NGYI 11

1 Wu bah muna ye'ele i wu so'ongi ya bah a ku Yahudiya a wa'ana ne wu gamur bapina a ya'ana lo'o Baku. 2 Bitrus shina Urushalima, ku bah wubah ai yer sukya a sa'angai. 3 Ane, "A bina muro i wu ba a doi yer sukya sa we ku mur lih bila iya. 4 Bitrus ka fa'ahawa be lo'o mo'on, mo'onine, 5 Mumur lo'o i Baku ku Yafa, ka suna i loro ku mur gir so'o ka'ala imu su'ulu bene mwara twan kusu yiru ku yo kalang su'ula ku kangyi yinung su'ula ku duam. 6 Swa'ana yi mishu ka ri'isa ku muri, suna wu ngyam bah gba'aya yinung ma nzah, bi'iwa ngyam iwu bah ku'uru, iwu ngyiling ma kalang. 7 Ka wa'ana lo'o i mur chewam ne, la'ahun, Bitrus yere she'e.'' 8 Ka chiwai ne, "Do nah sa Baku, gima ma biwai ke twa'angai bah wo bwara kunam. 9 Ka wo'o lo'o luana yi kuyo kalang ne, Gir ba Baku na tu'ula shimai, bwara bi tu'uli ne do shimai sa. 10 Be gir mani pa'ana gba'a tarung ka bwang bunyira mashen kalang. 11 Muni muni ka suna wu bapina tarung a chila ku kun lah bah suho, a turaya kuyo Kaisariya mayo bam, 12 Mpilar ka chiwamne ma shen iya, ma do be'ene ya sa, wu so'ongisu tanzah shina imi sushen bwara be lah bapina. 13 chiwasu bah suna be mun tumu Baku chila ku chiri lih imu chewne turwu bapina mashen Yafa, ne a shen tu'ulu Saminu bah ai tu'uli Bitrus. 14 Ko chew wun gir bah wukum nchimwun bwang i wu bah leu. 15 mu mur lo'o iya ka Puhu Mpilar su'ula ku murya bene bah wo su'ulu ku mursu. 16 Ka ri'isa i lo'o Tarsu bah chiwa ne, Yahaya dangna ku mu'uru wun a ko dang wun i Puhu Mpilar. 17 Baku na pa'anawa gir bene bah pa'ana su kubah su pana ngichewe ku bah Tarsu Yeso Kristi bah mi yen ba mu sung lo'o i Baku? 18 A wa'ana wu gir mani ka a sahya gir ma lo'o, ku beli a lemna Baku ka a chewne, wu gamur bapina Baku pana njere ne a pur kuyo chew biwa ya ne a kum nchimya." 19 Wu bah gawa ban kuchew sun chiri ma a suna ku nzum bah a wal Istifanus, a gawa ban mashen Finikiya, Kuburus i Antakiya ka a luana lo'o Yeso wa wu Yahudawa lyah 20 Wu gamur wu bapina kuyo Kuburus i Kurane, a yo Antakiya a lo'o i Hellenawa, amu lo'o chew Tarsu Yeso. 21 Ngyarngya Baku iya, wu bapina bwana pana ngichewe a pi'ira mayo bah Baku. 22 Lo'oya bwar ku bumbur wu wu bah war ta'a Baku bah aku Urushalima, ka a tura Barnabas mashen Alakiya. 23 Yo jina ka suna gir bah Baku pana ka bwangna nchimi panawabngyarngya ne a chele i ngyarngya ku mur Baku i nchimya bwang. 24 Yi wo bapina ma shimai, rusa i Puhu Mpilar i pah ngichewe, wu bapina bwana a bina ku mur wu bah war ta'a Baku. 25 Barnabas shina tarsus nda pis shawulu. 26 Bah she kumi wari ma shen Antakiya. Ningna ku banai ba'a mo'on a ben murya i wu bah wat ta'a Baku a sahna wa bapina bwana. Ku Antakiya ka a pakna tu'ulu wu muna ye'ele ne "Krista" 27 Ku be wu duk ma wa Anabawa kuyo Urushalima ywana Antakiya. 28 Mo'on ku ciriya bah ai tu'uli ne Agabus ka la'ahun chele lo'olo'o i ngyarngya Mpilar ne nzala ko boro ku taramman mbwang. Gir mani ko pa'a ku zhe'e wu Kaludiya. 29 Wu muna ye'ele ka pa nchimya ku yoh ngyarngya ya a tur wa wu so'ongi ya bah aku Yahudiya i wu gir. 30 A pa'ana nah a tura ngya'abolo wa wu jeh kuyo buk Barnabas i Shawulu.