1 Wu Bitrus i Yahaya bolo tarung a buala nshere mashen lah lem Baku ndah lo'o i Baku ku nere. 2 Bura mo'on mgbi'i bu'unga ku yo bilai, ai wari shen chihi ku kun nga'ana Lem Baku ba ai chu'ulu ne kyakyawar ne i nere nere. 3 Sunu wu Bitrus I Yahaya a mur bor ka'ana lem Baku, i ningna ne a i pe'e gir bah aiyi. 4 Wu Bitrus i Yahaya swa'ana yi mishu ka a chiwai ne, "Bah bu'ungu sunsu." 5 Beh bah bu'ungu so'o mishi mu murya ne na kum gima ku baya. 6 Bitrus chiwai ne, "wu tah ma ngya'abolo su do i yi sah, beh gir mi i yi bah mu poh. Ku lu'ulu Yeso Kristi ma Nazarat, shenshene" 7 Bitrus ka bol buhi malih toli yiwa, imur pa'a nah be mgbi'i i kulmi kumna ngyarngya. 8 I ku mur la'ahun ka pak ma shenwhene; ka war ta'a wu Bitrus i Yahaya mashen lah lem Baku imu shene i mur le'ele i mur lem Baku. 9 Wu bapina mbwang sunai i mur shene i mur lem Baku. 10 Yima a she'ele ne yi beh bura bah mgbi'i bu'unga i ning ku kun ban lem Baku nerenere; Beh gir [ana wa bapina gir fahkunu a a suna be gir. 11 Wu bapina sunai ma imu war ta'a wu Bitrus i Yahaya, mbwang ya a wara ta'aya ku kangban ma Sulemanu amur sun gir fahkunu. 12 Bitrus suna be gir mani ka yira wa wulah bapina, "Wu bah Israila, mani pa'ana ka ningna wun gur fah kunu?" mani pa'ana ka wumur so'o su mishwun, bene su ma'anai shinashene i ngyarngya su ke gir shima su? 13 Baku ma Ibrahim, Ishaku, I yakubu Baku ma wu tarsu lemna mani Yeso, yi ni bah wu bolo panai Bilatus bah iwo njila ma'a buhi. 14 Wu bi'inga ba ngichewe mani bah pa'a gir shima i ku be mani wune a ma'a wunu buh bah wolwu bapina. 15 Wu wala ba pah nchimu, bah Baku luasai ku yo wuh-su suna i mishi. 16 I ku pah ngichewe i lu'uli, ka ma'ana beh bura mani bah wu shi'ilai kumna ngyarngya. Be pah ngichewe i Ywso yini panai shima yiri ku mishwun mbwang. 17 Wu lasu shi'ila ne wu do shi'ila sa ka wu pa'ana bene bah wu jeh wun pa'ana. 18 mbwang gir bah Baku wo chiwa kukun wu bah su duwa ne, Kristi ko ya'a chiri bene bah ya'ana mani. 19 Ku be chew mani, wu ji'ingi chew biwa wun mane a yes wunu, banbah wu girshi ningya wun i Tarsu yuanai. 20 mane a turd wun Kristi bah a pana yi be Yeso. 21 Yi bah kalang ya'anai mashen ban bah ako bunyere i wu gir bene bah Baku wo ouana ku kun wu bah sunduwa ba ngichewe 22 Musa chiwa ne, Tarsu Baku ko pur wun i bwara bene mi kuyo chiri wu so'ongiwun, Wo bumburwun wo'o bwang gir bah ko chewun. 23 ko ning ne mbwang bah na bi'ina wo'o wu bah sunduwa a woli ku chiriwun. 24 Yira mbwang wu bah sun duwa kuyo Sama'ila i wu bah yuana ku nzuih, a luana a ma'ana lu'ulu wu bah duk mani. 25 Wui muna "Muna bah sun duwa" i ma pahkunu bah Baku pa'ana i wu ka'awun, bah chiwa yi Ibrahim ne, kuyo njiloh mbwang wu bapina ko kum chi-buhu. 26 Ku nzum bah Baku luana i bapinai ku chiriwun pak turai ne iyo chiwun buhu ne i pi'iri wun ku yo chew biwawun.