NGYI 5

1 1 Bura mo'on bah lu'uli Hananiya i maami Safiratu a kura i suwa ya. 2 Hananiya swarma gamur be ngya'abolo bah kura beh suwa. (i she'ele maami), ka a wara gamuri wa wu muna tumu ma Yeso. 3 Bitrus ka chew yi ne "Hananiya mani ma'ana ka shaidan ( beh lere, lere) ka rusa nchimo, bah ma'anawe a luana lilim yi mpilar A suarma gamur beh ngya'abolo a kura ibe suwa do mabo sa? 4 Mani ma'ana ka a pa'ana beh tum mani ku nchimo? A do luana lilim yi bapina sa, a pa'ana yi Baku." 5 I ku mur wo'o nah Hananiya kwana sungna wosoi ma marsshi, wu bapina mbwamg ba a wa'ana ne lo'o mani, mwara ji'iri buala ya. 6 Wu muns sono yo karma loi tuala mashenzah shen lisai. 7 I ku bolo ma tarung, maami ka bwara, do shi'ila gir ba kumna milmi sa. 8 Bitrus ka chewai be maami ne "Chewam shihe ma wu kura ibeh suwa? "Ka yeryi ne, "gir ba su kura inah." 9 Bitrus ka chewyi ne, mani ma'ana ka wu bina kunwun i milmo ne wu mah mpilar Baku? Wo'o kurumgba'a wu bah puranda lishi milmo ku kun nga'ana. a tolo pur i we ma shen nzah. 10 I ku banai kwana ku nsuwi sungna wosoi mamarshi, wu majur yuana yo sungnai wuhna, ka a tol be loi mashen nzah a shene lishi ku pwer i milmi. 11 Ji'iri ma mori ka bol wu bah war ta'a Baku mbwang i wu bah wa'ana gir bah pa'an. 12 Wu gir fahkunu i wu gir ning bging pa'ana bwana ku bah wu bapina bah wu muna tumu ma Yeso pa'anawa. mbwangya a ningna ban mo'on ku lah kalang ma suleimanu, 13 A do kuma bah ngyarngya nchimu bah ku ben muri iya sa. A kumna yere bwana ku dum wu bapina. 14 Ku mayo lina aku mur kum wu bapina bwana ba ammur pah ngichewe wu bura iwawu maam. 15 Ai tol wu bah ko'ong mashen kun nginjere, ka a ma'aya ku gir nongyo ya mane Bitrus na yuana nda bo'olo ke lilimyi ka ji'ihu wu gamurya. 16 Wu bapina bwana ai yo ku yo ramman iwu bah pwer iya i wu bah Uushalima, a mur war wu bah ko'ongo, i wu ba wu let amu su'uru ya, a kumna shima yirya mbwang. 17 Mwara bwajeh ma lah Baku i wu bah she'ele a luana bwang iyi (Wu bah lem Baku ma Sadukiyawa): a rusa i mishiu bwana. 18 A bwala wu bah muna tumu ma Yeso a ma'anaya ku nengye. 19 I duhu Mpilar Baku fana bwang wu kun ka'ana ma be lah nengye ppura iya mashen nzah, kane, 20 Wu shenchele ku kun lah lem Baku wu chewa bapina be lo'o chew nchimu," 21 A wa'ana nah, ka a shina lah lem Baku i Duduhu a sahna wa bapina. Wu jeh malah lem Baku i wu bapina ka ayo chu'ulu wu bapina i wu bah tumui bwang, i wu jeh mawu bapina ma Isra'ilawa a puru a pahkunu ne a purwa i wu ba muna chumu ma Yeso. 22 Wu bah tumu ku lah nengye a shina a do kuma bwara sa, a bunyira yo chiwa girba a suna. 23 A chiwa ne be kunlah nengye kpangna gbenjeng wu bah lelban a chila kube kun ka'ana su bwara su do suna bwara ku bui sah. 24 Be bah lah lem Baku ya i ku buhi, i wu mua'ra jeh ma banai a wa'ana be lo'o mani a saya gir bah a pa'awa, ka a chewne be gir mani koyo ning lam. 25 Bapina mo'on kuyo chewa ne, "Wu bah bapina bah wu suanaya ku nengye a ku lah lwm Baku a mur sahwa bapina." 26 Be bahjeh ma lah lem Baku i wu bah tumui a shen yuana iya, a do pa'ana wa i bimsa amur bang ji'iri wu bapina ne a yo bu'uhu ya. 27 A waraya, ka a chiha ya ku dum wujeh, ka be mwa'ara bahjeh ya ning da mwe ya. 28 Ina, su pahna wun kunu ma ngyarngyai ne wu do pasa sahwa bapina i lu'ulu manisa? Wushi sunu wu rusa Urushalima i beh sahsah wun, wu njila wu ma'ane shila bapina mani su'ulu ku mursu.? 29 Bitrud i wu gamur wu muna tumu a yerwa ne " I ningna gbah wu wo'okun Baku do wu bapina sa. 30 Baku ma wu tarsu luasa Yeso bah wu wala wu gi'irai ku nguni, 31 Baku lemnai ku buhi malieh ne i ning Gom i bah yangna muru, panayi Isra'ila ne i ji'ingi chew biwai i yesyi chew biwai. 32 Su bah mishsu suna wu bah gir mani, inah Puhu mpilar bah aku pana wa wu bah wa'ana kuni mbwang." 33 Wu jeh maram wa'ana be lo'o man suha nchimya bwana a pisa ne a wol wubah muna tumui. 34 Bura Bafarise magina lu'ulih Gamaliel, ya bah sahsah ma mpuknshem rengchewe bah wu bapina mbwang ai so'o nzah pii, ka Yeso ma bolo zuk. 35 Ka chewa ne wu bapina ma Isra'ila, wu tam ka'amurwun ku mur gir bah wumu ne wu pa'awa wu bapina mani, 36 Ku duk bah bwa'ala bwara bah lu'uli Tudas twala muri ne yi gima, wu bapina mashen lumlum Yinung (400) awara chi'i a yo walai wu bah warchi'i mbwang gaunaban, bwara do basa wa'ana cheya sa. 37 I ku nzum kpah, a basa pa'ana magina bah lu'uli Yahuza ma Galili bah yuana ku ban ma bal wu bapina, yo nuna mur wu bapina bwana, yo Tuwa'ana bwang wu bah warchi'i a gauna ban. 38 I ku mur man mu chew wun wu ji'ingi wu bapina mani, be gir bah a njila pa'a ke tumuya na mawu bapina ko tuho'o. 39 Na kuyo bah Baku wo do ngi chiwai sa; i do ning ne wumur pa'a bura i Baku sah." A wa'ana be lo'o swana nchimya. 40 A chu'ula wu bah muna tumu ma Yeso mashen bui a nasnaya ka a pana wa kunu ne a do bas wahwu bapina i ku be lu'ulu Yeso sa ka a so'o bukya. 41 A la'ahun ji'ingi be banai amur bong nchimaya ne a balaya ku chiri wu bah a lina chiri ku chew lu'ulu mun Baku. 42 Ku zum mani duk i duk ai shen lah lem Baku amur shen lahlah, amur chew lo'o Baku amu sahsah, ne Yeso yini ba ya'a buksu.