1 1 Ku shene mini, wun bah wu mam, wu pah mur wun wa milimwun. Wu pa'a mani ne wu ghamuring wu mbura bah a do'o wa'ana lo'oh sa, a wo'o njel pa'a chew wu mam bah a mur pa'a gir shima. 2 Awo'o sun ngi-chewe ku gir ba wuh bah pa'a. 3 Wu ma girshi yurwun i bah ka'a muru, Tah- puhu i twan ma'a ngyha'a bolo sa. 4 Na mah i ning njimu ma shima i mbilar ma shimai ba'a bwanyah ku bah Bahku. 5 Wu mam bah buhu njimu, a wui gir shi yir ya bene bili. Mani a suanah mis-ya ku bah Baku, a mur pah ka'a murya wa milim ya. 6 Bene bah "Saratu" pah ka'amuri yi i brahim, i mur chu'uli ne bwanjeh. Wu ningnya wu muna "Saratu," wuna mur pa'a gir shima, i wuna do'o mur bang zhi'iri. 7 I bwanya ne wu mbura wu ning i wu mamwun i she'ele bene wu bah a doi ngyhar- ngyha sa. Wu pahwa ka'aka bene murhun mo'ona. 8 Ma marsai, bwang wun, wu ning i sun yirwun, i sun chiri, i njel zus girbiwa wun. 9 A mi pa'a girbiwa ku mur gir biwa sa, ami sa'angha bwara sa. 10 Beh bah njila njelle, bah sun juk ma shimai ko bwol lashih ne i do pa'a gir biwa sa; ko i bwol kuni ne i do lo'oh girbiwa sa. 11 I zhinyi gir biwa ne i pa'a gir shima; i pe'e ningha shima bwoli i ngyhar- ngyhai. 12 Nya'amis Tarsu i sun bah pa'a girma shima, mbumuri i mur wo nere ya. Be Tarsu bina wu bah pa'a gir biwa. 13 Yan ba'a ko'o pa'a wo'o gir biwa ana njilla girma ma shimai? 14 Ana lina chiri chew pa'a gir shims Bahku ko'o njeng nche'ew. Do'o bwang shi'iri yi gir bah a mur mbwang shi'iri sa. A mi suhu chimo sa. 15 Nah ma nzhi-nyi Tarsu kiristi ku chimo, bene puhu njimu. Ning yi she'ele ne wu yeriyi wa ba'a ana mu nawe ngi-chewe- wun yi Bahku. pa'a girmani yi ma'a muru su'ula, yi wo kunu. 16 Wu kum nshe'ele ne wu mbapina bah a mur sah-ngoh chew pa'a gir nzo'on cheu ba'a amur lo'oh gir biwa ku che'eu bene wu bah pa'a gir biwa. 17 Bongho gana Bahku njila ne ah lih chiri ku pa'a girshima i ba'a wu pa'a gir biwa. 18 Yeso bua lihna lulu cheu girbiwa su, ne yi war su mashen bah Bahku. A walai ku yiru,bunuyira luana yi njimi ku mbilar. 19 Ku mbilar shene sa sanasa wa'a bah mbilar ba'a a wu ku nenyee. 20 A wu bina ma wo'o lo'oh ku missa ba'a dang njimu, Bahku ta'ara ku juk ma '"Nuhu," ku juk bah i mur ba'ah jirgi bah Bahku ra'asa wu mbapina yahngha (8) ku chiri mu'uru. 21 Mani ningnya "Baptisma" ba'a ra'asasu, do bene zuh gir tohnyo yi yo yirsu sa, yi bene chumu ma shimai mashen bah Bahku, ku chiri la'ahu Yeso Kiristi yo wuh. 22 Yeso Kiristi yi ningna ku buhu ma-lih ma Bahku. Shina kalang. Malai ku, pha- kun yi gan- muru, a pah murya gba'a, mashen bih (Kiristi).