1 Ku nzum gir bah luana yo bwa'ala, Bulus tuma ne a tu'ulu wu muna tumui, panawa ngyarngya. Marsa lo'o iya ka luana mashen Makidoniya 2 Wara pur ku wu raman imur pa ngyarngya wa wu bah war ta'a Baku bwna, ka yuana ramwu Helenawa. 3 Pa'a zungya tarung ku banai, wu Yahudawa ka pishi chewe, i mur ne i yew ka'ango'oro mu'uru mashen suriya ka pi'iri nchimi bunyer Makidoniya. 4 Wu bah wara ta'a Bulus mashen kang Asiya, awo i wu sobatarus i Burus kuyo Biriya; gayus bura Derbe;Timoti i Aristakus i Sakundus, mbwang ya wu bah war ta'a Baku kuyo Tasalonika i Tikikus i Trofinus kuyo Asiya. 5 Wu gina a bwa'ala su, as ta'arasu ku Taruwasa. 6 Su bwara gir sau mu'uru kuyo Filibi ku nzum wu duk ma fo'ofoh bah do i yisti sa: su pa'ana nongyo tangzabaring ku banai. 7 Ku duk ma mo'on ma be mako, su bina ne su bu'ungu fo'ofoh, Bulus luana wa wu ba pah ngichewe, i wu njila ne i kwanjere ma liwi, lo'oi warai mashen ciri duhu. 8 Ku mur gbo'o bah a ningna, bisa nun ban ham gbe. 9 Musono mo'on bah lu'uli Aftikos ningna ku kun sa'atuma, ka tolong ma mori twalai ka kwa kuyo mur gbo'o ma tarung a twalai loi. 10 Bulus ka su'ulu yo nong ku muri ka boli, ka chewne "adoh su'ulu yo nong ku muri ka boli, ka chewne "adoh suhu nchimya sa, i nchimi do wuhnah sa." 11 Ka yeu mashen be mur gbo'o ne ili fo'ofoh iya, ka lo'o iya kasa ma ban fana ka ku banai ji'inga ya. 12 A ka war beh musono i nchimi, a kumna dangnchimu bwana. 13 Su bah su kasa duwa yi Bulus mashen bana ka'ango'oro sau mu'uru, su bwara mashen Asos, su njila su to Bulus ku be ka'ango'oro sau mu'uru, Bulus njila shen ku nzah 14 Su swa'ana dum ku Asos, su twalai ku be ka'ango'oro mu'uru mashen milititus. 15 Ku nzum la'ahunsu ku banai, banfana ka su yuana Tsibirin Kiyos. Ban basa fana ka su yuana ram Militus. 16 Bulus njila bo'olo mashen Afisa a gir sau mu'uru, ne ido bo'olo Duk Pentikos i Kumi ku Urushalima. 17 Ku yo militus i tumna ne a tu'ulu yi wu jeh ma lahlem Baku ku Afisa. 18 A yuana bi ka chiwna wa ne," wuni ka'amurwun wu she'ele ne kuyo duk bah chiha mga'am ku Asiya,be ningya basu ningna i wun. 19 Ningna so'onzah pi Tarsu i ma'a muram ku nzah i mirim, i chiri bah suna che gir bah wu Yahudawa pa'anam 20 Wu shi'ila do lu'urami mu chewun mbwang wu gir mashimai sa, Wara kunwun ku lahlah mimu sahwun be wu gir do ku swarmai sa. 21 Wu shi'ila bah lwa'ana wawu Yahudawa i Hellenawa ku mur ji'ingi chew biwa che Baku i pah ngichewe i Tarsu Yeso. 22 I mani, mu shen Urushalima, i yere mpilar, do shi'ila gir bah ko pa'am ku banai sa. 23 Beh Puhu Mpilar na rumna mi ne ku wuram mbwang wu kumna bolo i wu chiri ta'ara mi. 24 Doh twala nchimam gimam ku bam sa, ku chew gir ba pa'ana ku dwam i gir ba ya'ana ku bah Tarsu Yeso, Chew lo'o Baku. 25 I mani wu sunu, shi'ila wun mbwang, wu bah chiwnawa lo'o kumur lah Baku, wo do basa sunamsa. 26 Ku muru bili chewa wun ku lina mani mi do i tangna shila bwarra ku muramsa. 27 Doh lu'urami ma chewun mbwang wu gir ma Baku mayo bawun sa. 28 Ku chew bili wu tam ka'amurwun, i wun bah wart'a Baku bah PuhuMpilar ma'ana wu ningna wu jeh. Wu chiktam yirwun wu lel wu bah war ta'a Baku, bah ya'ana i shi'ilai 29 Shi'ila ne ku nzum bah na kwana njere wu biwa bapina ma ngyarngyai ko bor chiriwun ako doh mah bukunya wa wu bah war ta'a Baku sa. 30 shi'ila ne ku chiriwun wu bura akoyo lo'o biwa lo'o be a sung wu muna ye'ele mashen baya. 31 Ku mur bili wu chik misu, wu re'eshe ne ba'ah tarung do ji'ina pawun lo'o bah ko ngyarngya wun i mirim duk i duk sa. 32 I mani mimu tolwun rum Baku. i lo'o gir shima bah i ngyarngya ma mba'awun i pawun mpuru i mbwang wu bah aku ciri wu bah Baku chiha ya. 33 Do chiha misam ku azurfa ke zinariya ke twuan ma bwara sa. 34 Wu gir wun wu shi'ila ne pa'ana tumui i buham, mimu pa'a yi ka'amuram gir i wu bah a ku bam. 35 sanawun njere mbwang ku wu gir, i gir bah wu pa'a kaa wu jenta'a wu bah a do i ngyarngya sa wuna kumu pa'a tumu, I gir bah wu re'eshe i lo'o Tarsu Yeso, Lo'o bah yi girai chiwane, "Bah pah gana bah ya'a kumu." 36 Lo'o mala ka ku'uru kusa mishi iya mbwang. 37 mbwang ya a zuala bwana ka a bwalai a nuna kuni. 38 A suha nchimya ku mur gir bah chiwa wah ne ako do baa suni sa. mbwang ya a shen chihai ku bana gir sau mu'uru.