NGYI 13

1 1 Ku chiri wu bah war ta'a Baku ma Antakiya, aiwu bah sunduwa i wu bah sahsah. yawu Barnabas, Saminu (Bah ai tu'uli Baki) i Luk iya Bura Kurame i mana yi (Bah a gula iwu Hiridus lah Gom): i shawulu. 2 A ku mur lem Baku i Kusu kunya, Puhu Mpilar ka chewne, "Wu ma'a yam Barnabas i Shawulu chew be tumu bah tu'ulaya." 3 Wu bah zam Bapina a mur nere Baku I kusu kunya, ka chiknawa buhi ka a swa'ana bukya. 4 Wu Shawulu i Barnabas a wa'ana kun Mpilar a shina Sulukiya, kuyo banai ka a tahpura mashen jinchiri Kuburus. 5 A ku ram Salami, a sahna lo'o Baku ku ban Lem Baku mawu Yahudawa, a woi Yahaya Markus bah jen ta'aya. 6 Ku nzum bah a kikangya ku ram ma jinchiri mbwang i Bafusa, iku banai ka a swa'ana dum i bura Yahudawa bai tu'uli ne Bar-yesua bura ngila bah lo'o lilim. 7 Be bura ngila mani bah ai Makaddas, yi Sarjus Bulus bapina bah nzor. tu'ula wu Shawulu i Barnabas ne i wo'o lo'o Baku. 8 Ka Elimas "Bah ngila" (Be Lu'uli yini beli) pisa chewe iya. Njils pur i Kakaddas kuyo ngichewe. 9 Kpa ma Shawulu bah ai tu'uli ne Bulus rusa i Puhu Mpilar ka so'oyi mishu. 10 Ka chew ne we mun shetan a rusa i lere i pa'a nzwang. We mwan bura bwang gir shima. wo do ji'ingni tuhoh njere Baku sa? 11 Buk Baku i ku muro, wo ning bahtawa. wo do sun misa ke bolo sa, iku banai ka rungdung i pina yo kusai ka paka mbeh i mur pis wu bah a bolyi gara. 12 Ku nzum bah Mukaddas suna gir bah pa'ana ka pana ngichewe ku mur be gir bah ningna yi gir fahkunu ku mur Baku. 13 Wu Bulus i eu moni ka bor gir sau mu'uru a tahlu'uru mashen Bafusa mashen Firjiya ku Bamfiliya. Yahaya ji'ingi ya bunyira mashen Urushalima. 14 Wu Bulus i wu moni a shen mashen Firjiya mashen Antakiya ku nzah Bisidiya. Kumi ka a bwara ka'ana lem Baku ku duk Asabar a shen ningna. 15 I ku nzum bah a balah mpuknsheme rengchewe i mawu Bah sunduwa, wu jeh ma banlem Baku a tumu ne "Wu so'ongisu wuna i lo'o bah ko pawu bapana ngyarngya wu chewe," 16 Bulus ka la'ahun rum i buhi ka chewne, " Wu bah Isra'ila i wu bah wumur lem Baku wu wo'o. 17 Baku Isra'ila rwasa wu Tarsu bawa murum ba a woku nzah Masar i mwara ngyarngya ka pura iya. 18 Dangna nchimi iya ma ba'a lum yinung. 19 Iku nzum bah wala wu nzah tangzabaring ku nzah Kan'ana, panawa wu ka'asu mpuru. 20 Mbwang wu bah gir mani pa'ana ku ba'a lum gba'a lum yinung i kuni tongnung bah a bwala. iku nzum mani Baku panawa wu bah rengchewe kasama amai'ila bah sun duwa yuana. 21 Wu bapina ka nira ne a pawa Gom, ka Baku panawa Saul mun Kish, bura lah wu Binyamin ningna Gom ma ba Lumyinung. 22 Baku yo wuknai be gir ninghai ma Gom pana yi Dauda ne i ning Gomya. iku mur Dauda ka Baku chewa ne, kumma Dauda mun Yessi, bapina bah nchimam njila, ko pa'a mbwang gir bah njila. 23 I ku yo njil be bapina mani ka Baku pura i bah ra'asa buk wu Isra'ila Yeso, bene bah wo lo'ana ne ko pa'a. 24 Yeso woshiham mayo, ka Yahaya lwa'ana ku mur dangya ku mu'uru chew yes chew biwa ma wu Isra'ilawa. 