1 1 Sun beh bum njelé ba'a beh tarsu pana su, ne a yi ma su ne omuna Ɓhaku yi ma ma'ana o ba'apinah do'o shi'ila su sa, cheu sa. 2 Omu'uram, su ninghya o muna Ɓhaku, a shiham ma sɑ̃ wusu gir ba'a so ning. Beh Kristi na yu'ama so ning bene yi su suni bene ba'a i ham. 3 Ɓwara ba,a na chila i nghar nghya i mur gir ma dwah girsa kpana. 4 Ɓwara ba'a na pa'ana gir biwa do'o pa'a gir shima sa; gir bi'iwa yini sang kunu. 5 Wu shi'ila ne kristi yu'ana ne i tol gir biwa; i bi gir bi'wa param. 6 Ɓwara ba'a na ho bi ko do'o ninghyi pa'a gir bi'iwa sa, ba'a namu ninghyi pa'a gir bi'iwa do'o shi'ilai ke sunai sa. 7 Omuna mun, wu do'o ji'ingi bwara ne i lere wun sa, bwara ba'a na pa'ana nghi chewe yi ba'a na pa;ana nghi chewe yi ba'a nghichewe bene ba'a Kristi ham. 8 Ba'a na pa'ana gir bi'iwa yi ma ba'alere, cheu ne beh ba'a lere yi pa'ana gir bi'iwa yo'o chichi'i. Cheu bili yi ma'ana mun Ɓhaku yu'ana ne i biwi gir ba'a beh ba'a lere pa'ana. 9 Ɓhaku ba'a ana bilai yo'o ba Ɓhaku ko do'd ninghyi pa'a gir bi'iwa sa, cheu ba'a beh nghyah lo'o Ɓhaku ho ku bi. ko do'o ninghyi pa'a gir biwa sa, cheu ba a bilai i bah Ɓhaku. 10 Cheu mani, omuna Ɓhaku i omunaba lere a sana murya bapinah ba'a na do'o pana gir bah ma nghichewe sa do'o yi ma Ɓhaku sa, ninghya ba'a do'o njila songhi sa. 11 Mani yi beh nghya lo'o bah wu wa'ana yo chichi'i, ne su njel yirsu. 12 Do'o behne kayinu ba'a wo pura yo bah ba pa'a gir biwa ka walah songhi sa. Mani ma'ana ka wallai? Cheu bah tumu'i biwa ma songhi shima. 13 Swana, i do'o ning wo'o gir re'eshe sa, beh oba'a nzah na be'ena we. 14 Su shi'ila ne su bwa'ala wuh mashen njimu, cheu bah su njila osonghi su. Bah na do'o njila mu'uri sa, i ninghya ku chiri wuh. 15 Bah na bi'ina mu'uri yi ba'a buri, wu shi'ila ne ba'a buri do'i nyimu ma gbeng gbi gbeng ibi sa. 16 Imani su shi'ila njele, cheu bah kristi pana njimi ta'a su, su pah njimsu ta'a mu'urusu. 17 Ba'pina bah nei murum, imu sun mu'uri param i gir, i kusu njimi ma chiri, ilan bah njele Ɓhaku ko ning ku bi. 18 Omunam, su do'o pah njele ma kunnu i lasu gbura sa. Su sah ku tumu i nghichewe. 19 19 Imani yi bah so she'ele ne. Sun ma nghichewe ku dum Ɓhaku. 20 Njimsu na sana wusu ne, su pa'ana gir bi'iwa, Ɓhaku ghanna 21 njimsu, shi'ila ogir bwang. Omu'uram, njimsu na do'o sana ne su pa'ana gir biwa sa, ma'a njimsu ba Ɓhaku. 22 Gir bha suna munai, so ya'ah ku bi, cheu bha sumu war ta'a lo'oi. Sumu pa'a gir bah i njila. 23 Beh lo'oi yini su pah ngichewe i lu'ulu mun Ɓhaku Yeso Kristi. Su njel yirsu behne bah pana wusu kuni. 24 Bah na wa'ana kun Ɓhaku ko ning i yi, beh Ɓhaku kpana ko ning, i yi, cheu beh mbilar ba pana wusu.