NGYI 17

1 1 Bab wara pura ma Amfibolis i Aboloniya, a she ji Tasalonika, ban bah ka'ana so'onzah ma wu Yahudawa i ho. 2 Yi ma Bulus ka yo bor ku baya bene i pa'a, Asabar tarung i mur lihnan i yi ku yo wu bum mpuknsheme. 3 I mur fa'aha beh mpuknsheme i mur bal ya ne ningya ne Almasihu ko yo li chiri, Ko wuh la'ahun, basa chew kpa, Yeso bah mi ku mur lo'owun ku muri mani yi beh Almasihu. 4 Wu gamurya ya a yer iyi, a bunyere mashen bah Bulus i Sila, yi ma mwara Kam muru ma wu Helinawa bah karnda i wu mo'oro wu maam ba ado chigee sah. 5 Yima wu Yahudawa, chew mishiu ya, a goro muna pe'e chewe i wu muna gung, a kam mur wu bapina a ta'aha kpasang i beh ram bwang, a shen lah Yason a njila ne a bol ya pur iya ku dum wu bapina. 6 Kpah ma a do sunya sa, yi ma sung Yason i wo so'ongi mashen dum wu bah rengchewe ma ram, a mur ngya'aha kun ya a muchew ne, "wu bapina mani bah toh ramman pirwa a basa yuana nini. 7 Yi Yason ko gishi su'ula i ya ku lih!, bwang ya a do mu war ta'a kukut ma Kaisar sah. A mur chew ne Yeso yi beh Gom." 8 Beh wu bapina i wu Bah rengchewe ma ram a wo'o na nchimya ka suhu. 9 Kpah ma a do ma'ah bukya sa, a shi ma'aya ne a tal ngya'abolo ma chew lele ya ba a pa'ana. 10 Ku banai i ciri duhu, wu so'ongiu a ma'ah buk wu Bulus i Sila a shen ma she Bariya. Ba a shene, a bor ku ka'ana so'onzah ma Yahudawa. 11 Wu Yahudawa ma bani a gana ma Tasalonika i bun muru, chew bah a ya'ana be lo'o bukya baring baring, a mur bal mpuknsheme duhi duhi ne a she'ele gir na bene bili. 12 chew bili wu bapina bwana a pah ngichewe, i wu Helenawa bwana, i wu maam shimaya i wu bura. 13 Wu Yahudawa ma Tasalonikawa a wa'ana ne Bulus i mur lo'o lo'o Baku ku Bariya, a she chew wa muna gung ne a yo su'uru ban tahkpasang i nchim ya. 14 Ku banai a tur Bulus mashen kun ngki mu'uru, yi ma a ji'ingi Sila i Timoti ku bani. 15 Wu bah a she chiha Bulus, a wari shina Atina. Bulus ka bunyere tum ya mashen bah wu Sila i Timoti, ne a yo bi i ka'ara, a kwanshere. 16 Bah Bulus ningna ku mur ta'ara ku Atina, li bui ba suna beh ban bwang ji wu (Gumaka) 17 Duhi duhi a mur li nan ku ban so'onzah ma Yahudawa, i wu bah karnda i wu bah a kuma ya kuban Kurkuru. 18 Kpah ma wu bapina ma Abikuriyawa i wu Sitikiyowa bah she'ele a mgbak i yi. A chew ne, Man bah bura mani imur njel pa'a? Wu gina a chew ne a suna bene ba lo'o lo'o pina baku - chew ba i mur pah bwangna lo'o Yeso,i chew la'ahunyi kuyo bah wuh. 19 A bol Bulus war mashen gbo'o Arasa, a chew ne, "chew su a yuana i beh piwi sahsah mani ku yo he bah a mur lo'o? 20 We wu mur war piwi gir bor i yi ku ciri su, Su njila she'ele be gir. 21 (Wu beh Atinawa ai wol tumu ya a ning ku nda wo'o wu piwi sahsah, ke gima bah pwer iyi.) 22 Bulus ka la'ahun chele ku ciri beh gbo'o ma Arasa, ka chew ne, "Wu Bapina maAtina, suna bene wun bah so'onzah pi Baku ku nshere ba wuna kumna." 23 Bah yuana, kikangya suna ban wu mur so'onnzah, yo kuma banamagina bah wune Bagadin ton ngyam i ngyo'olo mani ku muri ne, 'Chew Baku bah su do shi'ilai sa.' To, yi bah wune wu mur so'onsah pi wu do shi'ilai sa ma yi bah njila ne wu she'eli. 24 Baku bah pa'ana beh ramman i wu gir bah a ku bwi, Yi bah yi Tarsu ma kalang i ma nzah, yi i doi ning ku ka'ana bah bapina ba'ana sa. 25 Yi i doi pe'e ke njel ne bwara kumi i gima sah, ke a chene njila gima, yi i ka'amuri pana wa bapina nchimu, i wo'oso, i wo gir bwang. 26 Yi pa'ana wu bapina bwang yo ka'asu mo'ona, ne aning ku beh parah ban ma ramman mani, ka ma'ana ne wu bapina ning ko yen i nzahai. 27 Njila ne a pishi she'ene a kumi, yi i ha pwer i su nsherei do gula i su sah. 28 A chiwa ne, 'chew yi samur ningya, chew yi samur pirwi, sah ham.' bene ba wu bah ma'anshele wun chiwa ne, ma ngichewe su wu nshiliu mabi. 29 Su na chiwa su nshiliu ma Baku, do bwangna ne su girshi gima i buksu bene Zinariya ke Azurfa, ke tah gima bah bapina pa'ana i ka'amiri sah. 30 Baku suna beh gir bah su so shi'ila sah ji'ingai, i mu chewyi wu bapina ne su ji'ingi girbiwaya. 31 Yi chiha duk ba ko rengchewe wa beh ramman, reng chewe ma shimai, chew bapina bah ma'ana, mani yi ma'ana wu bapina ne a she'ele ne yi luana iyi ku yo wuh, 32 A yo wo'o chew la'ahun ku yo wuh, wu gamurya a pi'iri tai mpwa, wu gima a chew ne, ''chew be lo'o mani so basa wo'o gir bah ko chewe.'' 33 yi ma Bulus ka puru ku yo chiriya. 34 Wu gina bapina a bunyere shen bi a pahngichewe, ku ciriya i Diyonisiyas, mo'on ku ciri wu jeh ma Gbo'o Arasa, i maam magina lu'uli Damarisa, i wo magaina kpa.