1 Ku be duk mani, wu muna te'ele tumui a mur bwan kawu Yahudawa i nzah Hehelanawa a pak ma lo'o ku mur wu Yahudawa ma isra'ila, a ne a do mu sun wu maam bah milimya wuhna sa ana mu gau bilah duhi duhi, 2 Wu bah lim kuni baring ma ka a chu'ulu wu gamur wu muna ye'ele tumu bah a bwana ka a chewa ne, ido bwangna ne su ji'ingi lo'o Baku su shen nda gau bilah sah. 3 Kube lo'o mani wu ros wu so'ongisu wu bura ku chirisu, bapina tangza baring wu bah ai so'onzah a rusa i mpilar ai nzor, bah so pawa be tumu mani. 4 Su suning sumu kusu missu sumu pa'a lo'o Baku." 5 Be lo'o ya mani bwangna nchimwu bapina mbwang. Ka a tuala Istifanus, yi bapina bah rusa i pah ngichewe i mpilar I Filibus, I birokoros, I nikanar, I Timani, I barinas, I nikolas, bura Antakiya bah ya'ana Baku i Yahudanci. 6 Wu ba pahngichewe a war ya yo ku dum bah tumu Yeso, a lo'oi Baku i nere ka chik buhu ku murya. 7 Lo'o Baku ningya da liduwa: A kumna wu bah tum Baku bwana a pana ngichewe. 8 Istifanus bah rusa i nzoh Baku ngyarngya ningna nda pa'a gir fahkunu w wu gir sunu ku chiri wu bapina. 9 Kpah ma wu bapina magina kuyo chiri wu bah ai chu'uluya ne "Lah Baku bah a ya'ana bukya." Yawu "Kuramiya, Iskandariya i wu magina kuyo ram ma Kilikiya i Asiya. Wu bapina mani a linanan i Istifanus. 10 Istifanus gana murya chew be nzor i mpilar bah i lo'oi. 11 Ka a toh wu bapina magina ne a shen chew ne, "su wa'ana Istifanus kumur chew lo'o biwa kumur Musa i Baku." 12 Ka a toh wu bapina i wu bah pa'a tumu ku lahlem Baku i wu bah ngyo'olo ka a sungyi mashen ba wu jeh. 13 Ka war wu bah lo'o lilim ka a chewne "Mayo lina bura mani do ji'inga lo'obiwa ku mur banlem Baku i chew reng chewe sah. 14 Su wa'anai i mur chewe ne Yeso Banazarat ko she'eleh ban lemBaku mani ko yangna wu gir bah su ya'ana kuyo bah Musa." 15 Mbwang wu bah ningna ku chiri wubah a swa'ana yi missu ka a suna mishi bene ma malaika.