1 Bura mo'on i wu ku ram ma Kaisariya, ai tu'uli Karniliyas,bwajeh mawu bah tah mwarang mawu "Kungiya" bah a tu'ulu Italiya. 2 Bapina bah pana ka'amuri, bah bang Baku i bwang wu ba lih, i ta'awu bapina, i nere Baku duk i duk. 3 Ku bolo tangshing suna ku loro mun tumu Baku ku muyo bih. Be mun tumu Baku ka chewyi ne, Karmniliyas" 4 Karniliyas ka so'oyi be mun tumu Baku mishiu i ji'iri ka chew ne "man pa'ana bwajeh?" be mun tumu Baku ka yeryine, "Lo'o i Baku ku nere yo i gir shima bah wumu pa'awa wu bapina bah a do i yi sa, yiwa kalang, gir bah a pa'ana ningna gir re'eshe ku dum Baku. 5 Ka tur wu bura mashen ram ma Yafa ne ashen war bura mo'on bah lu'uli Saminu bah ai chu'uli Bitrus. 6 I ningna ku ba wu ba girshi ka'angu bah lu'uli Saminu, lih ku kun bwaah. 7 Be mun tumu ma Baku bah lua'anayi kwana njere, karniliyas ka tu'ulu wu muna tumui baring bah a ku lih, I bah tahmwarang ku chiriya bah i yira iyi. 8 Karniliyas ka chewa bwang gir bah isuna ka turya mashen Yafa. 9 Ku mo'on duk i duduhu bolo tangza, aku nginjere a tana pwe i be ram, Bitrus yiwa kube lah kalang nda lo'o i Baku. 10 Nzala walai ka pisa gir bah ikuli, wu bapina ashi mur lam be bila, ka loro ywana yi, 11 Suna Kalang fana amu su'ulu i gir so'o ka'ala, gima bene mwara twan kusu yiru kumur su'ulu ku be nzah, su'ula ku kangyi yinung. 12 I ku bui wu ngyam to'o bah gba'aya yinung i wu bah sung i bumya ku nzah i wu ngyiling ma kalang bwang. 13 Ka wo'o lo'o i mu chewyine "La'ahun, Bitus, wollo she'e." 14 Bitrus, ka chewne do nah sa Dah, wo do shi'a gir biwa ke gir ba do Puhui sa," 15 Be lo'o ka basa yo bi ma mgba'a baring, "gir ba Baku pa'ana shimai mi do chew ne biwai sa." 16 Gir mani pa'ana gba'a tarung ka be gir so'o ka'a lah bunyira mashen Kalang. 17 Bitrus i ku mur masahai ku mur loro bah yuanayi ne mani bili? ka Karniliyas tura wu bapina tarung a chila ku kun ka'ana ku nzum bah a muina be lah. 18 A mwuina ne Saminu bah ai tu'uli ne Bitrus, ke nai ning ku banai. 19 Bitrus i ku mur re'eshe be loro bah i suna, ka mpilar chiwai ne, wu bapina baring a mur pish banau 20 La'ahun su'ulu shen iya bi do bene shen iya sa, mini turaya. 21 Bitrus ka su'ulu yo bawu be bapina ka chewne, "mini bah wumu pishi mani ma'ana ka wu yuana? 22 Ka a chewyi ne, bwajeh ma wu bah tahmwarang bah ai tu'uli Karniliyas bapina ma shimai bah bang Baku, wu bapina luan shima ku muri ku be nzah Yahudawa mbwang, yini ba mun tumu ma Baku tumna wo ne a yo lih, wa'ana be lo'o kuyo bo. 23 Bitrus ka chewa ne a boro shen ningsu'ula ku bi ban fana ka a shina iya, wu so'ongi kuyo Yafa shen chihai. 24 I duhi mo'on ka a bwara Kaisariya Karniliyas kumur ta'ara ya, la'ana wu so'ongi i wu moni ma pwer. 25 Ningna ne Bitrus kasama bwara, ka Karniliyas ka su'ana dum iyi ka ku'ura swa'ana nzah panai. 