1 Omuna, mumu nghyo'olo wunu, ngho'olo mani cheu wu do'o pa'a gir bi'iwa sa. Bwara wun na pa'ana gir bi'iwa, su'i bah ya'akunu ku bah tarsu Bhaku, Yeso Kiristi bah nghichewe. 2 Yi pana njimi cheu gir bi'iwau iwo gamur o bapinnah ma nza mani. 3 I mani, su she'ela ne su she'elai suna wara lo'oi. 4 Bah na ne i "shi'ila Bhaku" do'o wara lo'oi sɑ̄. Yi ninghya bah ye'ere chewe, beh nghi chewe param i bi. 5 Bah na wara beh nghya lo'o Bhaku i nghichewe, yi ba'apinah bah beh njele Bhaku ko bui shima, i mani su shi'ila ne su yi bhan bu'ura. 6 Bah nane i ku bah Bhaku i shen bhene bha Yeso Kiristi i mu shene. 7 Omu'uram, do'o mu nghyo'olo bha wu shi'ila yo chichi'i. Ya'ah lo'o yi bah wuwo wa'amah. 8 Mumu ngho'olo wunu piwi lo'o bah 'yi nghyichewe i Kiristi i wun cheu ne pinah i mu bo'olo, bhan imu bungwuh. 9 9 Bha na chiwa ne, bhan bungnhya ibi, iho mu be'ene songhi, i ku chiri pinah. 10 Bha na njila songhi yi chiri bungnghya bhan, ho do'o kwah sah. 11 Ba'apinah bah bi'ina songhi i chiri pinah, i mu shen i, chiri pinah: do'o shi'ila bana bha imu shen sa, cheu bah pinah kusa mishi. 12 Mumu ngho'olo wunu, o munam, cheu bha a yisa wunu gir bi'iwa wun cheu lu'uli 13 Mumu ngho'olo wunu o dah, cheu bah wu shi'ila beh bha wo, ho yo chichi'i. Mumu nghyo'olo wunu o muna sanno, cheu bha wu taghanna bah lere. Ngho'ala wunu, omun, cheu bha wu she'ela beh tarsu. 14 Ngho'ala wunu odah cheu bha wu shi'ila bhe bha i pura yo chichi'i, nghyo'ala wunu wo muna sonno, cheu ma wu'i nghyarnghya, bhe lo'o Bhaku i ba wun, wu taghanna bhe bah lere. 15 Do'o njel bhe nzah i gir bha aha nzah sɑ̄, ɓwara buh na njila beh nzah, ko do'o njel beh tarsu sa. 16 Gir bha na ha nghya nzah. mani- njel yiru, njel misu ka, tolmuru-ado'o yoh bha Bhaku sɑ̄ aha nghya nzah. 17 Beh nzah iwu gir njelai aho bo'olo. Bha na pa'ana gir bha Bhaku njila, ho ning ma gbeng-gbi-gbeng. 18 Omunamun, bhan ma marsai yi mani, behne ba'a wu wa'ana ne obah do'o yira i mun Bhaku sa a wunna, o ghamurya a yuama marsai yi mani. 19 A kwana njere yo bah su, a do'o pura wo bhasu sa. Aha pura wo bhasu aha ninghya ha bhasu. Bha a pura ma sana ne ado'o yo bhasu sa. 20 Wu kuma bha a swa'ana, yi muru yo ba'a sha mbilar. Wu shi'ila bah nghichewe. 21 Do'o ngho'ola ne cheu ne wu do'o shi'ila beh nghichewa sɑ̄, cheu ne wu shi'ila, cheu ba'a param nghichewe i do'o ho nghichewe sa. 22 Yen yi bha ye'ere chewe, yi ba'apinah bah bi'ina ne Yeso yini kiristi? Beh ba'apinah bili yi beh do'o yira i mun Bhaku sa, cheu ba'a i bi'inah beh tarsu i muni. 23 Bwara param ba'a bi'ina mun ne i taru bah na yira i mun i yira i tari. 24 Mawun, wu ji'ingi gir ba'a wu wa'ana yo'o chichi'i ining ho njimwun. Gir bah wuna wa,ana yo chichi'i na iningha hu njimwun, wo ning ku yir mun i tari 25 Gir bah yine ko pa wus; njimu ma gbeng-gbi-gbeng. 26 Ngho'ola wunu gir mani cheu bah obha ako lere mun. 27 27 Mawun beh so'o muru bah wu ya'ana yo chichi'i, ning ho bawun, wu do'o pis bwara ne i sɑ̄ wunu sa. behne ba'a a sɑ̄na wunu bhe nghichewe bwang, do'o lere sa, behne bah a sɑ̄na wunu, wu wari na. 28 Omun, wu ning ho bi na, ne na yu'ana wu kum nghyarnghya wu do'o pa'a zon sa. 29 Wuna shi'ils ne bah na pa'ana nghichewe, a bilai kpa, yo bi.