1 Duk mo'on wu Bulus i Barnaba bwara ram ma Ikoniya ka a bwara banlem Baku ma wu Yahudawa ka a chew wa lo'o Baku bah wu bapina bwana ku ciri wu Yahudawa iwu Hellinawa a pana ngichewe. 2 Wu Yahudawa bah a do wa'ana kun sa, a mah wu bapina ne i suhu nchimya iwu so'ongiya. 3 A ningna ku banai ma duk bwana a mur lo'o I nchimya mo'on i ngyarngya ma Baku. imu chew lo'oi ma gir shima. pa'ana be gir mani ku chew gir bah i pa'ana i gir fahkunu ku buk Bulus i Barnaba. 4 Ku be chew mani wu bah ram gauna mu'uri wu gamurya wara tah Yahudawa, wu gamur ya wara ta'a wu muna tumu ma Yeso. 5 Mbwang Hellinawa i wu Yahudawa a pisa ne a kum Ka'amur wu jehya mane a pa ciri wa Bulus I Barnaba a bu'uhu ya. 6 A suna nah ka a bangna Mashen wuram ma Ikoniya, Listira i Darbe, i wu ram bah a pwer iya. 7 I ku banai a pa'ana lo'o Baku. 8 I ku listira bura mo'on ham bah bwala ban ido ngina lahun chele io gbi'ih bu'unga i kuyo bilai. 9 Be bura mani i mu wo'o lo'o Bulus ka Bulus swa'anayi mishiu ka suna ne be bura bili i pa ngichewe bah ako ma'a ne i kum shima yiri. ka chewyi i jimmi ma mori ne, "La'ahun chele i gbo'oh," 10 Be bura beli ka la'ahun chele pak ma shene i mgbi'ih imu le'ele i mur shenshene mal ban. 11 Wu bapina suna gir ba Bulus pa'ana ka a nghana kunya bwana amu chew i lassuh ma Likoniya ne, "Wu killah kuyo kalang yuana basu bene, wu bapina. 12 A tu'ula Barnaba i lu'ulu ne "Zafsa," Bulus a chu'ulai i lu'ulu ne"Hamisa" chew bah yi lo'o gana. 13 Be mwara bwajeh Zafsa bah lah lem Baku i ku be kun ka'ana mabor ram. yi i wu bapinai a wara nta'a ne a wolyi Baku ya. 14 Wu Barnaba i Bulus, a wa'ana be gir mani a sa'anga twanya ka a bangna mashen wubah be zam bapina. 15 Amu chewne, wu wo'o! wu bapina mani ma'ana ka wumu pa'a bili? Su bapina bene wun. Su wara wun lo'o mashimai ne, wu ji'ingi wu gir bah do bwangna sa. Wu bunyer mayo bah Baku bah pa nchimu, bah ma'ana Kalang i zah i bwaah i bwang wu gir bah a ham ku buih. 16 Ku nzum i wu ji'inga wu bapina ne a pahgir bah a njila 17 Ku mur bili do ji'inga ka'amuri i rengkuni sa, i mu pah wu gir shima i pana wunu buhu ku ban ma kumu, rusa nchimwun i billah i bong nchimu. 18 I be wu lo'o jmani bwang ningna wa Bulus i Barnaba i ngyarngya ma a pi'iriya ku be tum ngila ya. 19 Wu gamur Yahudawa kuyo Antakiya i wu gamurya kuyo Ikoniya a lere wu zam bapina. A bu'uhu Bulus a sungyi pur iyi kube rm amu sun bene na wuhna 20 Wu muna ye'ele ma Yeso chele karnghai lwa'ana bwara be ram. Ban fana ka shina mashen Darba ai Barnaba. 21 Ku nzum bah a lwa'ana lo'o Baku ku be ram ka a kumna wu muna ye'ele bwana, ka a yuana Listira, Ikoniya i Antikiya. 22 Amu ngyarngya nchim wu bah muna ye'ele ne a bol ngicheweya a lih duwa iyi. amu chewane, "chele i ngyarngya bwana ko ma'a bor lah Baku i ku mur bili ningna ne gbah so sun chiri. 23 A rwa'asa wa wu bah ko pa'a tumu ku banlem Baku bwang a lo'o i Baku ku nere i Kusu kunya a rumna ya yi Baku i wu bah pana ngichewe kubih 24 i Ku yo banai a wara mashen Bisidaiya a shen jina Bamfiliya. 25 A lua'ana be lo'o ya ku Biriya ka a bwa'ala ma shen Italiya. 26 A bwara ku gir sau Mu'uru mashen Antakiya, i ku banai ka a panawa gir shima ma tumu bah mala. 27 A su'ula ku Antakiya ka a bina mur wu bah war ta'a Baku ban mo'on, ka a lwa'anawa bwang gir bah Baku pa'ana tumu iya. I bah fana kun ka'ana wu bapina ne a pah ngichewe. 28 A ningna i wu muna ye'ele mashen gul ban.