NGYI 7

1 1 Ku mur gir bah wu ngwa'ala: "Bwangna ne bahbura do jik bahmaam sa,'' 2 Chew wu gir chik misu ma nong i yiru bah yara ban, i bwangna ne mbwang wu bahbur a ning i wu maam ya. Bwang wu maam a ning i wu milimya. 3 Bahbura bah lah i pi mami gir bah ningna mabi, wu maam mbwang i pi milmi gir bah ningna mabi. 4 Be yir bahmaam do mabi sa ma milmi, milmi kpana i doi ngyarngya i yiri sa maami yini iyi. 5 Wu do be'ene ben murwun sa, i ningne i yere wun mashen mu ban. Wu pa'a nah mane wu pa murwun ku lo'o nere Baku. wuna pa'a nah ka wu basa ben yirwun ne bah lere (shaidan) bi do war kwawun ne wu do tam yirwun sa. 6 Kpah ma ku mur chew wun wu gir mani ke chew ne mu rum wun, do ne ningna kukut sa. 7 Njila ne mbwangwun ka bene mi. koyen i pah yi kuyo bah Baku. Bwara i be pah mani, bwara ima mo'on gba'ai. 8 Wu bah a do rimna sa, i wu bura, mi ku mur che wun ne, i bwangna wun wu ning param reme, bene bah miham. 9 Ku be mani ana ko do ngi bol muryasa, i bwangna a reme.I bwangna ne a reme ne a pur i chew njele. 10 Wu ai reme, mimu pa wun ngyarngya lo'o do mi sa, Baku: "Bahmaam do gau yirya i milmi sa." 11 Na gawa i milmi i ning param reme ke a bunyere girshi i milmi. I ning nah,'' Milmi do gau yirya i mahmi sah.'' 12 Ku ba wu gamurwun mu mur chew wun mi, do Baku sa, so'ongiwun mo'on na i bahmaam bah do bah war ta'a Baku sa, na yira ne ning iyi, do ji'ingisa. 13 Ba maam na i milmi bah do i warta'a Baku sa, na yira ne a ning iyi a do gau yirya sa. 14 Baura bah do ya'ana Bakusa ningna bah a chihai ku chew maami, ku be bili bamaam bah do pana ngichewe i Baku sa a chihai ku chew milmi bah warta'a Baku. na do nah sa, wu munwun ko do ninfg wu bah Puhu nchimu sa, ma ngichewe ya wubah a tana kama ya. 15 Mwan remeu bah do bau war ta'a Baku sa na pura, a ji'ini ne i kwanjerei. ku bene bili, so'ogo ke sa'ango a do kuraya kumur lo'o reme sa. Baku tu'ula su ne su ning shima. 16 We bamaam a shi'ila ne keweni ko ra'asa milmo? Ke we babura a shi'ila ne ke weni ko ra'asa maamo? 17 Mbwang a pa'a bene bah baku ma'anai bene bah Baku tu'ulai, mani yini ningna gir pa'a wu bah lem Baku. 18 Bapina wo yira suhi ka a tu'ulai ne i pah ngichewe? i do pis yer suhi sa. Na yira suhi ke na doh yira sa do ningna ne i yer sa. 19 Bah Yer suhu, param yer suhu do gima sa, warta'a kukut Baku. 20 Mbwang su ning ku mur gir bah Baku tu'ula su ne su 21 Na tu'ula we ne ning korom, mi do suhu nchimo sa. A na ngi kum ningya ka'amuro, wo kumu. 22 Bah Baku nawo tu'ulai bah i wo korom, ningna yangna muri kuyo ban tu'ulu mashen pa ngichewe, yini korom ma Almasihu. 23 A kurawun i wu gir bwana, wu do ning korom wu bapina sa. 24 Wu swana, i mbwang ningya ba suwo ham ku ban bah a chu'ula su mashen pa ngichewe, su chele nah, su ning I Baku 25 Chew wu maam ba ado rima sa, mi do i lo'o gima Tarsu sa, mu mur lo'o bene bah Baku yira iyi, chew girshima Baku. 26 I bwangna ne bapina i ning gbura, chew beh wu gir ma limishiu bah i mur zuk pwer. 27 A kurawe i bamaam? mi do pis yangna muro ku bi sa. A do kura we i bamaam sa? Do pis yah bamaam sa. 28 Wa ya'ana bamaam a do pa'ana chew biwa sa. Bamaam bah doi reme sa na rima do pa'ana chew biwa sa. Wu bah ai reme ko ya'a chiri bwana, njilagauwun i ya. 29 Mani mimur lo'o wun swana: Ban bwa'ala, kuyo mani, wu bah ai wu maam a pa'a girya bene a do iyi sa. 30 Wu bah zolo a ning bene a do zwala sa, wu bah bwangna nchimya, a pa'a bene do bwangna nchimya sa, Wu bah kur ka'ala pa'a bene wu bah a do i gima sa. 31 Wu bah amu pa'a gir i nzah ban a pa'a bene a do pa'ana gima iyi sa, chew ma wu ka'ala ma ramman imu mur shen marsai. 32 Njila ne wu ra'asa yirwun kuyo gir tuwo'o nchimu bwana, Bapina bah doi reme sa imu re'eshe wu gir ma Baku, bah ko ma'a i bong nchim Baku. 33 Bah nai reme imur re'eshe wu gir ma ramman, wu gir bah ko bong nchim maami, 34 Ko gau muri. Bamaam ke musari bah na do rima sa imu re'eshe gir bah ko bong nchim Baku, ko tam ka'amuri i yiri i mpilar. Bamaam bah i reme imu re'eshe wu gir ma ramman mani, i njel pa'a gir ba ko bong nchim milmi. 35 Mi mur chew wunu wu girmani ne i girshi ningya wun, do ne mu [agnwun sa. chiwa wun kumur gir bah i kahkah, mane wu war ta'a Baku wu do gau nchimwun sa. 36 Kpah ma mu mur re'eshe ne i do mur pa'a gir kahkah yi musarih sa, na bwa'ala ba'a ma remei nah na ningna gbah, i pa'a gir bah i njila, Do pa'ana chew biwa sa. A reme. 37 Na chila i ngyarngya ku nchimi, na do mu su'uri sa, i bwala ka'amuri, na twala ku nchimi ne i pa'a nah, i chikna tam musariyi bah bwala buhi, i pa'ana kahkah. 38 Ku chew bili, bana na ya'ana musariyi pa'ana kahkah bah na twalane i do remsa bongyo gana. 39 Bamaam a kurai i milmi na i nchimi. milmi na wuna, ko ngi rem bah na njila, i ning bah war ta'a Baku. 40 I sunam ko bong nchimi na ningna nah. Mumur sunu mi i mpilar Baku.