ngyi 4

1 Bene bah Kristi lina chiri ku yiru, wu toh ka'amur wun bene yi kpahnaa. wu She'ele ne bah na lina chiri ku yiri, ipuhra iyo pa'a girbiwa. 2 Mashen dua, beh bapina, i ningyai ku yiru, ko do ning njele yi sa. ko ning njel Baku. 3 Ku duk bah bwa'ala, wu ba'a a bina Baku, a mur njel no'oho no'oho ngari, a murpe'e wu ma'ah bapina a mur tah dala ma biwai. 4 A mur suno bene we ngbuchuk, ana do mur pa'a girbiwa bene bah ya a mur pa'asa, ai lo'o ma biwai ku muro. 5 A wo bal gir ba a pa'ana yih ba ko reng-chewe wah ba ai chimya, i wu ba a wa'ana ma . 6 be chewe mani, a lo'onah lo'o ma shimai wa bah a wa'a ma ne a reng wa chewebene wu ba ai chimya, a ning bene Baku, ku Mpilar 7 Wu gir bong a ta'a puer ma yo marsai, ning i nchimo ma shimai, re'eshe ma shimai ku nchimo. Chwe nere-nere Baku. 8 Ku mur gir bwang, wu njel yirwun, njelle i kusu girbiwa bwana. 9 Wu ning ba ya'a wu bapina, wo do lo'o biwa ku murya sa. 10 Bene bah a pa'ana wun wu njel yirwun. wu pa'a mani bene bah Baku pa'ana wa wu korom yi ma shimai 11 Bah na mur lo'o, i lo'o Baku. Bwarra ba na mur pa'a chumu, i pa'a i mgyar-ngya ba Baku pa'ana i wu pwh mwni ne a too lu'ulu Baku yiwa ku chiri lu'ulu Yeso Kristi. I ning ku mur Yeso Kristi, ka'aka, i gan muru ma bo'obu bo'o. I nah. 12 Wu mu'uram, wu mi ning bene piwi gir ku mur li chiri, i mah bah kuma wun bebe piwi gir. 13 Bene bah wu shi'ila li chiri Yeso Kriti, i bwang nchimo, ne nchimo bwang chew ne ko rumoh i lem Baku. 14 A sa'anga wun chew lu'ulu Kristi, a ma'ana buhu ma shimai ku murwun, ne chew mpilar ka'aka i Mpilar Baku ba ningya ku murwun. 15 Bwara wu do li chiri bene bah wol wu bapina sa, ba nshiwi, wu bah pa'agir biwa, i wu bah kikang gbura. 16 Wuna lina chiri ne wun muna Baku, wuma pa'a nzoonsa, wu toh lu'ulu Baku yiwa. 17 Missai, bah a reng-chewe ma bapina ma Baku. nah ningna ne a pak ku mursu. Man ko kum ba a do shi'ila lo'o Baku sa? 18 Na ningna ne bah pa'a girshima ko kum nshere, ilan ba do ya'ana baku, i ba i mur pa'a girbiwa ko ning? 19 Na ningna na'a, wu ba a mur li chiri chew lu'ulu Baku, apah murya ku bah ba'a pa'anaya, ne ma apa'a girma shimai ku dum Baku.