1 Shawulu, i ku mur liduwa i lo'o ma pa ji'iri ne ko wol wu muna ye'ele ma Tarsu shina bah mwara bwajeh 2 shen nirai ne i pi mpuknsheme mashen wulah lem Baku bah iku Dimashku, ne na kumna bwara kube njere bili babura ke bamaam, koyo kurya ku Urushalima. 3 I ku mur shene, yuana pwer i Dimashku, muni-muni bung bissa ku yo kalang bunghu karngyi. 4 Kwana ku nzah ka wa'ana jimmu imu chew yine, "Shawulu, Shawulu, mani pa'ana ka wumu mahm sun chiri?" 5 Shawulu ka yeryine, we yen Dah? Yeso ka chew ne, mi Yeso bah wumur ma'am sun chiri; 6 Lahun bor mashen ciri ram a chewau gir ba ningna wu pa'a. 7 Wu bah amu shen iyi a chila kpa cheche a do she'ele gir ba a chewe, amu ta'ara a wo'o be jimmuh a do suna bwara sah. 8 Shawulu luana kuyo nzah, fana mishi do ngina sun gima sah; ka bol buhi a sayi njere mashen ciri ram Dimashku. 9 Nongyo tarung mishi do mur sun bansa, i do lina ke nunasa. 10 Mun ye'ele ma Yeso mo'on ku Dimasku lu'uli Hananiya; Baku ka lo'oyi lo'o ku loro ne, "Hananiya." ka chew ne mi nimi Baku.'' 11 Baku ka yeryine, la'ahun shen kum ginjere bah ai chu'ulu ne Narai, i ku lah bura mo'on bah ai chu'ulu ne Yahuza ka mwe bapina bah iyo Tarsus bah lu'uli Shawulu; i ku mur nere Baku. 12 I suna ku loro ne bapina lah bah lu'uli Hananiya ma i mu boro ko chi buhi ne mishi fah." 13 Hananiya ka yere ne, "Dah wa'ana chew be bura mani ku bah wu bapina bwana, gir biwa bah i pa'anawa wu bah war che'ew ku Urushalima. 14 Ya'ana kunu ku ba mwara bwajeh ne i bol bah na chu'ula lu'ulo. 15 Kpah ma be Tarsu ka chew yi ne "shene, yi ka'ala tumuyam bah tualai ko tol lu'ulam mashen bah wu ramman, wu gom iwu muna Isra'ila. 16 Mo rumi i chiri bah iko sunu ku chew lu'ulam. 17 Hananiya la'ahun bwara be lah ka chiha buhi ku muri ka chew yine "Swana Shawulu, Yeso mun Baku bah pura wo ku njere bah wumu yo yini tura mu ne mayo fah miso ne a rusu i Puhu Mpilar. 18 Ku banai gima bene ngo'oro nguni puru kwana kuyo mishi Shawulu, ka pakna sun ban. luana ka a yisai ku mu'uru. 19 Lina bila ka a luanayi lo'o bah ko pih ngyarngya, ningna i wu muna tumu Yeso ku Dimashku ma nongyo baring. 20 Ku banai paka ma ma'akun chew Yeso ku lahlem Baku, i mu chewne yini mum Baku. 21 Bwang wubah wa'anai mingna wa gir fahkunu ka a chewne "Do bura mani bah i wu mu wol wu bapina ma Urushalima bah ana chu'ula beh lu'ulu mani sah? yuana kuni ne i ku pah ya wa wu mwarabwajeh ne ku'uru ya. 22 Shawulu i mu gishi kum ngyarngya bwana, imur su'uruya i warmaya ku ciri wu bah a ningna i chele ku mur ne Yeso yini mun Baku. 23 Ku nzum duk bwana wu Yahudawa, wu Yahudawa pisa njere ne a tol nchimi. 24 Shawulu kumna she'ele ku mur gir ba a njila pa'a yi. A mu nong tamai ku njere bor mashen be ram duhu i missa ne a kumi woli. 25 I ciri duhu wu muna ye'elei toli pur iyi ku ko'o giri. 26 Yuana Urushalima, Shawulu ma'ana ku nchimi ne i ben muri i wu muna ye'ele bwang ya a mu bang ji'iri, ado yira iyi ne ningya mun ye'ele sah. 27 Barnabas ka toli war mayo wubau muna tumu ma Yeso. Ka chewa be so'osum bah Shawulu pa'ana iBaku ku nginjere, Baku lua'ana iyi. i lo'o Baku bah Shawulu pa'an ku lu'ulu Yeso param ji'iri ku Dimashku. 28 Kumna ya ku boro i puru ya ku Urushalima. lua'ana lo'o param ji'iri ku lu'ulu Yeso mun Baku. 29 I mur linan i wu Yahudawa i lasu ya. A ngyarngya yirya ne a tol nchimi. 30 Wu laya shi'ila bah ka a warai mayo Kaisariya, ka a basa turai mashen Tarsus. 31 Wu bah war ta'a Baku bwang bah aku nzah Yahudiya, Galili i Samariya a kumna nongyo nchimya i liduwa, amu shen,shene ku ji'iri Baku in nong nchimu Puhu Mpilar, wu bah pah ngichewe amu gishe bwan. 32 Bitrus shene karngya bwang ku be nzah ya ka bunyere yuana bawu bah warta'a Baku ku Lidda 33 Ku banai kuma bura mo'on bah lu'uli Iniyasu, bah wu gbi'i iwu buhi yumna. Nongna ku ka'a gir nongyo ma ba'ah ya'anga. 34 Bitrus ka cheyi ne," Iniyasu, Yeso Kristi panau shakap lahun karma gir nongyou." ku banai lahun nara. 35 Bwang wu bah ningna ku nzah Lidda i nzah Sarona a suna be bura bili a pi'ira mashen ba Baku 36 I ku Yafa bah ye'ele mo'on ho lu'uli Tabita, yini "Dokas." be maam mani i nchimu ma pa'a gir shima i sun chiri bah imu pa'a wa wuba a njila jen chi'iu. 37 Yuana duk mo'on gana ku yiri ka wuhna, a susai be loi a ma'anai ku bum ka'ana ma kalang. 38 Chewma Lidda pwer i Yafa, wu bah mun ye'ele wa'ana ne Bitrus i ku nuno, ka a tur wu bapina baring mashen bii. A nirai, ane i yo basu chichik. 39 Bitrus la'ahun shina iya amu ju banai ka a wari mashen be bum ka'ana ma kalangyi, Wu maah mamo a mur zolo ka a tuala wu twan i wu swarai bah a woi ya. 40 Bitrus pura iya bwang kube bumlah ka ku'uru kunsa mishi ka pi'iri mashen bah be loh ka chewne "Tabita, la'ahun." Ka fana mishi, imusun Bitrus la'ahun ningna, 41 Bitrus wara buhi ku muri luana iyi yiwa ka tu'ula wu bah war ta'a Baku i wu bah milimya waha, ka panaiwa i nchimi. 42 Be gir mani ma'ana a shi'ila ku Yafa bwang, wu bapina bwana pana ngichewe i Baku. 43 Yo ningna ne Bitrus yo ningna duk gbe'e ku Yafa i bura mo'on lu'uli Saminu,bah girshi ka'anguh.