NGYI 24

1 Ku nzum duk tongnung, ka Ananiyas bahdang, i wu jeh i bah shi'ila rengchewe lu'uli Tartilus, a shina banai. A shen wara chewe Bulus ku dum gomna, Bulus chila ku dum gomna, Tartilus ka pak ma sa'angi ka chewi gomna ne, "ku chew weh su kuma ningna shima, sun duwa wara girshi ban kun nzah su; 3 Ku chew bili gir bah wa pa'ana mbwang su ya'ana i bwat, bwajeh Filikus. 4 Doh njila mahkuno sa, mumur nere ne chik mpumurow wo'o gir bah mu lo'o chige'e. 5 A kuma bura mani kumur pa'a wu gir biwa bwana, i mu toh wu Yahudawa ma nzah mbwang ne a tamisa 6 Pa'ana ne i chuwo banlem Baku, ku chew bili ka su bwalai (su njila ne su rengyi chewe bene bah kukutsu ham? 8 Wa mwina Bulus ko chewo mbang gir bah sumur sa'angi ku muri 9 Wu Yahudawa mbwang amu sa,anga Bulus ku mur wu gir man nema ngichewe. 10 Gwamna yo pana ban yi Bulus ne i lo'o, ka chewne, i ku mani ka shi'ila ne i bwala ban bah a bwala ram mani, ku chew bili ko bong nchimam mu chewo gir mbwang. 11 Wo yer imi ne do jina nongyo lum kuni baring sa bah mumur yo Urushalima nda lem Baku 12 A yo kumna mi ku lahlem Baku, do sangna kunya ke lira wu bapina sa. 13 A do i ngichewe kumur gir bah a sa'angami ku muri lina sa, 14 chiwau ku mur gir bah a tu'ula girlem ya, inah mi wara tah Baku mawu ka'asu pa'ana ngichewe mbwang ku mur gir bah i ku kukut i gir bah wu bah sun duwa ngwa'ala. 15 Mu mur chik nchimam ku bah Baku bene bah a ko lo'oso wu bah wuh, wu bah pa'ana gir shima i gir biwa. 16 Ku mur bili kpa, ki kumur pa'ane mu do ning gir sa'anga ku dum Baku i wu bapina sa mimur pa'ana ku gir bwang bah mumur pa'a. 17 Ku nzum wu ba'a magina yuana ne mu war wu gir i ngya'abolo yi ramam. 18 Ku ciri njel pa'a na, ka wu Yahudawa kuyo ram Asiya a parami ku banlem Baku miku mur pa'a gir bah ningna mu pa'a do iwu zam bapina ke su'ura nchim wu bapina sa. 19 Bwangna ne wu bapina mani ayo duwo lina, ana i lo'o ku muram. 20 Na do nah sa, wu bah bapina chewe anawo kumami i gir ma biwai bah a warami ku dum wu jeh ma Yahudawa; 21 Sji'ila ne iku mur gir mo'on bah chila ku dum wun nga lwa'ana i ngyarngya, ku mur la'ahun i wu bah wuh, ku chew bili yini ma'ana a pisa walam lina." 22 Filikus i she'ele bwana ku mur be njere bili yini ma'ana twala be rengchewe. ka chewa ne, Lisiyas bah pah kunu na ywana kuyo Urushalima, mo yer be renchewew." 23 Ka ma'a beh bura mo'on ne i chik tama Bulus, pa'anayi girshima, do lila wu mwani yobi ke lilaya pah yi Bulus gir bah i njila ne a pa'ayi sa. 24 Wu duk bwa'ala Filikus i maami Druskila, yi bura Yahudawa, yi ma'ana ne a chu'ulu Bulus ne iku wo'o che pah ngichewe ku bum Yeso mun Baku. 25 Bulus imu lo'owa kumur ngichewe, bolmuru, i chiri ba wuna, ji'iri bwala Filikus ka chewne, "Kwanjere i mani na kumna ban, napa'ana mo basa piso." 26 Ku banai ma'ana nchimi ne Bulus ki pii ngya'abolo, ningna nda pishi ku muri muri ne i lo'o iyi 27 ningna gomna ku nzum Filikus, chew pis yere kubawun Yahudawa ningna nda chik tama Bulus ku lah nengyeh.