1 1 Buolus la'ahun shina Darba i Lstira. bah Ye'ele magina ho Listira, lu'uli Timoti, mun maam Bayahudiya bah karnda, Tari bura Bahelene. 2 Yi wu mu'uru su bah a ku Listira I Ikoniya a mur Lemi 3 Bulus njila ne Timoti neri ne, a yer yi suhi chew ma wu Yahudawa ba a ho bani a shi'ila ne tari bura Bahelene 4 Ba a mur shene waar ram ram, a mur chew wa bapina beh kukut wu muna tumu Baku i wu bwajeh ma karnda ba a kura ku Urushalima, ne a war chi'i. 5 Wu bah karnda a pah ngyarngya ya ku mur pah ngichewe duhi duhi a mur bwanzam. 6 A sa'anga wu nah Firijiya i wu Galatiya, Puhu Mpilar pira ya i lo'o Tarsu ku nzah Asiya. 7 A yuana ku mis nzah Misiya, yi ma a kum yirya ma shen nzah Bitiniya, ka mpilar yeso do yira wa sa. 8 A gan mashennzah Misiya a su'ulu mashen Taruwasa. 9 Duhi magina i duhu Bulus ka lo'oro, suna bura Makidoniya magina chila, i mur neri ne i tah lu'uru mashen Makidoniya, ne kumsu ham. 10 Bah suna ku lo'oro bene bili ku bani a pe'e njere mashen Makidoniya, ho bani su she'ele Baku yi tu'ula su ne su pa'awa tumu lo'o ma shimai. 11 Yi ma sa la'ahun ku ngo'oro mu'uru mashen Taruwasa. A shen ma shen jin ciri Samutarki, ban fanah a shen Niyabolis. 12 Yoh bani a shen Filibi wu nzah Makidoniya mwara ram ku banai, ram wu Romawa. Su pa'ana nongyo baring ku banai. 13 A shen mashen kun ka'ana ram, a shen mashen kun bwa'ah, ban bah a mur sun ne ban lo'o nere. su ning ho banai, su lo'o wa maam ba a kama murya. 14 Mo'on ku ciri wu maam bah a mur wo'o lo'o lu'uli Lydia, i kur i wu ba'a twan yi yi Tayatira, bah war ta'a Baku Tarsufana nchimi. ka pana ka'amuri ku wo'o lo'o bah Bulus i mur lo'o. 15 A dangnai ku mu'uru i wu bah lii ka nere ya ne, wu na yira i mi ne mi bah pana ngichewe i Tarsu. to, wu yo su'ulu ku lahm, yima ka bwersu. 16 Duhi magina su mur shen ma shen ban lo'o nere,su mgbaka i mu sari magina bah i wu let bah sun ban, i kum girshima wa wu tariku beh sun sunu. 17 Beh ba maam ka ning ku nda war ta'a wu Bulus i mur ngyakuni chew ne, "Wu bapina mani wu korom Baku magana, a mur lo'o chew ya'a buhu!'' 18 Ningna nda lo'o na duk i duk, Yima Bulus ka libwi bwana, pirwi lo'oi wa beh let ''ne mu mur chewau i Lu'ulu Yeso Almasihu, puru ji'ingi'' Ho bani a puru ji'ingi. 19 Wu beh tari sun bah njere kumu ya dangna, yi ma a bol Bulus i Sila, a su'ungu ya mashen kun ban kurkuru ku dum wu ba rengchewe. 20 Bah a wari shen dum wu bah rengchewe, ane "wu bapina mani a mur su'uru beh ram mani pa'a biwa ma ngichewe ya wu Yahudawa 21 Amu sahwa wu gir bah do bongna a ya'a su war chi'isa, ya wu Romawa." 22 Zam wu bapina a kusu ku murya gba'a mo'on, bah rengchewe a sa'anga wa twan ya, a wu'uhu twan yirya a ning gbele ya, a chew ne a ngya'aha ya. 23 A ngya'aha ma ngichewe a goro ya so'o ku nengye, a chewyi bah sun ban ne a girshi tamya, shima. 24 beh bah sun ban wo'o nah, yima gishi ma'aya mashe bwi bwi, ku be nengye. 25 I ciri duhu Bulus i Sila a mur lo'o nere Baku a mur lem Baku, wu muna nengye a mur wo'oya. 26 Gba'a mo'on a pa'a mor ji'iri nzah. Tah ma ta'a ka'ana ma lah nengye ji'iri, ku banai ku ka'ana fa'aha, beh kuna kpanaya ne'enge ta'aha. 27 Bah sun wu muna nengye la'ahun ku tolong sun kun ka'ana nengye a fa'aha, wuk pe'ew rijing i mu ne ku wol ka'amuri, i mur sune wu muna nengye na pu'uru bangna. 28 Yi ma Bulus ka ngya kuni i ngyarngya chewai ne, "mi do ngwan yiro sa, su ha bong.'' 29 Bah sun wu muna nengye ka chew ne a war bisa wuna, ka la'ahun chichik mashen bwi, ka kwa ku dum Bulus i Sila, i mur bini ku yiri chew ji'iri. 30 Yi ma pur iya mashen nzah, ka chewne, "wu mgburugbuk, mo ya pa'a lan mu kum ya'a buhu?" 31 Achew yi ne, Pah ngichewe i Tarsu Yeso, wo kum ya'a buhu, we i wo muno" 32 Yi ma a chew ya beh lo'o Tarsu, yi i wo muni bwang. 33 Ho bani i beh ciri duhu ma, goro ya she zus ya pengye ya ma ho bani a dangyi ku mu'uru i wu muni. 34 Yi ma ka warya shen lih, pa ya bila i mur bong bwi bwana chew bahyi i woi muni bong a pana ngichewe i Baku. 35 Ban fah, ba rengchewe tum wu bah sun muna nengye ne, "wu ma'a buhu wu bapina mani." 36 Beh bah sun muna nengye ka chew yi Bulus beh lo'o. "ne bah rengchewe ne a ma'a bukwun, wu puru, wu shen shima. 37 Kpah ma Bulus ka chew ne, "wu ngya'aha su ku parah ban wu do wara gir bah wu Romawa sui pa'a sa. wu war su suana ku nengye, wo chene wu so'o buksu ku swarmai? A yo i ka'amurya puri i su." 38 Bah sun muna nengye chew wa wu be ba reng chewe be lo'o. Ba a wo'o ne Bulus i Sila wu Romawa a bang ji'iri. 39 Yi ma a yo su'ulu i murya ku dumya. a pur iya a nere ya ne a ji'ingi be ram. 40 Ba a pur kuyo beh nengye, A shen ba lidiya, nzum ba a suna wu so'ongi ya. a paya ngyarngya nchimu a luana.