NGYI 6

1 Bwara na lina nan i bwara, i shen ban rengchewe ku dum ba rengchewe bah do pana ngichewe sa, manina i do shen bah wubah war ta'a Baku sa? 2 Wu do shi'ila sa? Wu bah warta'a Baku yako rengchewe wa wubah ramman, mani ko ma'a ka wu do ngina girshi gir bah biwa sa? 3 Wu do shi'ila sa, soi rengchewe wa wu muna tumu Baku? Rengchewe wu gir ma nchimu mani? 4 Wuna kumu rengchewe ku mur wu gir ma lina i duk i duk, mani ma'ana ka wumu war wu lo'o mani mashen dum wubah do wu bah war ta'a Baku sa? 5 Chiwa mani ne i pa'awun nzoon. Bwara bah nzor do ham ku ciriwun mo'on bah ko ngi girshi linan ku sa'aciri wu so'ogiu sa? 6 Bene bah i ham, bah warta'a Baku i mur wrchewe bah wr ta'a baku i lah rengchewe, ku dum bah do bah war ta'a Baku sa! 7 Wu do ningna shima i yirwun bah war ta'a Baku sa pana she'ele ne wu do jina sa. mani ma'ana ka a do yira i chew biwau sa? mani ma'ana ka ado yira ne a dang -ho sa? 8 Wu pa'ana wa wu bwara gir biwa wu dangna ya ya wu so'ongiwun. 9 Wu do shi'ila sa? Wu bah pa'a ngichewe sa a do kum mpuru ku lah Baku sa? Wu do pa ngicheqe i lo'o lilimsa. iwu bah pa'agung, i wu bah so'onzah pa yi gir bah idoi i nchimisa, i wu bah nong i wu maam i wu bura bah ning i wu bura, i wu bah pa'a gbomo, 10 Iwu bah nshiwi I wu bah njel ka'amurya, I wu bah nu ngari, I wu bah sa'anga, sa'anga, i wu bah ra'asa ka'ala mbwang ku ciri ya a do kum mpuru ku lah Baku sa. 11 Wu gamurwun ku ciriwun wu nah, a zusa wun, a pana wun yi Baku, a ma'ana chele wun kahkah ku dum Baku i ku ciri lu'ulu arsu Yeso mun Baku, ku chew mpilar Baku su. 12 mbwang gir shima ku bam: Do mbwang wu gir shimai sa. "Mbwang wu gir shima ku bam," mo do yerne gima suham sa. 13 Bila chew bumu bumu chew bila." Baku ko gbol ya mbwang. A do pa'ana yiru chew nong i wu maam gir biwa sa. I ku be bili, yiriu chew Tarsu, Tarsu ko ro'oso pyi yiru. 14 Baku luasa muni, yi ko lo'oso su ku nzokun ngyarnayai. 15 wu do shi'ilasa, yirwun i wu gir ma yirwun ma Baku? Wo tol wu gir ma Baku ben i bah pis wu bura? Ko do pa'a nah sa. 16 Wu do shi'ila sa? bah na bina muri i bah pis wu bura, i ningna yiri mo'ona i yi? 17 Bene bah mpuknsheme Baku chiwa ne, "Ya baring a ningna ngyam mo'on." Bah na binna muri i Baku ningna mpilar mo'oniyi. 18 Wu bang ku yo nong iwu maam,bwng chew biwa ba bapina na pa'ana kunzah i yiri ma pa'ana. Bapina bah iu mu pis wu maam pa'ana chew biwa duwa i yiri. 19 Wu do shi'ila sa yirwun lah ma mpilar ma Puhu, bah i ningna ku bumwun, bah wu kumna kuyo bah Baku? wu do shi'ila sa ne wu do ma ka'amurwun sa? 20 A ya'ana wun i gir bwana, wu lem Baku i yirwun.