1 Mwara bwajeh lah Lem Baku ka chewne, "Be gir mani mangichewe?" 2 Istifanus ka yere ne, wu swana i wu dah, wu wa'am, Baku bah yi mo'ona bah a lemi, wara muri ba Ibrahim bah i wu ku nzah Mesofotamiya, ka yo ningna ku nzah Haran; 3 Chiwai ne, ji'ingi nzau i wu bapinau, shen mashen nzah bah mo wawo. 4 Ka ji'inga ram Kaldiyawa yo ningna ku Haran: ku nzum wuh tari, Baku ma'anai ka ji'inga banai mashen ban bah i ham. 5 Do shi panayi mpuri sah, wi, ke ba jina ku chik gbi'i sah. pana kunu bah ishi ham ma kum mun bah i pe'e be nzah mpuri mabi i wa wu ki'i bah ako yo ku nzuwi. 6 Baku wo lo'oyi nah, ne wu muni a ko shen ning ku nzah nzah ma mu ban chige'e bah wubah nzah banai ko pi'iriya mashen wu korom a ho sun chiri bwana ma ba'a lum lum Yinung. 7 Mo rengchewe yi nzah bah wu ningna korom ya; Baku yi chiwa, ku nzum bele a ho puru yo pa'ayam lem ku ban mani. 8 Baku pana yi Ibrahim kunu kumur yer suhu, ka Ibrahim yo ningna tar Ishaku yirayi suhi ku duk ma yanga; Ishaku yo ningna tar Yakubu, Yakubu yo bila wu tarsu Isra'ila lumkunya baring, 9 Wu so'ongiya ka a pa'a mishiu i Yusufu a boli kur ma korom ku masar. Baku woi i yi. 10 Baku chiha tamai,ka panai Yusufu sun chiri i nzor ku dum Fir'auna Gom Masar, bah ma'anai Gomna ku nzah Masar i bwang gir bah i yi. 11 Nzah ma mori bwara ku mbwang nzah Masar i Kan'ana, wu tarsu ka sun chiri ku chew nzala. 12 Yakubu wuana ne bila ham ku nzah Masar ka turwu tarsu ne a shen kuru bah beh gir shi paha. 13 A bunyere shina ma baring ka yusufu purawa so'ongi i ka'amuri; ku be ban mani ma Fir'auna shi'ila wu so'ongi Yusufu. 14 Yusufu ma'ana wu so'ongi ne a shen yo i tari Yakubu i bwang gir bah iyi i wu muni mayo Masar bwang ya a bapina lum tangza baring i kuni tongnung. 15 Yakubu bwara shen ningna ku Masar, yi i wu tarsu kasa ma'a wuhna. 16 Ka a twala ya mashen shekem shene lisah ya ku murshi'ila ba Ibrahim kura i ngya'abolo ngya'atah kuyo buk wu muna Hamor ku shekem. 17 Be pa kunu ma Baku i Ibrahim tana pwer Baku chiwa yi Ibrahim wu bapina a mur bwan amu bili ku Masar, 18 A yo pa'ana Gom ku Masar bah do shi'ila Yusufu sa, 19 Be Gom pa'ana gir biwa wa ka'asu pa'anawa nzuang bwana mangichewe, ma'ana amu ji'ingi wu munya ku gir bah ko chuho ya mane a do sai nchimya sah. 20 Ku be ban mani a bila musa, mun ma bwangnai, a suarmai ma zungya tarung iku buk ngyi. 21 A shen ma'anai ku che'ew ka mun Fir'auna masari yo kumu tuala she gula ku buhi bene muni. 22 A sabah yi musa she'ele i nzor ma masar, i gina lo'o bwana i tumui 23 Tama pwer i ku ji ba'a lum yinung paha ma re'eshe ku nchimi chew shen bawu so'ongi Isra'ilawa. 24 suna bura mo'on kumur ngya'aha bura Isra'ila, Musa jina ta,a bura Masar: 25 Musa i mu sunne wu so'ongi ko sh'ele ne Baku yini turai mayo den ta'aya, ado shi'ilana sah. 26 Banfana ka suna wu bah Isra'ila baring a mu gbolo i yirya, kashenne i ku gauya; ka chewa ne wu so'ongi yirwun mani ma'ana ka wumur gbolo iyirwun? 27 "Ku ciriya bah yini pa'ana gir biwa ka turi mashen kangyi ne yeni chihawe gom ke ba a walah bura masarawa mawunu? 28 A chila walam bene bah a walah bura Masarawa mawunu? 29 Wa'ana be lo'o mani ka bangna mashen nzah wu midinawa, bene bapina bah bura pirai. ku banai bila wumun, wu bura baring. 30 I ku nzum ba a lum yinung ka mun tumu ma Baku pur ku mishi ku ngba'ajik, pwer i gbotah ma Sinai, iku las bisah ku gba'a jik. 31 Musa suna be bisa be gir pamayi gir ning: shine pwer ne i gishi sun be gir ka wa'ana jim Baku mur chewne. 