1 Bulus ka so'o mishi wawu jeh ka chewne, ningna i Baku i nchimu ma shimai mayo lina." 2 Mwara bwajeh Hannaniya panawa bapina bah aiya kunu ne a ngya kuni. 3 Bulus ka chewne, Baku ko nyew we biwa bapina. A ningna chewma a ringnayam chewe?" 4 Wu bah chila ku kangyi ane do sa'anga bah tum Baku sa. Bulus ka chewne," Doh shi'ila sa, wu swana, ne yini mwara bwajeh 5 i ku ngwo'olo ne wu do sa'anga bwajeh wu bapinawun sa." 6 Bulus suna ne Kangyi mo'on Sadukiyawa mo'on Farisawa, ka lu'ana i ngyarngya ku bawujeh,"Wu swana, mi Bafarise mun Farisawa, chew la'ahun wu bah wuh ka wu ringnayam chewe." 7 Chiwa nah la lina bwara ku ciriwu Farisawa i sadukiyawa, be wu zam bapina gauwa. 8 Wu Sadukiyawa ne la'ahun ku kuyo wuh do hamsa wu "Malaiku" do hamsa, mpilar do ham sa, wu Farisawa ne mbwang wu gir mani ham. 9 Linan la'ahun i linan ne, "Su doh kumna bura mani i gir biwa sa, Ke wu malaiku i wu mpilar ya lu'anayi lo'o? 10 Linan luana, ji'iri bwala beh mwara bwajeh su sojoji, ne a do fasang Bulus sa, ka ma'ane wu sojoji shen ra'ashi ma ngarngya ku buk wujeh, wu shen iyi kaslah. 11 Tu'ulu Baku ka chele pwer iyi ka chewne, Doh bang ji'iri sa, bene bah a pana kunu ku muram ku Urushalima, ningna gba'a wu basa pa kunu ku Roma." 12 Banfana wu Yahudawa mo'on a mala lo'o ne a yira ne kunu bolya, anae ako doli lih ke nuh sa ana do wala Bulus sa. 13 Wu bapina gana lumyinung ya kura kunya. 14 Ka a shen bah wu mwa'ara wu bah dang i wu jeh ane, "Su yira ne kunu bolsu, su doh lih ke sunuh sa suna do wala Bulus sa. 15 I ku mani su njila ne wujeh chewyi mwara bwajeh wu sojoji ne i shen wari ku chumya bene i njila yer yi rengchew. Su mala lo'osu su wolih kunjere ko doh jih ning sa. 16 Mun sa'angi Bulus suna amur chik tamai ka bor be kanglah shen chewyi Bulus. 17 Bulus ka tu'ulu mo'on kuyo ciri ba bura sojoji ka chewne, "Tol mun mani mashen ba mwara bwajeh wu sojoji i gir bah ko chewi 18 Be bura soja ka tol be musono wari mashen ba beh mwara bwajeh wu sojoji ka chewi ne, Bulus bah a kurai yini ne mu war musono mani ku dwo. I gir bah ko chewo." 19 Be mwara bwajeh ka wari mashen kangyi mo'on, ka mwi, man ma a njila chewam?" 20 Beh Musono ka chewine, "Yahudawa a mala lo'o ne a niro ne liwi a war Bulus ku dum wujeh bene a njila ne a gishi sun be lo'o ku muri. 21 Mi do yer i lo'o ya sa, wu bapina gana lum yinung amu ta'ari. A yira ne kunu bol ya, a do lih ke nuh ana do wala Bulus sa. Ana mala lo'o a ningna a mur ta'ara ne a pawa kun." 22 Be mwara bwajeh ma wu sojoji ka chewyi beh musono ne i kwanjere, bah a mala lo'o iyi, bi doh chew yi bwara beh lo'o sa." 23 Ka chu'ulu wu ngyarngya bura baring ka chewne, wu kau wu sojoji lum lum mgba'a baring i wu bah burshi lum tangzabaring. Wu bah tol kongyo lum lum baring a shen Kaisariya bolo tarung ma duhu." 24 Ka pa kunu ne a girshi wu burshi bah Bulus ku yewe ne a wari shen shima mashen ba Filikus "Gommna." 25 Ka ngwolo mpuknsheme bene mani 26 Za,ara mashen bah Kuludiyas Lisiyas mashen bah mwara bwajeh. "Gomna" Filikus. 27 Wu Yahudawa bwala bura mani anjila ne a woli, chura wa wu sojoji ka ra'asai, bah wa'ana ne yi bura Roma. 28 Njila ne mu she'ele gir bah ma'ana a sa'angai, warai mashen dum wu jeh. 29 Suna ne a sa'angai ku mur mwe ku mur rengcheweya, do suna gir biwa bah pa'ana ma jina kuri ke woli sa. 30 A yo chiwam gir bah a kura kunya ku muri ka turai mashen boh chichik, ne a war be lo'o mashen boh ning shima," 31 Wu sojoji a pa'a gir bah a turaya ne a pa'a. A ka tol Bulus wari i duhu ku bah Antibatris. 32 Banfana, ka wu bah ai burshi shina iyi wu gamur sojoji bunyira mashen kanglah. 33 We bah burshi shen jina Kaisariya a pana be mpuknsheme yi Gomna, a pi Bulus ku buhi. 34 Gomna bala be mpuknsheme, ka mwina ya ne, Bulus pura kuyo ram maheh; wa'ana ne ikuyo nzah Kilikiya, 35 Ka chewne mo wo'oh bwara wu bah wa chewau na ywana, ka ma'ana ne a ashen i mi ku ban rengchewe ma Hiridus