NGYI 18

1 Ku nzum mani Bulus ji'ingi ya ku Atina shenma shen Korontus 2 Ka kum bura Yahuda magina lu'uli Akila, i ku yo Pontus, beh bah pura yo Italiya ai maami Priscilla, kpah ma claudius chiwa wa wu Yahudawa ne a ji'ingi Roma. Bulus ka shen baya, 3 chew bah i mur pa'a tum buhu bene maya yi bah ka ning i ya, ya bah pa'a twang kusu sakpah. 4 Ku hew bili Bulus yo lah lem Baku aiyobal mpuknsheme Baku iya duk Asabar mbwang. I muri ne i pi'iri wu Yahudawa i Helinawa. 5 Kpama wu Silas i Timoti a bunyere ku yo Makidoniya, mpilar ma'ana Bulus ne i hew wa Yahudawa ne Yeso yini be mun Baku. 6 Bah wu Yahudawa tana missa yi amur sa'angi.Bulus ka ra'asa ntundun twanni ku dumya i mur chew ne, "Shi'ila girbiwawun iku murwun; kuyo mani mo bunyere mashen bawu gamur bapina. 7 Bah ji'inga babani shen ma shen lah Titus Justus, bura bah i so'onsah pi Baku. lih wo pwer i ka'ana lem Baku. 8 hristus yini bwajeh ma lah lem Baku, yi i wu bah lih mbwang pana ngichewe i Baku. Wu korintiyawa bwana wa'ana lo'o Bulus ka a pana ngichewe, a dangna ya ku mu'uru. 9 Be Tarsu ka lo'o yi Bulus ku loro Bulus ku loro ne, ido bang ji'iri sa, lo'o do ning cheche'e sa. 10 Mi iwe , gir ma biwai ko do kumo sa, mi i wu bapina kube ram. 11 Bulus ningna ku banai ma ba mo'on i zungya tangzah, i mur sah wu bapina lo'o Baku. 12 Bah Galiyo yo kumna ning gomna ma Akaya, wu Yahudawa a tana misa yi Bulus a warai mashen ban rengchewe. 13 Amu chewne, "Bura mani imur pa'a ne i sung wu bapina ne a lem ku njere bah do shina kahkah i kukut su sa." 14 Ku be bili Bulus lwa'ana,Galiyo ka chew wu Yahudawa ne, wu Yahudawa be lo'o rengchewe wun ka mwara gir biwa bah i pa'ana, nga pa'ana, nga pa'ana yi chiri. 15 Suna iku mur wu gir lo'o, i wu lu'ulu, i kukut wun, wu shen girshi wu gir wun."Do njila ne a rengyam chewe ku ta'a wu be gir mani sa. 16 Galiyo pira ya kube ban rengchewe. 17 Ku beh chew bili a bwala Sastanisu, a ngyanai bwana ku dum ban rengchewe. Galiyo do chiha mishi re i sun ke ana marsa tanai sa. 18 Bulus ku nzum bah ningna iya ma wu duk bwana, ka ji'inga wu so'ongi shina suriya, wara tah ka'ango'oro saw mu'uru, ai Balkisu i Akila ku banai ku bah i ji'ingi ban chele ka'ango'oro mu'uru ku sankuriya, shina ne i yum muri, chewbah kana bwa. 19 Bah a jina Afisa, Bulus ji'inga Balkisu i Akila ku banai. shen bwara banlem Baku mawu Yahudawa i mur lo'o iya. 20 A nira Bulus ne ining iya ma duk bwana, doh yira sa, 21 Kwana njerei ka chewa ne, "Baku na yira yam mo yo baawun duk mo'on." ka bwara ka'ango'oro sau mu'uru kuyo Afisa. 22 A mu su'ulu ku Kaisariya,ka yeu mashen Urushalima ma shen za'ara i wu bah lwm Baku, kuyo banai shina mashen Antakiya. 23 Ningna ku banai chige'e, Bulus bwala njerei mashen kang Galatiya i Firjiya, ku banai pana ngyarngya wa wu muna tumui. 24 Bura Yahuda mo'on lu'uli Afolos, bura Iskandariya kuyo bilai, yuana Afisa. yi bah she'ele ku lo'o Baku. 25 Afolos kumna she'ele bwana ku lo'o Baku. I ngyarngya ku mpilar, i pa'a lo'o Baku i sahwu bapina kahkah kumur Yeso. I shi'ila chew dang Yahaya ku mu'uru nah. 26 Afolos paka che lo'o Baku param ji'iri ku banlem Baku. Wu Balkisu i Akila a wa'anai ka a bwalai mwan. Agirshi fa'aha yi be lo'o kumur njere Baku bah yini kahkah. 27 Yo jin ka bwa'ala mashen Akaya, wu so'ongi panayi ngyarngya, a ngwa'ala wa wu muna ye'ele bah aku Akaya, ne a yi'i bukya a pana ngichewe ku chew ya'a buhu ku chiri. 8 Afolos pa'ana wu Yahudawa gir fahkunu chew be ngyarngya bah iyi i nzor bah imurum ku mpuknsheme ne Yeso yini Baku.