NGYI 5

1 Su wa'ana ne wu mur pa'a gir biwa ku ciriwun, gir ma iwai bah a do yira iyi ku ciri wu bapina. Beh lo'o bah wa'ana yini, bwara ku ciriwun i mur nong i maam tari. 2 Wu mur ngya kwa'awun bwana! I do ningna gir suhu nchimwun sa? Bah na pa'ana be gir mani a pur iyi mgbah ku ciriwun 3 Mi do i wun ku yiru sa, mi iwun ku mpilar, pana ciri yi bah pa'ana be gir mani, mi ku banai. 4 Ku ban bah wuna binna muru ku lu'ulu Tarsu Yeso, mpilar yam iwun i ngyarngya Tarsu Yeso, pana chiri yi be bapina mani 5 Pa'ana nah ne mu pih shaidan be bapina ne i wol yiri ne mpilar yi ta bishing ku duk Baku 6 Ngya kwa'awun do bwagna sa. ke wu do shi'ila sa ngya'a yisti mo'on yini tuwo'o wu gamurya mbwang? 7 Wu girshi ningya wun kuyo yisti ma ya'ai ne wu ning yisti ma piwiy, fo'ofo bah i do i yisti sa. A yira Yeso mu gam ma "Idi." bah a kpangnai. 8 Ku be mani su pa'a idisu do i ya'a yisti sa, yisti ma shimai bah i doi nzuang sa. ku nzokun mani, su pa'a idisu i fo'ofo bah doi yisti sa, baha a pa'a gir kahkah i ngichewe. 9 Ngwa'ala wunu ku mpuknsheme ne, wu do pa'a mwan iwu bapina bah pa'a chew biwa sa. 10 Mi do mur lo'o ku mur wu bah pa'a biw ma nah ban mani sa, ke wu bah wa'a i kuru, ke wubah dang wu bapina, ke wubah so'onzah payi gir bah idoi i nchimi sa, wu gau yirwun iya wuna ji'inga beh nzah ban mani. 11 Mi mur ngyo'olo wun mani ne, wu do ben murwun i wu bah amu tu'ulu ne so'ongiwun, a ningna ku ciri chew biwa ke ya'a i kuru, ke so'onah pyi gir bah ido i nchimisa, ke bah pis chewe, ke bah nu ngari, ke bah ra'asa ka'ala, wu bi do li billa i bapina mani sa. 12 Mo pa'alan ka mu rengchewe wa wubah a doi war ta'a Baku sa? Ku mur bili do wun wo rengchewew wa wuba war ta'a Baku sa? 13 Baku yi ko rengchewe wa wu bah aku nzah,"wu pur i bapinaa bah nzwang ku ciriwun.