiri Baku manni a wo you pam ne mu lo'o lo'o Baku wa gamur wu bapina beh chew girshima ma Kristi., 9 Ne mu puri iyi ku nzah wa bapina mbwang chew beh gir gan muru, bah wo swarmai ku yir Baku, bah pa'ana wu gir mbwang. 10 Beh njelei wo ne ko ka'ana Baku beh nzor ma she'ele Baku a rum wa wu bah ai ngyarngya ku kalang. 11 Ku hew gir bah wo ku nchimi, ka yo wara purui i yi ku yir Yeso Kristi bwajeh su. 12 Ku chew Kristi sa mur ngya kwa'asu i wu ka'ala i nchimsu mo'ona chew pah ngichewe su. 13 Muna wun, ne wu do bun nchimwun sa chew beh ciri yamma chew wun, bah ningha gir toh wun yiwa. 14 Chew beh manni, ku'ura i kulmam ku dum Tarsu, 15 Bah wu mun bwang ku kalang i ku nza'ah a kuma lu'ulu yah. 16 Mu mur nere Baku ne ku chiri to yiwa ma murum yi ne i pa wun ngyarngya i mpilar yi ku nchim wun. 17 Ne Kristi ko ngi ning ku nchim wun chew pah ngichewe wun i mu mur nere ne wu ning i ngyarngya ku njel yirwun. 18 Ne wu kum ngyarngya i wu bah war ta'a Baku i puhu nchimu, ne wu bollo beh wangyi, i beh gu'uli, i limmi bej njele ma Kristi. 19 Ne wu she'ele beh njele bah gana wu she'ele mbwang ne wu rusu beh rusu maa Baku. 20 Mashen ba wu bah pa'a wu gir gan beh gir bah su muna ke su ri'isa, ku ciri ngyarngyai bah i mu pa'a tumu ku chiri su. 21 I ningyi toh yiwa ku ka'ana Baku i ku chiri Yeso Kristi ku wu zhe'e ma yoh mahueng, I naah.