NGYI 12

1 1 Ku be ban mani Gom Hiridus yisa buhi ne iku pis chew iya 2 Wala Yakubu so'ongi Yahaya i be'eu. 3 Suna ne bwangna nchim wu Yahudawa ka bwala Bitrus kpana ku ji ba a li fo'ofo bah ido i yist sah. 4 Bah a bwalai a ma'anai ku nengye, yi ma ma'ana wu ba tah mwarang yinung ne a chik tamai, i njila ne i wari mayo bah wu bapina ma ana mala kam muru ya. 5 Bitrus i ku lah nengye wu so'ongi ba war ta'a Baku a mur nere Baku chewyi bwana. 6 Bene liwi Hiridus ku pur iyi ka be duhi, Bitrus nongna tolong ku chiri wu bah tahmwarang baring a ku'urai I kunah bolo baring. wu bah tahmwarang amu lel be kunlah nengye. 7 A do shi'ila sa ka mun tumu ma Baku ka yo kubi, ban ka bungyu ku be bumlah. Ji'inga Bitrus ku kangyi ka chew yi ne luasai ka chiwa ne. "La'ahun chichik," Bitrus pa'ana gir bah i chiwai, ka wu bah kunah bolo swa'ana su'ula kuyo buhi. 8 Be mun tumu Baku ka chewyine," pa'a ngyarngya yi'ishi ngu gbo'o." Bitrus ka pa'a gir bah a chiwaio. Be mun tumu Baku ka chewyi ne "Tol gir kuru kusu yiro ka war ta'am." 9 Bitrus wara ta'ah be mun tumu Baku mashen nzah. Do ngina ta'a gir bah be mun tumu Baku imu pa'a ma ngichewe sa. I mune ina mur loro. 10 A bwa'ala wu bah lele kun ka'ana ma mo'on i ma Baring, a jina kun ka'ana bah a pa'ana i bolo bah iku mur sun ciri ram fana wa i ka'amuri. ka a pura wara nginjere, ku banai ka be mun tumu ma Baku ji'ingnai. 11 Bitrus bunyere yuana ku she'elei, ka ne, ma ngichewe shi'ila ne Baku tura mun tumui ne iyo ya'a buham kuba Hiridus i gir bah wu Yahudawa a chiha misya. 12 Yo shi'ila nah ka shina lah Maryamu ba billa Yahaya bah lu'ulu bah buli Markus, wu bah war ta'a Baku bwana a kamna murya a mu lo'o i nere Baku. 13 I ngyana kun ka'ana ka beh korom mu sari ma lah ba ai tu'uli ne Roda yuana ne i fa kun ka'ana. 14 I wa'ana lo'o Bitrus bwangna nchimi bwana, be chew bwong chimi do gina fa be kun ka'anasa 15 "Ka a chiwaine, a bangna mih, Gishi chiwa wane inah. ka a chew ne, Malaika." 16 Kpah ma Bitrus i mur nigyi nda ngya be kun ka'ana a fana be kun ka'ana ka a suna ka a yira ne yi, be gir panawa gir fahkunu bwana. 17 Bitrus pa'ana buhi i mu rumya ne a ning cheche. Ka panawa lo'o ku mur bah Baku pura iyi kuyo lah nengye, kane, wu chewi Yakubu i wu so'ongi mbwang gir bah pa'ana. ka ji'inga ya shina mashen bana gba'ai. 18 Bah ban fana do gir muzuhi ma luana ku ciri wu bah tamwarang sa, kunu gir ba pa'ana i Bitrus. 19 Ku nzum bah Hiridus pisai do kumai sa, ka muna wu bah chitama ban, pana kunu ne a wolya ka su'ula kuyo Yahudiya u mashen Kaisariya shen ningna ku bani. 20 Hiridus suha nchimi bwana iwu bapina ma Taya i Sidon. ka a shen bih bwangya. ka a nere Bilastasa, bah war ta'a Gom kumna ya ka a pisa ne a gir shi chi bah amur kum bila kuyo ramya. 21 Ku be duk bah a pana Hiridus yi'isa ka'ala Gom ka shen ning ku ban ningyai ka lo'o wa lo'o. 22 Wu bapina ka ngyaha kunya, "Mani yini lo'o ma baku do ma bapina sa!" 23 Ku banai Malaika Baku ka ngyi chew ba i do swa'ana nzah pana yi Baku sa.ku banai wuh ngosong linai wuhna. 24 Lo'o Baku shuna pimpim a kum liduwa. 25 Ku nzum bah wu Barnabas i shawulu mala tumya ku Urushalima. Amu bunyere ka a yuana i wu Yahaya bah lu'uli tari Markus. i Barnabas i Shawulu a bunyer Urushalima.