NGYI 2

1 Yi yo ya'ana wun ku yo wu ba wo pa'ana girbiwa. 2 wo be girbiwa wun mani ba wo mur war chi'i ku nshere ma raman. wo ningna ku rengyei i pah yerai ma gum, be mpilar bah pa'ana tumu ku ciri mun bah i do wo'ochewe sa. 3 Mbwang su soo ningha ku ciri ya duk mo'on so mu pa'a wu girbiwa bah nchimsu njila bene wu gbaa mur ya, su maa so ningha wu gir ma a reng su chewe, 4 Ne chew beh mor njelei bah i yi su, Baku baa i mur sun chiri, 5 Ma ne su kum nchimsu chew Kristi malma so wa'aha chew girbiwa su, chew sun chiri ka ta'ana buksu. 6 Baku kaa lo'oso su yiwa i Kristi kaa ning i su i yi ku mo'oro wu ban ma kalang ku dum Yeso Kristi 7 Ne ku zhe'e bah a wuna, ko rum su i mor njele baa i ku ciri sun chiri i yere Baku bah i ku chiri Yeso Kristi. 8 Ku nso Baku swa kuma tah buhu, chew pah ngichewe, mani do y bah wun sa, mani yi beh girshima i yo baa Baku. 9 do chew tumu wun sa, ne bwarra mi do ngya ku'i sa. 10 Suu gir bah a tu'ula i buk Baku a tu'ula su ku yir Yeso Kristi ne su pa'a wu tumu ma shimai, bah Baku malma pa'ana duwa. 11 Wu re'eshe ne wo wun gamur wu bapina ku billa, a woi tu'ulu wun ne "wu bah a do yira ngu suhu sa, ya bah a yira ya ngu sukya. yi be yer beh ngu suhu ma yiru ne gbira bah ai pa'a i buhu. 12 Wu she'ele ne a wo gawa wun i Kristi ku beh bani a wo purai wun ku ciri wu munnah nza'a Israila, wo nigha wu baa biri ku beh ma'a nchimu ku baa Baku ku beh nza'ah mani. 13 Mani ku ciri kristi, wun bah wo gu'ula nshere a war wun yua puer ku shilla Kristi. 14 Yi ka'amuri ningya so'o pollo nchimsu, bah ma'ana beh baring ningya mo'on na ka ya'ara beh gir baa wo gawa su i yi, beh kang ba'a ma biwai. 15 Ba chilai beh wu chewe ku ngyam yiri njelei yi wo ku pa'a ku yiri, piwi bapina ku beh yir baring, ne a kum so'o pollo. 16 Ku yiri mo'ona, I ben mur yah ne aning mo'ona ku chew beh ka'a ngo'oro kpang bapina bah wo wol beh beene yir yah. 17 Wo yo lo'o wun lo'o ma so'o pollo nchimu wun bah wo puer, i so'o pollo nchimu i wu bah a wo pim. 18 Ku bi su kuma nginshere mashen bah beh Tarsu i mpilar mo'ona. 19 Yi bah ningha ne wu do bassa ningha wu biri sa i mu baa nzah sa, wu yo ningha wu bah nza'ah i wu bapina maa Baku i wu munnah lih. 20 A ba'ana wun ku beh ta'a lah mau bah lo'o lo'o maa Baku i wu bah sun duwa, i Yeso Kristi ka'amuri ningha tah ma Kangyi. 21 Ku yiri, beh ka'ana yoh bi'ina muri ban mo'ona ka la'ana wun ningha mor Puhi ba, a ma bwajeh Baku. 22 Ku bi, wun kpana a ba'a wun bina muri ne wu yoh ning ban ningha bah Baku ko ning ho i mpilar yi.