NGYI 21

1 Su gawa njere iya, su bwara gir sau mu'uru su wara njere mashen ram kos, banfana su shina ram Rodusa, kuyo banai su bwa'ala mashen ram Batara. 2 su kuma be gir sau mu'uru bah iku tapur mashen Finisiya ka su bwara. 3 Su suna tsibirin Kubrus ka su ji'inga ku buk musum su twala njere Suriya, su su'ula ku ram ma Taya chew bah beh ka'ango'oro mu'uru i su'ulu i ka'ala ku banai. 4 Su kumna wu muna ye'ele ka su ningna ku banai ma nongyo tangzah baring. Wu bah muna ye'ele ma Bulus ne ku chew mpilar i do shen Urushalima sa. 5 Ku nzum wu duk ka su lina duwa i nshenesu, mbwang ya i wu maamya, i wu munya a shen chiha su ku nzum be ram. su ku'ura ku be kun bwa su kusa misu ka su gwana ban iyiru. 6 Su bwara ka'ango'oro mu'uru, ya bunyira mashen lah. 7 Su mala shenesu ku Taya su jina Talamayas. ku banai swa za'ara i wu so'ongisu, su ningna nongyo mo'on iya. 8 Banfana ka su la'ahun shina kaisariya. su bwara lah Filibus bah chew lo'o Baku mo'on ku ciri wu bah tangza barring su ningna iyi. 9 Bura bili i wu mun yinung wu maam, wu muna sari bah sunduwa. 10 Su ningna ku banai mawu duk bah lo'o Baku mo'on yuana kuyo Yahudiya lu'uli Agabus. 11 Yuana basu yo twala gir kur bunu ma Bulus ka kurku buhi i ngbi'i ka chewne, Puhu mpilar ine inah kawu Yahudawa ko kur bah kuru mani ako pawa wu bapina." 12 Su wa'ana be lo'o mani ka mbwang su iwu bah ningna ku banai ka nere Bulus ne i do shen Urushalima sa, 13 Bulus ka yere, kane, "Wumur pa'a man, wumur zolo wumur bu'ungu nchimam? mi do ta'ara chew kuram nasah, ta'ara wu ku Urushalima, ku chew lu'ulu Tarsu ma kalang Yeso." 14 Chew bah Bulus doh njila ne a nu muri sa su doh basa zuala sa sune, ining nah bene bah Baku njila," 15 Ku nzum wu bah duk mani ka su kau wu nshere su yeu mashen Urushalima. 16 Wu muna ye'ele mo'on kuyo kaisariya wara ta'asu A yuana i bura mo'on lu'uli manason, bura Kuburu bah yini paha war ta'a Baku, yini bah su ning iyi. 17 Su bwara Urushalima, wu so'ongisu ya'anasu i bong nchimu. 18 Banfana ka Bulus shina isu mashen ba Bitrus wu jeh mbwang a ho. 19 Za'araya ka paha chew wa mo'on, mo'on wu gir bah ku nzo Tumui Baku pa'anaww bapina. 20 A wa'ana nah ka a limna Baku a chew yi ne, "sunu swana, wu Yahudawa bwana a pana ngichewe a njila tam murya i rengchewe. 21 A chiwa wa ku muro ne wumu sah wu Yahudawa bah a ningna ku cieri wu bapina a doh suna musa bene gima sa. Wumu sahwa ne ado yer u wu munya sa, a do pa'a wu gir ma ya'ai mawu jeh ya sa. 22 Man ma su pa'a? Mu chewwun a ko wo'o ne a yuana. 23 ku chew bili pa'a gir bah su chiwau ne a pa'a i mani. sui wu bura yinung ba a twala waru 24 shen i wu wari shen ra'asa yiro kuyo chew biwa wuiya, weni pa'awa wu gir mbwang i ma yum murya. wa pa'ana nah ka wu bapina mbwang a ko she'ele ne wu gir bah a luana ku muro a luana liim. A ko she'ele ne we bah chiktama rengchewe 25 Kpamah wu gamur bapina bah pana ngichewe su ngya'ala wa mpuknsheme, su pana kunu ne a tam murya i wu gir bah a panayi Baku mawu bah njila, i shi'ila, i gir bah a wala i chew pa'agung. 26 Banfana ka Bulus twala wu bah muna ye'ele a zusa yirya kuyo chew biwa iya, ka a bwara banlem Baku ne i gishi chew beh duk pah wu gir ma mbwang ya. 27 Be duk ma tangzah baring tana pwer i rusu, wu Yahudawa magina ku yo Asiya a ka sun Bulus ku lah lem Baku, Ka ashen to wu zam bapinaa boli. 28 Amu ngya kunya, "Wu bah Isra'ila wu kumsu. mani yini bura bah i mu sah wu bapina ku raman mbwang wu gir biwa ku mur wu bapina, i renchewe i beh ban mani. ku nzum mani," 29 chew bah a wu sun Tarofimas bura Afisa i Bulus ku be ram. a suna bene warai ku bum lah lem Baku ka she bol Bulus. A sungyi kuyo bum lahlem Baku. 30 Be ram mbwang nchimya suha, wu bapina kashe bol Bulus. A sungya kuyo bum lahlem Baku mashen nzah, ku banai a ji'iri be kun ka'ana. 31 A mur ne a wolli ka be lo'o shen bwara bumbur bwajeh mawu bah tah mwrang (sojoji) ne Urushalima mbwang do shima sa. 32 Ku banai luana kawa wu muna lwa burai iwu bah ngyarngya, ka bang mashen banai. Wu Bapina sun bwajeh ma tahmwarang (Sojiji) ka shen bol Bulus ka ma'a ne kuri i kunnah bolo baring, ka mwina ne yayi yen, man ma i pa'ana. 33 Beh bwajeh mawu batah mwarang (sojoji) ka shen bol Bulus ka ma'a ne a kuri i kunnah bolo baring, ka mwina ne yayi yen, man ma i pa'ana. 34 Wu gamur ya ku ciri wu bah zam bapina amu ngya kunya, wu gamurya amur chew ne mani, beh bwajeh mawu gamurya amu chew ne mani, beh bwajeh mawu bahtah mwarang (sojoji) doh ngina she'ele gir bah amu lo'o sa chew bah amu lo'o bwana, ka ma'ana ne a bor i Bulus ku kaslah mawu bah tahmwarang. 35 A shen ji'ina njere ma yew mashen be kaslah wu sojoji ka a twala Bulus chew nchim wu zam bapina ba suhu. 36 Wu bah zam bapina wara nzwi amu chewne," 38 Ke we do Bamasare bah awu ma'a tamisa, a twala wu muna tamisa ban chihi yinung a wara mashen to'o sa?" 39 Bulus ka chew ne, "Mi Ba'ibrane ku yo ram Tarsus i Kilikiya. Mi mun ram mori yeryam ne mu lo'o iwu bah bapina. 40 Be bwaje ka pii ban, Bulus ka la'ahun chele ku mur ban chik mgbu'u ka war buhi ku kalang imur rumya ne a ning cheche'e. Ban pwala kpacheche, Bulus ka lo'owa i Ibrananci, ka chewne.