32 mini Baku mawu taro, Ibrahim Ishaku i Yakubu: Musa ji'iri bwalai i do ningna basa tol mishi ku kalam ne i sun sah. 33 Baku ka chewyi ne, wuhu ngugbo'o. Bana bah a chila iku Puhu ban. 34 Ngichewe suna chiri bah wu bapinam amu pa'a ku Masar, waa'ana woso ya, kube mur mani yana ne mu ra'asa ya, njila ne ayo mu Turo mashen Masar: 35 Mani yini be musa bah a bi'inai a wu chew yi ne, yini ma'ana we ba rengchewe ke Gom ku ciri su?' Yini bah Baku tura ne ining bwajeh i bah ya'a buhu. Baku turai ku buk mun tumu Baku bah suna ku mgba'ajik. 36 Ku nzum wu gir bwana bah pa'ana ku masar i Baharmaliya, Musa pura iya ku masar i ku gba'a to'oh, bah a shina ma ba'a lum yinung. 37 Mani yini Musa bah chiwa wa wu Isra'ilawa ne Baku ko purwun i bwajeh bene mi kuyo ciri wu so'ongiwun: 38 Mani yini be bapina bah i war wu bapina i ku gba'ato'o i mun tumu Baku bah luana imi ku gbokono Sinai, bah i wo wu tarsu, i ya'ana lo'o Baku bah i nchimi pana wusu. 39 "Wu tarsu bi'ina ma wo'o kuni; a turai pim ku baya, a pi'ira nchimya mashen Masar. 40 Kuyo banai yini bah a wu chew ya Haruna ne i pa'a wa mu baku bah ko wayya mashen Masar. Musa bah yini puraisu kuyo Masar, su do shi'ila gir bah kumnai sa. 41 Ka a pa'ana mu gamzur a wara yi be bakuya ma hadaya, bwangna nchimya igir bah a pa'ana i bukya. 42 Baku pi'irawa nzuwi ne a so'onzah pawa wu lewer ma kalang, bene bah iku ngyo'olo ku mpuknsheme mawun annabawa, Wu wara wu "Hadayu" bwana ma wu ye'ere wu ngyam to'o i ku ba'a lum yinung ku nzah wu Isra'ila? 43 Wu yira i banlem ma molek i wu Baku ma lewer ma Rafen i wu ka'ala bah a do i nchimya sa bah wu pa'ana ne wu lemi, ku be chew mani mo warwun duwa i Babila ne wuning korom. 44 Wu ka'asu ai ban lem Bak ningna gir sunu ku gba'a jik be Baku pana kunu bah luana i Musa ne i pi'i ku kun gir bah a sahna yi. 45 mani yini be ka'a ngyiling bah wu ka'awun ywana iyi, iku ban ma joshua, mani pa'a na nah aya'ana be nzah mawu raman bah Baku pira ya ku jim wu ka'asu. Be gir ningna nah mashen Dauda, 46 Bah i kumna ya'a kuba Baku ka munai ko kum ban ningya ku bah Baku ma Jacob 47 Suleimanu yini ba'ana lah yi Baku 48 Be bwajeh ma mbwang i doi ning ku lah bah a ba'ana i buhu sah, be bah basunduwa chiwa ne, 49 Kalang yini ban ningham nzah yini ban chik gba'am. lahman ka wu ba'ayam? Baku chiwei, ke ban mahe bah mo nos? 50 Ke do wu buhu pa'ana wu gir mani mbwang sah? 51 Wu bapina bah ngyarngya muru wu bah i nchim wubah a do yira sukya sa i bumburu bah i doi wo'o lo'o sah, duk i duk wu ma'ana Puhu Mpilar ku duwa wumu pa'a gir biwa bah wu ka'awun awo pa'ana. 52 Bah sun duwa mahe ba wu ka'awun do suha nchimu sah? A gbwala wu bah sun duwa bah a yuana ka bah pa'a gir shima yuana ku nzumya, wuni ningna wu bah bi'inai iwu bah a walai. 53 Wini bapina bah wu ya'ana rengchewe bah wu muna tumu Baku wara yuana, wu do pa'ana tumu iyi sa." 54 Be wu jeh wa'ana lo'o mani nchimya suha bwana a lu'unga lasya a ma'ana Istifanaus ku duwa. 55 Yi bah rusa i Puhu Mpilar ka tol mishiu mashen kalang kasun malem ma Bakui ka basa sun Yeso chila ku buk li ma Baku," 56 Istifanus ka chewne, sunu mimu sun kalang fana, suna mun bapina chila ku bukli ma Baku" 57 Wu bwajeh a lo'o i jingya bwana, a mu ngya kunya, a dangara bumburya, mbwang ya a yeu ku muri: 58 A ka pur iyi mashen nzum ram a buhi i tah, chew rng kunu ka a wuhuna muara twanya a suana ku dum majur mo'on ba ai chu'uli ne Shawulu. 59 Bah amur bu'uhu be Istifanus, ka ningyi nda chu'ulu ne, "Dah Yeso ya'a Mpilaryam." 60 Ka kau'uru ku nzah ka ngyakuni i ngyarngya, ka chew ne, "Dah mi do bol chew biwa mani ku muryasa," mala lo'o ka nwangna tolong.