1 Wu Bitrus i Yhaya a mur lo'o wa bapina, beh bwajeh ma lah lem Baku i Bwajeh ma wu bah tam be ka'ana i wu ba she'ele a yowa. 2 A suha nchim ya ku mur Bitrus i Yahaya bah aur wahwa bapina chew Yeso ka amu basa lo'owa ku mur la'ahunyi ku yo wuh. 3 A bwala ya a ma'ana ya ku nengye ma shen duduhu, kurwa wo pa'ama. 4 Wu bapina bwana bah a wa'ana beh lo'o a pawa ngichewe: Wu bura bah a pana ngichewe a jina banchihi tongnung. 5 Yuana ku duk ma baring, wu jeh i wu ba tumuya, iwu bah ngyo'olo a she kam murya ku Urushalima. 6 Annas be mwara bwajeh ya i wo ham i Kayafa i Yahaya i Iskandari, i bwang wu mu'uru be bwajeh. 7 A wara wu Biturs i Yahaya ku dumya ka a mwina ya ne "I ngyarngya ma he ke lu'ulu wu mur pa'a gir mani? 8 Bitrus rusa i Puhu Mpilar, ka chewa ne, wu jeh i wu bah tumu mawu bapina, 9 Lina wumur nangsu chew be gir shima bah su pa'ana yi bah ko'ongo mani - ilan ka bura mani kuma shima yiri? 10 Bwang wun i wu bah Isra'ila, wu she'ele mani, ku lu'ulu Yeso Banazare, bah wu kpangnai Baku ka luasai kuyo chiri wubah wuh, iku nzokuni ka bura mani chila ku dumwun i shima yiri. 11 Yeso mun Baku yini be tah bah wuba ba'ah lah bi'ina yi ningna ka'amur lah. 12 A doi kum nchimu ku ba bapina sah, lu'ulu do ham ku nzah ku chiriwu bapina bah ako kum nchimu sah." 13 A suna ngyarngya nchimu mawu Bitrus i Yahaya ka ane wu bapina mani a doi gimasa ado shi'ila she'ele sah, ningna wa gir fahkunu ka a shi'ila Bitrus I Yahaya ne a woi Yeso. 14 Amu sun be bapina bah kuma shima yiri iya a sahya gir ma pa'a. 15 A pur iya ku chiri wu bah jeh ka a luana iyirya. 16 Ka a chewne, "So pa'a lan i wu bapina mani? Su suna gir ning nging bah a pa'ana. Wu bah Urushalima mbwang a suna so do ngi sang kunya sah. 17 Ku beh chew mani so do ni'ingi ya na sa mane be girya bili duwasa so sung mbumburya ne abi do basa lo'o yi bwara i beh lu'ulu ma sah." 18 Ka a tu'ula wu Bitrus I Yahaya a sungna mbumburya ne a do basa lo'o ke rumwu bapina ibeh lu'ulu Yeso sah. 19 Wu Bitrus I Yahaya a lo'owa ne, "Ko bong ne ku dum Baku su pi'iri wo'o kunwun iyi, wushi sun girawun. 20 So do ngi ji'ingi ma lo'o kumur wugir ba su wa'ana i gir bah su suna sah," 21 A basa zungna mbumbur wu Bitrus i Yahaya, ka a ma'ana bukya ne a kwanjere. A do kumna ya i gir ba a pa'ana ma biwai sah chew bah wu bapina mbwang amu lem Baku chew beh gir ba a suna. 22 Be bapina bah kuma gir shima kumna shima yiri bi'i gana lumyinung. 23 A ma'ana bukya ka wu Bitrus i Yahaya a bwara ciri wu bapina ka a chiwa wa mbwang gr ba wu jeh i wu bah chumuya luanawa. 24 A wa'ana be lo'o mani ka mbwang ya a ngyarngya kunya bwana mashen ba Baku ane, Tarsu, weni ma'ana kalang i nzah i wu mor mu'uru, i mbwang gir bah i ku bui, 25 Weni bah kuyo Puhu Mpilar ku kun Tarsu Dauda bah chumau, chiwa ne, mani ma'ana ka wu ramman ma Galili a suha nchiya, mani ma'ana wu bapina chila ku mur gir ma biwai? 26 Wu Gom i wu bah tumuya ma nzah mani a kamna murya ne a lita'ah Tarsu i lita'ah Kristi.' 27 Hiridus i Buntus Bilatus, wu ramman i wu bapina ma isra'ila a kamna urya ku be ram mani ne a sang kun korom Yeso bah a chihai buhu. 28 A kamna mur ya ne a pa'a gir ba a wu chiwa ne wo pa'a ku duwa. 29 I ku mani Tatsu zun ba a sungna mbumbursu, sui wo ba tumu pasu ngyarngya ma chew lo'ou param ji'iri. 30 Wu nara buhu kalang ku mur wu bah ko'ongo ma'ane wu gir fahkunu pa'a ku nzo chew mun tumau bah ngichewe Yeso. 31 A mala lo'o nere Baku ku ban bah a kumna mur ya ka ban ji'ira, a rusa i Mpilar a lua'ana chew Baku a do bangna ji'iri sah. 32 Mbwang wu bah pana ngichewe kamna murya ban mo'on, bwara do chiwa ne gir ba iyi mi loi sah: Gir bah aiyi ningna maya mbwang. 33 I ngyarngya ma mori ka wu bah muna tumui luana lo'oi ku muir la'ahun Tarsu Yeso ku yo wuh, mwara gir shima i ku murya. 34 Mo'onya dop sahya gi'iru sa, chewma wu bah aiwu swa,iwo lah a kura wara ngya'abolo yuana i ma gir bah ma kura iyi. 35 A wara be ngya'abolo ku dum wu bah chumui, ka a gauna panayi bapina kahkah i igir bah i njila pa'a iyi. 36 Yusufu Balawi, bura tsibirin kubrus, bah wubah chumu Yeso ai chu'uli ne Barnaba (Yini bah pih nchimu ngyarngya) 37 kurui i be swai ka war be ngya'abolo chihi ku dum wu bah pa'a tum Yeso.