NGYI 26

1 Agaribas ka chewi Bulus ne, "We ko ngi lo'o pur i muro." Bulus ka war buhi ku kalang pak ma pur imuri. 2 Bwangna nchimam Gom Agaribas, ku mur wu lo'o bah wu Yahudawa a wara ku muram lina; 3 Ku chew ma weh bah she'ele ku mu wu gir ma ngila mawu Yahudawa i wu tumu ya. Ku chew bili, nira ne dang nchimo wo'o lo'am. 4 Shi'ila ne wu Yahudawa mbwang shi'ila ningham i gir bah pa'ana kuyo musonoam ku ramam i Urushalima. 5 A shi'ila mi ku yo chik chi'i, bwang na ne a yere ne pa'ana wu gir bene Bafarise, ku ciri wubahlem ma tamisa. 6 chila i mani ku bari chew a rengyam chewe, ku chew pah kunu bah Baku pa'ana wu Tarsu. 7 Ku chew mani yini pah kunu bah lasu su lum kuni baring ma'ana nchimya a ya'ana kumur lemBaku i pah muru duhu i missa. Ku mur be ma'a nchimu Gom Agaribas, wu Yahudawa ku mur su'uram. 8 Mani ma'ana ka bwara ko re'eshe ne ningna gir kur muru ne Baku lua'asa wu bah wuh? 9 Ningyi suna ne mu pah gir biwa bwana kumur Yeso Banazarat. 10 Pa'ana ku Urushalima. Kusa wu bah war ta'a Baku bwana ku yo bah wu jeh bah chik buhu, mi kumur kur nzumya ne wolya. 11 Pa'anawa chiri bwana ku mbwang wulah lem Baku mi ku mur pah ngyarngya ne a pa'a chew biwa i she'ele ya. Ma'anaya ku duwa i ngyarngya pana wa chiri mashen ramya i wu raman. 12 Mi ku mur pa'ana shina Dimasku i yere wu mwa'ara jeh 13 Mi ku mur shene i ciri misa, we Gom, ka sun bungban kuyo kalang bah gana missa bungyu, ka ma'am ku ciri karngya mi i wu bah sui ya. 14 Su kwana mbwansu ku nzah ka wa'ana lo'o bwara imu lo'o i mi i lasui wu Ibriniyawa imu chewne, Shawulu, Shawulu, mani ma'ana ka wumur pam chiri? Ko do ningwo i mu'uru pwala sa bah wumur gbol i mi. 15 nga chewne, ya weyen Dah? Yeso ka basa lo'o yi, mini beh Yeso bah wumur waram chiri. 16 La'ahun imanichele i gbo'o, ku beh chew gir mani ka purau ne mu meu ne a ning bah tumuam i ngya'amisam ku mur gir bah a shi'ila kumuram i mani i bah mo sah wo ku duwa. 17 Mo ra'aso ku buk wu bapina i wu bah a doh shi'ila mi sa, bah mu turo mashen baya. 18 Ne a fah misya pi'iri ya iyo pina mashen ban ma bungnai, i yo ngarngya ma shaidan mashen bah Baku, mane a yes chewbiwa ya a ya'a mpuru bah mo pawu bah ningna mabam chew pah ngichewe i mi. 19 Ku chew bili, Gom Agaribas, do sangna kun loro bah suna kuyo kalang sa. 20 Paha mashen ba wubah a ku Dimasku, ka Urushalima i nzah Yahudiya mbwang, i wu gamur bapina, warawa lo'o Baku ne a ji'ingyi chew biwa a pi'iri mashen ba Baku, a pa'a gir shima ba ko rum ne a ji'ingna chew biwa. 21 Ku be mur mani wu Yahudawa bwala mi ku bum lahlem Baku ne a walam. 22 Baku wara buhi ku muram mayo lina, ne mu ngichele ku dum wu bapina wu mun iwu jeh, ne mu pahkunu ku mur gir bah wu bah sunduwa i Musa chiwa ne ko pah; 23 Ne mangichewe Yeso ko ya'a chiri, ko ning ma mo'on bah ako la'ahun iyi kuyo wuh ka i chew wu bapina ku mur bungyu mashen bawu bapina ma Yahudawa i wu bah do shi'ila Baku sa." 24 Bulus mala lo'oi ma pur i muri, Festas ka lo'o i ngyarngya, "Bulus wumur bang mii; she'eleu bwana ma'ana we mii." 25 Bulus ka chew ne, "doh bangna mii sa, bwajeh festas; i lu'ura nchimu ka mumur chew ngya'a lo'o ma ngichewe i ma'a muru. 26 Chew bah Gom shi'ila be wu lo'o mani mbwang, yini ma'ana do lwa'ana i ji'iri sa, pana ngichewe ne gima do ku swarmi sa. 27 A pana ngichewe i wu annabawa, Gom Agaribas? shi'ila ne a pana ngichewe." 28 Agaribas ka chewyi Bulus, i ku bolo zuk anjila sung muram pi'iram ne ma ning bah warta'a Yeso?" 29 Bulus ka chewne, nira Baku ne i ku bolo zuk ke bolo ma guli, do we luwo sa, i wu bah amur wa'am lina a ning bene mi, do i kunna bolo mani sa." 30 Bah rengchewe ka la'ahun chele i Gomna i Baniki i wu bah a ningna iya; 31 A ji'ingi bum lah bah wu zam bapina ham ka liduwa i lo'o i yirya amu chewne, "Bura mani do pa'ana gir bah ko ma'a a woli ke a kuri sa." 32 Agaribas ka chew yi Festas ne, Bura mani ka do wara be renchewe mashen bah Kaisar sa, a ma'ana buhi."