25 Yahaya kumur marsa tumui ka chiwane, wu suna bene mu yen? Mi do yisa. wu wo'o bapina mo'on wuna ku nzuam bah mo do'ongi basa ngugbi'isa. 26 Wu swana, wu mun mayo ba Ibrahim, iwu bah ku chiriwun bah a bangna Baku, ku mayo basu ma a tura be lo'o kum nchimu mani. 27 Wu bah ningna ku Urushalima iwu gom ya ado shi'ilai sa, a masa rusa lo'o mawu bah sun duwa ba ai bala ku duk Asabar bwang a binai.` 28 A do kumai i gir bah ko ma'a a woli sa, a nira Bilatus ne i woli. 29 A mala gir bah awo ngwa'ala ku muri ka a su'ula iyi ku nguni ka a ma'anai ku mpuhu shi'ilah. 30 Baku lwa'asai kuyo wuh bah bah wuh. 31 Wu bapina bah a yuana yiy kuyo Galili i Urushalima a ningna nda suni dukbwana. Wu bah bapina mani ya ningna wu bahreng kuni ku bawu bapina. 32 Su wara wun lo'o mashimai ku mur pahkunu bah a wo pana yi Tarsu. 33 Yi rusa su, wu munya, bah luasa Yeso. Bene bah a ngwa'ala ku nshele ma baring: we munam, lina mani mi ningna Taro 34 Gir bah ma'ana ka luasai i kuyo wuh yini ne yiri do rumsa," lua'ana ben bili ne mo pawun wu gir ma Dauda ma mori 35 Yini gir bah ma'ana ka basa lua'ana ku Zabura, maginai ne ko do ji'ingi wu bah ai Puhu nchimya ne a do rumu sa." 36 i ku nzum bah Dauda pa'ana yi Baku tumu ku bum nchimi i gir bah Baku njila, ka wuhna, ka a lisai i wu ki'i, ka ruma 37 Bah Baku lua'asai do rumna sa. 38 Wu swana wu she'ele ne kuyo che bapina mani ka a lua'ana wunu lo'o Baku chew yes girbiwa wun. 39 I ku nzo yi bwang ba na pana ngichewe ko ra'asa yiri kuyo kukut ma Musa do ji'inga wun ku murisa. 40 Ku mur be mani wu tam yirwun kumur wu gir bah wu bah-sunduwa chiwa wun ne wu do kwa ku murwun sa. 41 Wu ba do wo'o lo'o sa, wo sun gir fahkunu, wo mala, kube mur mani miku mur pa'a tumu ku duk mawun, tumu bah ana chiwawun wo do yer kunsa. 42 Wu Bulus i Barnabas amu puru wu bapina niraya ne a basa lo'o bene bili ku duk Asabar ma wuna. 43 I ku nzum bah a shen lema Baku, Yahudawa bwana i wu bah a bwara ban nere Baku mawu Yahudawa a war ta'a wu Bulus i Barnabas, a lo'owa ne aliduwa i be tum pa'a gir shima i lo'o Baku. 44 Asabar basa yuana, wu bapina bwana kube ram ayo kama murya ne a wo'o lo'o Baku. 45 Wu bah Yahudawa suna be zam wu bapina, ka suha nchimya amu lo'o biwai kumur gir bah Bulus luana a sa'angai. 46 Wu Bulus i Barnaba a luana lo'o i nchimya mo'on ane, "I ningna gba ne a pak ma chew wun lo'o Baku. Chew bah wu bi'ina, wu sahna su ne wu do jina wu kum nchimu ma bo'obo'o sa ku be mur bili si pi'iri mashen bawu gamur bapina. 47 Ku be mur bili Baku luana yam ne, ma'ana wun bungban ku bawu bapina, ne warwa kum nchimu ku bwng be tahramman. 48 Wu bapina wa'ana nah, bwangna nchimya a lemna lo'o Baku. bwang wu bah awo ra'asa ya ne a kum nchimya ma bo'obo'o a ya'ana Baku. 49 Beh lo'o ma Tarsu gauna ban mashen wube ram banai. 50 Wu Yahudawa a to gamur wu maam ma ban lem Baku wu bah ai sunya i misu mawu jeh i wu gburugbuk bura ma ram. Be gir mani ma'ana chewe bwana wa wu Bulus i Barnaba kasa ma a pura iya ku be ramya. 51 Wu Bulus i Barnaba ka a yi'isa nchudung gba'aya swa'ana wa ka shina ram Ikoniya. 52 Wu muna tumu ma Yeso ka bong nchimya a rusa i Puhu Mpilar.