1 1 Wu bapina magina a yuana kuyo Yahudiya a yo sahna wa wu so'ongisu ne, ba ana do yira yi suhi bene bah Musa chiwa sa ko do kum nchimisa. 2 Wu i Barnaba a bwara linan iya, ka tura Bulus, Barnaba i wu gamurya ku chiriya ne a shen Urushalima ku ba wu muna ye'ele i wu jeh ku mur be lo'o mani 3 Chew bah wu bah lem Baku ya tura ya a wara pura ku Finikya i Samariya ka a ma'ana kuin chew ji'ingi girbiwa ma wuh, Helinawa ningna gir bong nchimu ku bah wu bah pana ngichewe. 4 A ywana Urushalima ka wu bah war ta'a Baku, wu muna ye'ele i wu jeh ya ya'ana ya ka a chiwa wa gir bah Baku pa'ana tumui i ya 5 Wu bapina bah a pana ngichewe ku ciri wu Farisawa, ka a la'ahun chewne, ningna gbah a yer wa sukya a ma'aya ne a pa'a gir bah kukut ma Musa chiwa. 6 Wu muna ye'ele i wu jeh ka benmurya ne a chele sun be gir mani. 7 A lina nan bwana, Bitrus ka la'ahun chewne, wu swaana, wu she'ele ne i kuyo nzum bah bwa'ala, Baku twala mi ku ciri wun ne ku kunam ka wu bapina ko wo'o lo'o Baku ka a pa ngichewe. 8 Baku, bah i shi'ila nchimu pa'anawa gir sunu, panawa Puhu Mpilar bene bah panasu. 9 Do yangna su iya sa, zusa nchimya ku chew pahngichewe. 10 Ku be chew mani, mani ma'ana ka wumur mah Baku, wumur ma'a wu munayumu Yeso sun ciri bah su iwu tarsu su do ngina tol sa? 11 Su pana ngichewe so kum nchimsu kuyo gir shima ma Tarsu Yeso, bene bah iham 12 Wu bah zam bapina ningna cheche'e bah a wa'ana gir fahkunu bah Baku pa'ana tumu i wu Bulus i Barnaba ku ciri wu bapina. 13 Ku nzum bah a mala lo'o ka Yakubu yere ka chew ne, wu swana wu wa'am. 14 Saminu chiwa be sun chiri ba Baku paha ma rumwu bapina chew bah twala wu bapina ku ciri ya ku chew lu'uli. 15 Lo'o wu Bah sunduwa yira ibe bili, bene bah iku Ngyo'olo. 16 I ku nzum wu gir mani mo bunyere, ba'a lah Dauda bah kwana kunzah, mo basa ba'a kwi'i ny ma'a ne i chele. 17 Mane wu gamur bapina pis sun mis Baku, i wu bapina bah a tu'ulaya i lu'ulam. 18 Mani yini gir bah Baku lwa'ana, yini ba pa'ana wu gir mani bah a shi'ila kuyo nzum 19 Ku be chew mani iku sunuam su do chik misu wa wu bah a pana nchimya yi Baku sa. 20 So ngyo'olo wa ne a tam yirya i warta'a gir bah ko do pah nchimuy sa i nong i wu maam bah do maya sa ipa'a gung, i nu ngari, I she'e ngyam bah wunai 21 I ku yo nzum bah wu bapina a wuku raman bah awu pa'a lo'o Baku i bak mpuknshem Musa i ku banlem Baku duk Asabar. 22 Ka bwana wa wu muna ye'el i wu jeh i wu ba warta'a Baku ne a tol Yahuza, Barnaba, Sila i wu jeh ma banlem Baku ne a turya mashen Antakiya i wu Bulus i Barnaba. 23 Ka a ngwa'ala mpuknsheme, i bukya kuyo bah wu muna ye'ele, wu jeh iwu so'ongiya mashen bah wu so'ongiya i wu gamur bapina ku Antakiya, Suriya, I Kilikiya, sumur za'ara wun. 24 Su wa'ana ne wu bapina kuyo cirisu bah su do la'aya sa ayo sahna wun gir bah kura murwun. 25 I bwangna bah mbwang su, su yira ne su ros wu bapina su turya mashen bawun i wu Bulus i Barnaba. 26 Wu bapina bah a pana nchimya ku chew lu'ulu Tarsu Yeso Almasihu. 27 Su tura wu Yahuza i Silas ne a chew wun wu bah gir mani. 28 Ku be chew mani i bwangna Puhu mpilar i su su do dang wun i gir bah ko gan muru ku mur wu gir mani sa. 29 Wu ji'ingi so'o shila yi kun nguni, wu ji'ingi she'e ngyam bah wuhna, wu ji'ingi no'oho gir ba ko ma'awun i mpuwa i nongho i wu maam bah do mawunsa, i pa'a gung. Wuna ji'inga be wu gir mani wo ning shima, wu nos shima. 30 A ji'inga ya ne a kwanjere ka a shina mashen Antakiya, ku nzum bah a bina murya wu bapina a panaawa be mpuknsheme. 31 A bala be mpuknsheme ka bwangna nchimya bwana che lo'o ma pa ngyarngya. 32 Yahuza i Silas chew ma yawu bah sunduwa, a chiwa lo'o bwana ma pah ngyarngya wa wubah so'ongiya. 33 A pa'ana duk bwana ka a ji'inga ya mashen bah wu so'ongiya wubah a tura ya. 34 Sila njila ning ku banai. 35 Wu Bulus i Barnaba a chila ku Antakiya i wu gamur so'ongiya, a mu sah i lo'o Baku. 36 Ku nzum nongyo chegee Bulus ka chewyi Barnaba ne "Su bunyere ku mani shen sun wu so'ongisu bwang bah su pa'anwa lo'o Baku, su sun bah a ham. 37 Barnaba njila ne a tol Yahaya bah ai chu'uli ne Markus. 38 Bulus ka chelw sune ne ko do bong ne a shen i Markus sa chew bah i ji'inga ya ku Bamfiliya do shina duwa iya sa. 39 Ku bani, linan bwara ku ciriya, a gaw yirya ka Barnaba shina i Markus a ta lu'ura mashen Kuburus. 40 Bulus twala Sila a shina ku nzum bah wu so'ongiya kusa misu wa kumur gir shima ma Baku ne i chiha tama ya. 41 Bulus shene wara kun wu bah war ta'a Baku i suriya i Kilikiya, imu pawa ngyarngya.