NGYI 2

1 Be duk "Fentikos" yuana, a bina murya ban mo'on. 2 Ka a wo kuruban kuyo kalang bene muara gung, su'ula yo rusa be lah ba a ningna ho. 3 Lassu pura ku chiriya bene ma bisa ka a gauna yirya, yo ningna kumur mbwang ya. 4 Mbwang ya a rusa i mpilar ka a pakna ma lo'o i wu lasu magina bene bah mpilar panawa she'ele a lo'o. 5 I ku banai wu Yahudawa bah a ningna ku Urushalima wu bah war ta'a Baku kuyo ramman ba aku ta'a kalang. 6 A wa'ana be kuruban wu bapina mbwang ka ayo ben ji'iri bwalaya, bah mbwang ya amu lo'o i wa wu lassu ma bilaya 7 Beh gir ningna wa gir fakunu, ka a chew ne, ma ngichewe, wu bapina mani do wu Galiliyawa sah? 8 I lan ka sumur wo'oya mbwang ya amu lo'o i lo'osu? 9 Fisiyawa i Mediyawa i Elimawa I yahudiyawa i Kafadokiya, i ku bum Fantus i Asiya. 10 I ku Firgia i Bamfiliya, i ku Masar i wu gamur ban ma libiya mashen Sur i wu Babiri kuyo Roma 11 Wu "Yahudawa i wu bah a pi'iri ningna ya, i wu Kiretawa i wu Larabawa, su wa'ana mbwang amu lo'o i lassusu amu chew mu'ara gir bah Baku pa'ana." 12 Bwang ya ningna wa gir ning mgbing ma'ana yi i ji'iri, ka a luana i yirya ne, "mani be Mani?" 13 Wu gamurya munaya ane, "A nuna ngari rusa" 14 Kpah ma Bitrus ka la'ahun chele i wu bah gamur be lum kuni mo'on, ka lo'o i muara jimii ka chewa ne, "Wu bah Yahuda i mbong wun bah ningna ku Urushalima, wu sdhe'ele mani; wu wo'o loam. 15 I chew be mani wu ba bapina mani do nuna ngari sa bene bah wumur lo'o. i shi bolo tangshing ma duduhu. 16 Mani yi be gir bah yowel bah sun duwa wo luana. 17 Baku chiwa ne ku duk ma marsai, ka so'o mpilar yi ku mur wu bapina mbwang. Wu munwun wu bura i wu maam ako sun duwa lo'o wu muna sono ako sun gir bah shiham mayo, wu ka'ajeh wun a loro wu loro. 18 Ma ngichewe ku mur wu bapinam wu bura i wu maam, ku be ban mani mo so'o wa mpilar a sunu chew gir ba shiham mayo 19 Mo pa'a wu gir fakunu ku kalang i wu gir sunu bah kkoyo haku nzah, shila i bissa i rungjung. 20 Misa ko pi'iri ning pinah, zungya ko ning bene shila, ka mwara duk ma Tarsu koyo. 21 Ko ning ne mbwaang bah na tu'ula lu'ulu Baku ku kum nchimi. 22 Wu bah Isra'ila wu wo'o lo'o mani: Yeso mun Nazarat, bapina bah Baku yira iyi ka panai wunu i murwu muara gir sunu bah Baku pa'ana tumu iyi ku mishwun. 23 Ku beh mani a wo pa'ana chebah Baku shi'ila duwa panai wun, wu panai ku buk biwa wu bapina wu kpangnai wu walai. 24 Kpa ma Baku luana iyi,ku nzum ba wuknayi be wuh bah kwanai mani i do boli sah. 25 Yi Dauda ka luana chew yi, mi Sun beh Tarsu misama ku duwam. I ku kangyam ma li mo do ji'iram sah. 26 Ku mur mani bungna nchimam bwangna lasam. yiram ko ningyi so'o mishsu. 27 Wu do war nchimam ku ban ningyau sa, keh wu ji'ingi bapina ma shimai ne i rumu sah, 28 A panayam she'ele nshere nchimu. Miso ko ma'am ne i bong nchimam bwana. 29 Wu swana, I buangna ne ma lo'o wunu i nchimam mo'on ku mur ka'asu Dauda: I wuhna a lisail ban lishi i kuisu mayo lina. 30 I ku be mani yiwo bah sun duw i shi'ila Baku kanai bwa ne kuyo chiri laya ko pur i bapina ba yiko ning Gom ku ban ningyai. 31 Suna be gir mani ka luana ku mur la'ahun mun Baku, a do tanadala iyi ku kalangsa, a do bi'inai ku kalang ke yiri rumna sa. 32 Beh Yeso mani Baku luasai, bah mbwangsu mishsu suna. 33 Ku mur mani bene ba a luasai mashen buhu malih ma Baku ya'ana pahkunu ma Puhu Mpilar ku yo ba Tari, yi suana wusu gir ba sumu sunu sumur wo'o mani. 34 Dauda do yiwna mashen kalang sah, i chiwa ne,Baku chiwa yi muni ne, "Ning ku buham ma lih. 35 Mo ma'a wu mwan burau ne a dangarya ku bah mgbo'o" 36 Ku mur mani mbwang wu bah lah Isra'ila a ko che'ele ma ngichewe ne yi Baku, ba pahnchimu be Yeso bah wu kpangnai kujnguni." 37 A wa'ana be lo'o mani nchimya suha, ka a chiwa yi Bitrus" i wa wu gamur wu muna ye'ele ye'elei ne "Wu swana, man ma su pa'a?" 38 Bitrus ka chewa ne, wu ji'ini chew biwawun ne a dang wun ku mu'uru mbwang wun; I ku lu'ulu Yeso mane a yeswunu chew biwa wun ho, ka wu ya'a be ta'a ma Puhu Mpilar. 39 Be kunu a wo pana wun i wa wu munwun i wu bah a pimpim, i wu bapina bwana bah Baku ko chu'ulu." 40 Lo'onawa lo'o mangichewe bwana bah panawa ngyarngya ne, wu ra'asa ka'aurwun kuyo beh biwa zhe'e mani." 41 A ya'ana be lo'oi a dangnaya ku u'uru, awo banchihi tarung (3,000) be duhi ba a basa bina kumur wu bah ya'ana Baku. 42 A pana murya ku ye'ele ye'ele ma wu bah muna ye'ele ma Yeso a mur kamya i bu'ungu fo'ofo i kusu mishya. 43 Ji'iri bwara nchimya bwang bah a suna wu gir fahkunu bah wu muna ye'ele ma Yeso pa'ana. 44 Wu bah pana ngichewe, kumna murya a mur pa'a gir iyirya, 45 A kura wu ka'alaya i wu murumya a gauna i yirya kumur gir bah bapina na njila pa'a iyi. 46 Duhi duhi mbwang ya a ma'ana murya ku gir mo'on iky lah lem Baku, ai bu'ungu fo'ofo kulah, a gau bila i bong nchimi i ma'a muru ma nchimu. 47 Amu lem Baku a ningna gir ya'a ku bawu bapina mbwang. Baku i duhi duhi i mur ben ku murya wu bapina bah a ur pah nchimya yi Baku.