1 1 Na'ama wu so'o to,o i gir mah bi wai, "deceit, hypocrisy, envy" i wu lo'oh ma biwai. 2 Bene ba'a mun- bamun ii njel mu'uru suha shimai ma mbilar, ku chiri'i wo, kum shere gulu i ra'asa- buhu. 3 In ana suna ne bee tarsu shima, yi ba sun chiri. 4 Yo Bbiyi, yini tah ba yi njimi ba'a, wu mbapina bi nai; yi Bahku, tualai ne ko pa'a chumu ma loh yi. 5 Wu bene tah ba yi njimmi, a ba;ana wun yiwa ne wu ning bene ka'ana mbilar, bene wuba lo'oh Bahku ya'ana ku chirwu muni Yeso kiristi. 6 Be'e pun-nzeme yi wu girmani: "sunu, mu chi ta'ah zion" yi tah ku kah yi, a tualai ku pa'a chumu. Ba'ana pa'ana ngi-chewe ku muri ko do'o ning gir nzo'on sa. 7 Ka'aka ma ba yi pa'ana ngichewe. Yi tah ba wu ba ba'ah-lah binai; yi tah ba ninya kang-lah: 8 Yi tah ma nyha mghu'u, yi kono ma nyha mgbu'u. Ai bene lo'oh Bahku, yi ba'a yi nyha mgbahya mani ninya ne awo sunu. 9 Wun mbapina bah a tuala wun, wu gom ma gahna i ram ma shima, wu mbapina ma Bahku. Ne wu chew girma shimai, yi bah chu'ula wun iyo gir biwa mashen gir shima. 10 Maduwai a do'o shi'ila ne wu mbapina sa; mani a shi'ila wun, ne wu muna Bahku, su do'o ya'ana sun -chirisa, mani su ya'a bee sun-chiri. 11 Wu shuana mumur chu'ulu wun ne wu bah mbiri, wu bah ki kang, ne wu nzinyi pa'a gir biwa i yirwun, bah ko'o lua yi mjim wun. 12 Wun pa'a gir ma shima ku chiri wu bah a do'o shi'ila Bhku sai; ne ana lo'oh ku muro chew girma biwai. Awo sun sun gir ma shima bah wumur pa'a, ne a toh lu'ulu Bahku yiwa, juk ba'a ko bunu yere yo. 13 Wun wo'okun wu-jeh, ku lu'ulu Bahku. Wu wo'o kun wu gom ne yah mbamuru. 14 I wu "gomnati" bah a churah yah ne a reng chewe wa'a baha pa'a gir biwa, i ka'aka wa bah pa'a gir shima. 15 Mani girbah Bahku nji'la, ne a pa'ana gir shima, ko'o kusu kun wu bah pa;a gir biwa. 16 Bene wu mbapina bah a tana buya, wu ma toh buhu kusu girbiwa wun sa. Wu ning bene wu korom Bahku. 17 Ka'aka wu mbapina, njel wu songo, bang nzhiri Bahku, ka'aka wu Gom. 18 Wu korom, wu wo'o kun bah muru lah wun i nzhi'iri. wuma bang nzhi'iri wa bah njim ya shima sa, wu pah wa'a bah njim ya biwa kpa nah. 19 Gir mah ya'ah mbapina na shi,ila pa'a Bahku, i chele i nyhar, nyhai ku nlih chiri ku girbah do'o shi'ila sa. 20 Man bah wo kumu in wuna mur pa'a girbiwa ning ku muri? Wuna pa'ana wa'a mur li chiri, njins lem i Bahku. 21 Ku ta'a mani yi bah a chu'ula wun chew Kiristi bah lina chiri ma kunwun. nzhi nya "misali" ne wu war sherei. 22 Do'o pa'ana gir biwa sa, ke gir biwa bah purai yo mur-kuni. 23 A nsaghai, yi do'o bunu yere nsgha bwara sa. Wu lih chiri do'o bunuyere pa'a gima biwei yi bwara sa yi pa'a ka'amuri mashen wu bah reng chewe ma ngi chewe. 24 Yi i ka'amuri tuala gir-biwasu ku yiri mashen nguhni (gichiye), ne so do'o kum ka'amursu ku girbiwa sa, ne su ning i puhu chimu. Be'e chew pehnye ma yiri a zussa ko'ongo. 25 Bwang wun, wu mur kikang mashen to'oh bene we nzur bah a bwar sa; Imani wu bunuyirama mayo bah ning lelle chimwun.