NGYI 25

1 Festas bwara ku nzah banai, nongyo tarung bwa'ala, lu'ana kuyo kaisariya shina Urushalima. 2 Bwadang i wu mwa'ara Yahudawa a wara yi Festas lo'o kumur Bulus. 3 A nira Festas ne i tu'ulu Bulus mashen Urushalima mane a woli ku njere. 4 Festas ka yerwa ne Bulus mun nengye ku kaisariya, ko do bol bansa ko bunyere mashen noh. 5 "Ku chew bili, bah na ngi, i war ta'asu, bwana nai lo'o gima kumur bura bili iyo lo'o ku muri." 6 Ku nzum nongyo ya'anga ke lum, ka su'ula mashen kasariya. Banfana ka ningna ku ban rengchewe ka pah kunu ne awar Bulus ku duwi. 7 Bulusjina bih, wu Yahudawa iyo Urushalima yo chila pwer, amu ningyi nda war lo'o ku muri, ado ngina kumi sa 8 Bitrus ka pur i muri dube lo'o ka chew ne, "doh pa'ana gir biwa yi bwara sa, Yahudawa ke lahlem Baku ke Kaisar." 9 Festas Kumur pis lu'ulu ku bawu Yahudawa, ku chew bili mwina Bulus ne, "Anjila shen Urushalima ne mashen rengwo chewe ku banai ku mur wu gir mani?" 10 Bulus ka chewne, "Chila kumur ban rengchewe kaisar bah ningna gba a rengyam chewe. doh pa'ana gir biwa wawu Yahudawa sa. bene bah we a shi'ila bwana. 11 Na pa'ana gir biwa bah jina mu wuh, doh bi'ina samur wuh lo'o ya na lilim ku muram, bwara do bi'inam twalam pah ku bukya sa. mimu tol rengcheweam mashen bah Kaisar." 12 Ku nzum tu'ula kaisar: Wu shen bah Kaisar. 13 Wu duk bwa'ala, Gom Agaribas i Barniki a ywana Kaisariya nda su Festas. 14 Duk bwana bwa'ala, ka Festas lwa'ana yi Gom lo'o ku mur Bulus chiwai ne, "Bapina mo'on ham i kunah bah Filikus ji'innai ku lah nengye. 15 Miwu ku Urushalima, mwara bah dang buhu i wu jeh ma Yahudawa a wara chewe ku bam ne woli. 16 Ku mur bili yirwa ne, idoh ku ciri wu gir ma Romawa ne a pah bapina nah sa i bwangna ne bah a wara chewei a pih ban ne i lo'o pur i muri ku bewu gir bah a lu'ana ku muri. 17 Ku mur bili a binna mbwang do yira ne i bol bansa, ban fana ningna ku gir ningya ma rengchewe, bana kunu ne a war Bulus. 18 Wu bah wara chewei lwa'ana gir bah a sa'angai ku muri, suna do gima bwana sa. 19 Yo sji'ila ne be lo'o bwara ku ciri ya kumur warta'a Baku ya kumur Yeso bah wuna, Bulus chiwa ne i nchimi. 20 Kasa she'ele mam bah mu pa'a i be gir mani, ka mwinai ne ke ishen Urushalima ne ashen reng yi be chewe ku mur wubah gir. 21 Bulus pisa ne a chik tamai, ma'ana ne a shen gir kunu ma shen duk bah mo turi mashen bah Kaisar." 22 Agaribas ka chei Festas."Mo njel mu wo'o be buramani," "Liwi woh wi'i," Festas chiwa nah. 23 Banfana Agaribas i Barniki ka yo iwu zam bapina i wu mwa'ara sojoji i wu jeh ma ram. Fastas ka par kunu, a pur i Bulus mashen baya. 24 Festas ka chewne, "Gom Agaribas i mbwangwun bah wu ha i su ku bari, wu suna Bura mani mbwang wu Yahudawa ningna i ya ku Urushalima i ku bari kpah. A lua'ana kun ku muram ne a doh ji'inyi i nchimi sa. 25 Suna do pa'ana gir bah ko mah a woli sa; chew bah wara chewe mashen bah Kaisar, yira mu shen iyi. 26 Mi do i gir ma ngyarngyai bah ko ma'am mu ngwo'olo mpuknsheme mashen ba Kaisar sa. Ku mur bili warai ku dumwun, swa'ana misam ku boh Gom Agaribas. Njila ne mu kum gir bah mu ngwo'olo ku muri. 27 Su na tum gbuchuk ku bam na tura bah a ma'anayi kunnah do i mpuknsheme kumur gir bah i pa'an sa.