NGI 5

1 1 Bwara bah na yira ne Yeso yini Kiristi abilai yo bah Bahku, bah na njila beh tarsu ko njel beh muni bah a bilai yo bi. 2 Che'u mani su shi'ila ne su njila omuna Bahku, suna njila Bahku, sumu pa'a gir bah i chiwa. 3 Mani yini njele yi Bahku; ne su pa'a, gir bah chiwa, nghya lo'oi do'o war chiri sa, 4 Bwara bah ana bilai yo bah Bahku i taghanna beh nzah mani,pah nghicewe su yi ma'ana su taghanna beh nzah. 5 Yani beh bwapinnah bah ta-ghanna beh nzah? Yini bah yira ne, Yeso yini mun Bahku. 6 Yini bah yu'ana yo bah mu'uru i shila, Yeso kiristido'o yu'ana yo mu'uru gbura sa, yu'ana yo mu'uru i shila. 7 O tarungham bah amu reng kunu, 8 Beh mbilar, beh mu'uru ke beh shila, ayira i yirya. 9 Suna ya'ana reng kun o bwapinah, reng kunu ma Bahku ghanna, beh rengkunu ma Bahku yini, i pana rengkunu ma nghyarnghya i mur muni 10 Bah na pana nghichewe i bah mun Bahku, i beh rengkunu i muri, bwara bah do'o yira i beh rengkunu bah beh Bahku pana yi beh muni sa. 11 Beh rengkunu yi mani, Bahku pana wusu njimu ma gbeng-gbi-gbeng. Beh njimu bele iku bah muni 12 Bwara bah nai beh mun Bahku i njimu, beh bah na do'o, mun Bahku sa do'o, njimu sa. 13 Ngho'ala wunu gir mani ne wu she'ele ne wu'i njimu ma gbeng- gbi-gbeng wun bah wu yira i lu'ulu mun Bahku. 14 Beh ma'a njimu bah su iyi, i muri, yini suna muna gir beh bah i njila, ko wo'o su. 15 Suna shi'ila ne, i wo'o su gir bah suna muna i bi, su shi'ila ne su kuma beh gir bah su muna. 16 Bwara na suna songhi mu pa'a gir bi'iwa bah do'o jina ma wuh sa, i nere yi Bahku ko pi njimu, mumu lo'o wo bah gir bi'iwa ya, do'o jina ma wuh sa, o gir bi'iwa bah jina ma wuh aham, mi do'o ne wu nere imur belya sa. 17 Param pa'a ngychewe yini girbi'iwa, ogina ghirbi'iwa ham bah adoi war wuh sah. 18 Su shi'ila ne bwara bah ana billai yo bah Bahku i do'i pa'a ghirbi'iwa sa, bah ana bilai yo bah Bahku obah girbi'iwa ado'o nghi ma ji'i sa. 19 Su shi'ila ne su pura yo bah Bahku, su shi'ila ne beh nzah iku bu'u bah girbi'iwa. 20 Su shi'ila beh mun Bhaku yu'ana, pana wusu she'ele ne su she'ele bah i ngyhichewe, kpana, suku bum bwara bah i nghichewe, i chiri muni Yeso Kiristi, yini beh Bahku ma nghichewe i njimu ma gbeng-gbi-gbeng. 21 Omuna mun, wu ning pim-pim i aka'a waru.