NGY 5

1 1 Mu mur lo'o waa jeh baa a ku chiriwun, mi ma mi bwajeh kpanaa, mima suna li chiri Kristi, mi ho chiri be gir shima bah ko puru. 2 Na na mu mur lo'o wun wu njeh, wu kau wu zur ma Baku ba a ku chiri wun. Wu ning lel ya shima, chew ne wu njila pa'a girba Baku Njila kpana. wu ning lele ya, do chew gir biwa sa wu njel ya i yere nchimu. 3 A mi ning bene we ba njel ku mur wu bapina sa, ning bene bapina ba a so'o mishiu ku muri. 4 Be bwajeh ma ning lele na bunyira ma wo ya'a Katah muru ma shimai ba ko do pa'a biwa sa. 5 Na naa wu majur, wu pamurwun waa jeh, bwang wun wu ning ba ma'a muru ku nsha, wu pa'a chumu i yirwun, Baku do njila ba toh ka'amuri yiwa sa, yi njila bah i ma'a muri su'ula, i tah buhu yi bah ma'ana muri su'ula. 6 Na naa wu ma'a murwun su'ula ku buk Tarsu ma Kalang ne i tohlo yiwa missa bah wuna. 7 Su war gir ba su njila mayo bi, yini i ningyi lelsu. 8 Wu bwol ka'amur wun, wu ning le'ele, be bah kila ma imur kikang bene Yimma, i mur pe'e bah ku bwolo-wolo. 9 Wu chele ku dui, i ngyarngya ku ngichewe wun, she'ele ne wu lahwun bah pah ngivhewe ba a ha tah ramuan a mur bwol chimya bwa. 10 Wu na lia chiri chige be Baku ba Chu'ula wun mashen gir shima. Muni Kristi, ko grishi wun shima, ko ba wun, i pah wun ngyarngya. 11 Ku bih ning muru bo'o i bo'o (ma weng) inaah. 12 I yoo bah silvanus Silas so'ongi wun, pana ngichewe ne i nah. Mu mur ngyo'olo chigyeh i yere Baku ku yoo buhi, mu mur ngyo'olo wun kuchiri nzo Baku wu Chelw kumuri. 13 Be ba ma'am (Church) bah ku Babila, ba a ya'anai bwa i wun, a mur za'ara wu, Markus bwa, mwanam ma ka'abuham i mur za'arai wun. 14 Wu za'ara yirwun i njelle. So'o polo Nchimu ma Baku ning i wun bwang wun ba'a wu lina chiri ku lu'ulu kristi.