26 Bitrus lu'asai yiwa kane, "La'ahun chele! mi bapina bene we. 27 Ku bolo ba Bitrus i mu lo'o iyi, ka bwara buih shen kuma wu bapina kamna murya kuban mo'on. 28 Ka chewa ne, wui ka'amurwun wu shi'ila ne ido bwangna bura Yahudawa ben muri ke ishen were ku ba bura ke maam raman sa. Baku chiwam ne ma do chew yi bwara ne yi bah chew biwa ke ido i Puhu nchimu sa. 29 Mani yini ma'ana ka yuana do sangna kumurwun sa, ku tu'ulu bah wu tu'ulami, ku mur beli muna wun ne mani ma'ana ka wune muyo. 30 Karniliyas ka cewne, ku duk yinung bah bwa'ala ku kahkah bolo mani mimur nere baku ku bolo ma tangshing iku lem, suna bapina chila ku duam i twan ma bungnai. 31 Ka chewne, "Karniliyas, Baku wa'ana nere ngyo i gir shima bah a pa'ana ma'ana Baku ri'isa i we. 32 Ku mur gir mani, tur bwaramashen Yafa ne, I chu'ulu wo bura ba lu'uli Saminu bah ai chu'uli Bitrus. o ningya ku la saminu majemi, bah iku n ngyi mu'uru. 33 Ku gba'a mo'on tumau. A pa'ana girshima ba a yuana. Su ha bwang ku mish Baku, su wo'ana gir ba Baku chiwau ne chewe." 34 Bitrus ka fana kuni kane, mangichewe suna Baku doi bi'ing bwara sa. 35 Wu be bili bwang wu raman bah pa'alem yi Baku, i bah pa'a gir shima, i ya'anai. 36 Wun wu shi'ila gir ba tumna wa wu bapina ma Isra'ila, ku ban bah tumna wa i lo'o ma shimai ku ba Yeso Kristi tarsu bwang. 37 Wun i ka'amurwun wu shi'ila wu gir bah a ningna, ba a pa'ana ku Yahudiya, pakna ku Galili, iku nzum bah a ma'ana kun ku chew dangha ku mu'uru bah Yahaya pa'ana. 38 Wu raman kumur Yeso Banazare bah Baku ma'anai i Puhu Mpilar in ngyarngya kpa. ka basa lina duwa i tumu ma shimai ka pana shakap yiru wa wuba shaidan ku'ura, chewma Baku iya. 39 Su bah mishsu suna bwang wu gir bah i pa'ana ku nzah Yahudawa i ciri Urushalima, yini be Yeso bah a wala a kpangnai ku nguni. 40 Be bapina mani Baku luasai ku duk ma tarung ka ma'ana ne a she'eli, 41 Do mashen ba wu bapina bwang sa, i mashen ba wu bah mishya suna Baku rwa'asa ya kuyo chikchi'i - su wuba su lina, su nuna iyi ku nzum bah luana kuyo wuh. 42 Chiwa na su ne su chewa bapina lo'o mun Baku i ning ku mur ne yini bah Baku twala ne ko reng chewe wa wu bah ai nchimya i wu bah wuh. 43 Ku chewyi ma wubah wo lu'ana loi luana ku muri bwang ba na pana ngichewe iyi ko Yes girbiwai ku nzo lu'uli. 44 Bitrus fana kunya, ma Puhu Mpilar su'ula ku mur wu gamur bapina. 45 Wu bapina bah aku "Kungiya" wubah war ta'a Baku bah a yira i yersuhu, bwang wu bah yuana i Bitrus fana kunya, ma puhu mpilar su'ula ku mur wu gamur bapina. 46 A wa'ana wubah gamur bapina a mu lo'o i wu lasu amu lem Baku. Bitrus ka yere. 47 "Ke bwara ham bah ko lel ma a dang wu bapina mani ku mu'uru, chew bah a ya'ana Puhu Mpilar bene su?" 48 Ka pahkunu ne a dang ya ku mu'uru ku lu'ulu Yeso Kristi. A nirai ne i ning ku baya mashen wu Duk.