NGYI 22

1 "Wu swana i wu Dah, wu wo'o lo'am mayo bawun imani." 2 Wu bah zam bapina wa'ana Bulus imu lo'o i lasu wu Ibriniyawa a ningna cheche'e ka chew ne, 3 Mi Bayahude kuyo ram Tarwasa ma Kilikiya, i ku tah Gamaliyal a sanayam sah. A rumna mi bwana ku mur kukut mawu ka'asu. Mi njel war ta'a Baku bene bah wui yi. 4 Pa'ana gir biwa yi beh njere mani mashen wuh; kurah wu bura i wu maam ma'ana ya ku lah nengye. 5 I nah, mwaraa bah dang i wu bah tumui a ngi yer i lo'o mani ne ya'ana yere ku baya chew wu so'ongisu bah aku Dimashku, ne mu shen no, tumuam yini mu kur wu bah war njere mani, mu war ya mayo Urushalima ne a pa'awa chiri. 6 Mi kumur shene, tana pwer i Dimashku, i ciri missa ka ngba'a mo'on bungna ban kuyo kalang ka bungyu karngyam. 7 Kwana ku nzah ka wa'ana jimmu i mur chewam ne Shawulu, Shawulu, mani ma'ana ka wumur ma'am sun chiri? 8 Ka yirayi ne yawe yen dah? Ka chewam ne, mi Yeso Banazarat bah wumu ma'am sun chiri. 9 Wu bah suwo iya a suna beh bungna ban, a doh ngina she'ele be jimmu bah imu lo'o imi sa. 10 Nga chew ne, mu pa'alan Dah?' Beh Dah Baku ka chewam ne, la'ahun bor Dimashku, ku banai a chewau gir bah ningna gba'a wu pa'a. 11 Doh ngina sunban sa chew beh bungban, yimabah suwoi i ya a waram i bukya mashen Dimashkus. 12 Ku banai swa'ana dum i bura mo'on lu'uli Ananiya, bah ji'iri Baku kuyo rengchewe, wu Yahudawa yira iyi bwana ku banai. 13 Yuana bam ka chewne, swana shawulu, yah sun ban; ku banai nga suni 14 Ka chewne, Baku nawu ke'eu twala we ne a she'ele gir bah yi nchila, sun bah ngichewe mani, wo'o lo'o bah imu pur kuyo kuni. 15 Weni woh ning bah chele yi ku ba wu bapina mbwang ku mur gir bah a suna i gir bah a wa'ana 16 I ku mani wumu ta'ara man? La'ahun ne a dang-ho ku mu'uru a zus chew biwau, wumu tu'ulu lu'uli. 17 Ku nzum bah yuana Urushalima mimu kusu misam ku banlem Baku, ka ya'ana loro. 18 Sunai chiwam ne, ka'ara ji'ingi Urushalima i mani, chew ma wo do yer i beh lo'o ku muramsa. 19 Bya chewne, Dah baku, ya girya a shi'ila bah ma'ana ya ku nengngye basa ngya'aha wu bah pana ngichewe i we ku banlem Baku mbwang. 20 Ku duk bah a swa'ana shila bah tumuo Istifanus miwu chila ku banai, mumur kurnzumya, mini mu chiktama twan mawu bah walai. 21 Ka chewam ne, shene, mu turo mashen bawu gamur bapina. 22 A ho mur wi'i ka chewne, a ngya'aha kunya amu chewne, a tol nchimi bura mani ku nzahban. Doh bwangna ne a ji'ingi nchimi sa. 23 A ngyanah kunya a mu buhu twanya a mu tah ntungtun ku gung. 24 Be mwara bwajeh wu bahtah mwarang (sojoji) ma'ana ya ne a war Bulus mashen be kaslah. ma'ana ne a pa'a tumui i sanguni ka mu mwi, chew ma i shi'ila gir bah ma'ana ka a ngyana kunya ku muri. 25 Ku nzum bah a kurai i zueh, Bulus chiwa yi bura mo'on bah pwer iyi, I bwangna ne kukut a pa'a yi bura Roma bah rengchewe do kumnai sa ana ngya i sa'anguni?" 26 Be bura bili wa'ana nah, ka la'ahun shen par be mor bwajeh, ka chewi ne, "Man ma a njila pa'a? suna be bura mani mun Roma." 27 Beh mwara bwajeh ka yo chewi ne, chewam, we mun Roma i bilau?" Bulus ka chewi ne, "I nah." 28 Beh mor bwajeh ka yeryine, "I ngya'abolo bwana ka ya'ana ka ning mun ram. "Bulus ka chew ne, "A bila mi mun Roma. 29 Wu bapina bah a yuana ne a mwi lo'o a ji'ingnai muni muni. Beh mwara bwajeh kpana ji'iri bwalai bah iha kurai. 30 Banfana, beh mwara bwajeh njila ne i gishi she'ele ngichewe ku mkur gir bawu Yahudawa pa'ana kumur Bulus. Shen basai ku be kunnah ba kurai iyi ka mah mwara bah dang i wu bah tumui ne a ayo ben. Ka war Bulus mi'i ku ciriya.