NGYI 8

1 Bulus yira ne i wuh, ku be duk beli chiri paha ma la'ahun ku mur wubah war ta'a Baku i Urushalima, wu bah pana ngichewe mbwang a gawa ban buara wu ram ma Yahudiya I Samariya, wu bah muna tumu ya yirai. 2 Wu bapina bah a bwala murya a twala istifanus shen lisai ka a ning amu suhu nchimya ku muri. 3 Bulus pa'ana wa wu bah war ta'a Baku gir biwa bwana, i kui bor lahlah i mu pur i wa wu bura i wu maam, shen so'oya ku nengye. 4 Mbwabg wu bah pah ngichewe bah a gauna ban a shina a mur pa lo'o Baku. 5 Filibus shina samariya imu paya lo'o Kristi. 6 Beh wu zam bapina a wa'ana a basa suna wu gir ba Filibus I ku ur pa'a, a pah murya mbwang ya mane a wo'o gir bah i mur chewe. 7 Wu mpilar ma biwai pu'uru kuyir wu bapina bwana wu bah a wa'anai amu zolo i ngya'aha kunya: Wu bah do ngina shenshene sa, iwu bah gba'aya bu'unga a kuma shima yirya bwang, 8 A bong bumya bwana ku beh ram. 9 Bura Mo'on i ku be ram ai chu'uli ne Siman, kuyo chikchi'i yi bah gbomo i bah kiri, i pa'awa wu bapina ma Samaria gir ning gbing, i tu'ulu ka'amuri ne yi bah ngichewe. 10 Bwang wu bah Samaria, wu jeh i wu mun ai wo'o kuni, ai chewne, "Bura mani yini ngyarngya Baku bah ai chu'uli bah gana.'' 11 Ai wo'o kuni chew bah buala ban i mu pa'awa wu gir fahkunu i wu tum ngilai: 12 A yo pana ngichewe i lo'o bah Filibus i mu pa'a kumur lah Baku i lu'ulu Yeso mun Baku, a dangna ya bwang ku mu'uru wu bura iwu maam. 13 Yi Siman i ka'amuri pana ngichewe. Ku nzum bah a dangnai ku mu'uru paha ma war ta'a Filibu, suna wu gir ma mo'ori bah au pa'a ka ningna yi girning gbing. 14 Wu muna tumu Yeso ku Urushalima a wa'ana chew Samaria ya'ana lo'o Baku, ka a tura wu Bitrus i Yahaya. 15 A su'ula ku banai ka a lo'o nira Baku iya ne a ya'a Puhu Mpilar. 16 A dangna ya ku mu'uru, Puhu Mpilar do shi su'ulama ku urya sa, a dangna ya nah ku lu'ulu Yeso mun Baku. 17 Ka wu Bitrus i Yahaya a chikwa bukya a ya'ana Puhu Mpilar. 18 Siman suna bah a mu ya'a Puhu Mpilar ku chik buhu wu muna tumu ma Yeso ka pana ngya'abolo. 19 Ka a chiwai ne, "Wu pam beh ngyarngya kpayam mane na ma'ana buham ku mur bwara i ku beh Puhu Mpilar, 20 Bitrus ka chewyi ne, "Azurfau i tuwoo iwe, chew bah wumu njel ne wu kum pah Baku i Ngya'abolo. 21 We do i Mpilar ku mur be gir mani sah chewma nchimo do kahkah i Baku sah. 22 Ku be mani ji'ingi chew biwau ka nere Baku ne yi yeswo chew biwau ku mur gir bah a chiha ku nchimo. 23 Suna nchimo suha chew biwa kura we. 24 Siman ka yere ka chew ne," nere Baku chewmi mane bwang wun wu gir bah a chiwa i kumam." 25 Ku nzum bah wu Bitrus i Yahaya ningna kunu ka a lua'ana chew Baku, a bunyira Urushalima; i ku ginjere ka a lua'ana lo'o Baku ku wu ram ma Samaria bwana. 26 Ku banai mun tumu ma Baku ka lo'o i Filibus ne, "La'ahun shen mashen barnzah ku njere ma nzah kuyo Urushalima mashen Gaza" (Be njere iku yumna ban.) 27 La'ahun shina. kuma bura mo'on kuyo Habasha, taru i mwara tumu ku nzah i kanda kayu, Gom wu maam ma Habasha. Mpuru ma be Gom i ku buh be bura bih. yuana Urushalima nda lem Baku. 28 I mu bunyere ka ningna ku bum gir yewei, i mu bal mpuknsheme bah sun duwa Ishaya. 29 Mpilar ka chewyi Filibus ne, shen pwer i be gir yewe" 30 Filibus ka bangya shen pari, wa'anai i mu bal mpuknsheme bah sun duwa Ishaya ka chewne, "Wumur she'ele gir bah wumu bala?" 31 Be bura Habasha ka chewne, "Mo pa'a lan ka mu she'ele bwara na do sanayan sa?" Ka nere Filibus ne i bor ku be bum gir yewei ne i ning iyi. 32 Mani yini be mpuknsheme bah be bura Habasha kumur bala, "A warai bene nzur mashen da yere; kpacheche kpa bene mu gam ku buk wubah lele do fana kuni sah. 33 Ku mur nong i muri a ringnayi chewe so ma ngichewe sah: yeni ko ngi pa kunu ku mur je'ei? chew ma a tuala nchimi ku be taraman mani. 34 Be mor bwajeh ka mwe Filibus ne, "Nira we chiwam, kumur yen ma be bahsun duwa kumu lo'o? Luana ku muri ke bwara gba'ai? 35 Filibus ka pah ma lo'o; kumur mpuknsheme Ishaya, ka waryi lo'o kumur Yeso. 36 A ku murshene ku nginjere, ka ayo jina ku bwah; be mwara bwajeh ka chew ne, sun mu'uru ni; mani ko lele ne a yisam ku be mu'uru?" 37 Filibus ka chewne, ana pana ngichewe i nchimo mo'on, ako ngih yiso ku be mu'uru." Be bura Habasha ka chewne, pana ngichewe ne Yeso yi mun Baku." 38 Be bura Habasha ka ma'ane a chele i be gir shenei. ka a su'ulu mashen bana mu'uru bwang ya baring, Filibus ka yishi ku mu'uru. 39 A pura kuyo beh bum mu'uru, ka mpilar Baku twala Filibus; Beh mwara bwajeh do basa sunai sa, ka shenshenei i mu bong nchimi. 40 Filibus shen pura ku Azotus. Tapura mashen buk bili i mu pa'a lo'o Baku ku wu beh ram bwang shen jina kaisariya.