1 Mi Bulus ba tumu ma Kristi Yeso i njele Baku mashen bau bah puhu nchimu ma Afisawa, wu bah ngyarngya yir yah ku ta'a Yeso Kristi 2 I njele Baku i so'o polo nchimu mashen bah wun i yo bah Baku Tarsu i bwajeh su Yeso Kristi. 3 Yi Baku i Tar beh Bwajeh su Yeso Kristi ba a limai, bah a tanai lo'or ku wu gir ma mpilar lo'or ma kalang ku ba Kristi. 4 Baku pisa su ma yi bi ku yo pak taraman, ne su ning puhu ne a do sun gima biwai ku bi sa. 5 Baku wo ma'ana ne a kau su ne su ning wu munni ku chiri Yeso Kristi i njilei i bong yiri. 6 Ku toh yii wa mii, kaa pasu i njele nchimi ku ciri ba i njilai. 7 Ku ciri beh shiila muni, su kuma tah buhu ku wu girbiwa su, i pa'a ma Baku ku ciri njelei. 8 Bah pa'a ha su nso Baku i wu nzor bwang i wo she'eli. 9 Baku ma'ana ne su she'ele beh wu swarma gir ku yerai bene ba yi njila, bah pa'anai ku ciri Yeso Kristi. 10 Beh gir mani a wo ma'ana yah ne a ning naa ne a yo ben wo gir ma kalang i ma nza'ah ku ban mo'ona ku yir Kristi. 11 Ku ciri Kristi a wo twala su, ku ciri njele ma Baku ne su ning bene ba yi njila. 12 Baku twala su ne su bah soo pak ma'a nchimsu ku bah kristi ne su ning ma lemi tohli yiwa ku chiri njelei 13 Ku ciri Kristi wu wa'ana be lo'o ma ngichewe, be lo'o ma shimai ma kum ya'a buhu, a na pana ngichewe i yi ne a kusa wun i yere ma Puhu Mpilar, 14 Yi ba ningha bene pak talla bah pana ngyarngya ne so kum beh mpuru ku ciri wu bah a ning ka'ala ma Baku ku ciri njelei. 15 Chew beh mani, bah yo wo'o chew be pa ngichewe wun ku ciri Bwajeh su Yeso Kristi io beh njele bah wu mur pa'a wa bah war ta'a Baku i Puhu Nchimu. 16 Do wasa ku'am i bwata wun sa, mi re'eshe i wun ku nere Baku yam, 17 Mi ningyi mweeh ne beh Baku ma beh bwajeh su Yeso Kristi, beh hima Tarsu, ne i pa wun beh mpilar ma she'ele she'ele i ma rumu ne wu she'eli bwana. 18 Mu mur nere Baku ne beh ngya'a mish nchim wun i kum she'ele ne wu she'ele beh ma'a nchimu bah tu'ula wun, ku chiri beh shima mpuru mau bah war ta'a Baku i Puhu nchimu. 19 Ku nere Baku yam muna ne a she'ele beh mor ngyarngya ma ngyarngyau ku ciri su bah su pana ngichewe, bene bah wu mur shene ku ciri mor ngyarngya. 20 I bene be ngyarngya bah pa'ana tumu ku chiri Yeso bah lu'ana iyi ku yo wuh gba'a mo'on ka ningna i yi ku buk ma li ku ban ningyai ku kalang. 21 Yi ningna i Yeso ku mur bwang ne i sun bwong i ngyarngya ne i ning ku murya, ne beh lu'ulu bah ana pana. Kristi yi ko reng ku mur wu, do ku ciri zhe'e mani sa, ku zhe'e ba wuna kpanah. 22 Baku ma'ana wu gir bwang ku bah mgba'a Kristi ka panai wa wu bah war ta'a Yeso ne i sun bwang wu gir. 23 Wu bah war ta'a Yeso ya be yiru, beh rusu mabi ba i rusa beh gir bwang bwang.