1 1 Omu'uram wu do'o yer iwo ɓeh mbilar bwang sa, wu mah ɓeh mbilar ne wu sunu ke ana pura yo ɓah Ɓhaku cheu oba sunduwa ma lere a bora ha nzah. 2 Imani, wu ko she'ele mbilar ma Ɓhaku, mbilar ɓha na yira ne Yeso Kiristi yu'ana i chiri yiru, yi ma Ɓhaku. 3 Mbilar ɓah na do'o yira i Yeso sa, do yo bah Bhaku sa. Mani yi mbilar ma obah bi'ina mun Bhaku, bah wu wa'ana ne a wuna, i ha beh nghya nzah imani. 4 Wu yo bah Bhaku, omuna-mun, wu ta'ghanna ya, cheu bah behbah i wun ghanna ba'a iku baya. 5 Ya ma nzah, gir bah ana chiwa i yo nzah, beh ba'apina ma nza a yer iya. 6 Sun ma BHAKU, beh bah shi'ila Bhaku i wo'o su, beh bah na do'o pura yo bah Bhaku sa, ko do'o wo'o, su sa. i beh mani su shi'ila mbilar ma nghichewe i ma mbilar ma ye'ere chewe. 7 Omu'uram, su njel yirsu, njele pura yo hah Bhaku, ba'apinah bah i njel-njele Bhaku yi bilai, i shi'ila Bhaku. 8 Ba'apinah bha doi nje-njele sa do'o shi'ila BHAKU sa,cheu BHAKU yini njele. 9 Cheu mani yi bah beh njele Bhaku pura ku chirisu cheu ne Bhaku tura muni mayoh nzah, ne su ning i hjimsu cheu yi. 10 Imani yi njele, do'o su njila Bhaku sa, yi njila su, ka pana wusu muni ne i pah ka'amuri cheu gir bi'iwa su. 11 Omu;uram, Bhaku na njila su, su njel yirsu kpana. 12 Bhaku do'o suna mu njel yirsu, Bhaku ko ning ha basu njelai ku ning ku yirsu 13 Imani, su shi'ila ne so ning ku bi, yi kpah ko ning i basu, cheu ma i pah wusu o ginah mbilar yi. 14 Su suna ma, su yirma, ne beh tarsu tura muni ne, i ning bah ra'asa obah chiri ma nzah mani. 15 Bah na yira ne Yeso yini mun Bhaku, Bhaku ko ning ku bi, yi ku bah Bhaku. 16 Su shi'ils, su yira kpana i njele bah Bhaku pa'ana wusu. Bhaku yini njele, beh bah ningnhya ku bah njele mani ningnghya ku bah Bhaku, Bhaku ningnghya ku bi kpana. 17 Ta'ah beh mani, yi bah beh njele ma, su yira iyi bwana cheu ne su kum nghyarnghya ku duk rengchewe, cheu ne behne bah yi iham, su kpana su ham ha nzah mani 18 Ji'iri param ku njele, njele ma shimai i pir ji'iri, cheu bah ji'iri giri yi chiri, bah bang ji'iri i do'o njele bwana bwana sa. 19 Su'i pa'a njele cheu bah Bhaku yi njila su du'a. 20 Bwara na ne " njila Bhaku," imu be'ene songhi, yi bah ye'ere chewe, beh bah, na do'o mu njel songhi, bah a iyi sa. ko do'o nghi ma njel Bhaku bah wo do'o sunai sah. 21 Beh nghya lo'o su ya'ana yo bi; Bhaku bah na njila Bhaku, ko njel songhi kangngang.