1 1 Wu warsu nah, bene wu korom Kristi i wu bah bol gir swarmai ma Baku. 2 I ku mur mani a njila wu bah tumu ning wu bah ngichewe. 3 I ku bam ningna gir muzuhi bah wu reng yam chewe ku lah rengchewe wu bapina. Mo do reng yi ka'amuram chewe sa. 4 Do shi'ila ne ke wui sa'anga ku uram sa. Bili do ma'ana ne mi do i chew biwa sa. Baku yina bah reng yam chewe. 5 Ku be mur mani, wu do yer rengchewe bah bolo do'o sa, bah Tarsu shi ham mayo. Ko fa'aha wu gir bwang ma pina, ko fa'aha wu gir bah aku nchimu ka wu bapina mbwana ko kum lem kuyo ba Baku. 6 Wu swana, mi wara gir mani i ka'amuram i Afollos chew wun, bah kuyo nzo kunsu wo ye'ele ka'amur lo'o mani ne, "Wu do bo'olo gir bah a ngwa'ala sa." i ning nah mane bwara ku ciriwun ngya ku'i ne yi gana bwara sa. 7 Yeni suna gau muru ku ciri wun? Mani bah wuiyi bah ado panawun sa? Ana panawun mani ma'ana ka wu mur ngya kwa'awun bene do naa sa? 8 Wu kumna wu gir mbwang bah wu njila! Wu ningna wu bah murum! wu paha ku mur wu bapina do i su sa! Mimu chewun, njere yam yini musun wu ning na ku mur wu bapina ne su ning i wun. 9 I ku sunuyam, Baku ma'ana ne su ning ku ciri wu bah ma marsai bene wu bapina bah a pana wa kunu ne a wolya. su ningna gir sunu kubeh nzah ban, ku bah wu muna tumu Baku i ku bah wu bapina kpah. 10 Su ningna mgbuchuk chew Kristi, wu ningna bah nzor ku bum Kristi, su wuhna yirsu, we a ngyarngya. A mur sunsu do gima sa, amur sun wun gima. 11 Ku mayo bolo mani, sui nzala, i was mu'uru, so doi twan ma shimai sa, su ya'ana ngya ma biwai su ningna param lah. 12 Su suna chir bwana sumur pa'a tumu i buksu. Wu bah na sa'anga su sumu pawa kunu ma shimai, ana panasu chiir sumu dang nchimsu. 13 Ana sa'anga su sumur lo'o i bol mursu. A twalasu bene tatuk ma nzah ban i wu gir ma biwai mbwang. 14 Do ngwala wu gir mani ne mu pawunu nzoon sa, ne mu girshi wun bane wu munam bah njila. 15 Wuna i wu bah tumu banchihi lum ku bum Kristi, wu do i wu taru gbe'e sa. mini ningna tarwun ku bu Kristi Yeso ku chew lo'o ma bong wo'o. 16 Ku chew mani mi mu tu'ulu wun ne wu ning wu bah sah imi. 17 Yini ma'ana chura Timoti mashen bawun, bah njila, yira iyi munam ku bum Tarsu. Ko re'eshe wun wu njere ku bum Kristi,bene bah mi ku mur sah ku ramman mbwang i wu ban lem Baku. Ku be mani, wu gamurwun ningna wu bah ngya kwa'awun, amu pa'a bene mo do yo bawunsa. 19 Mo yo bawun ko do bolban sa Baku na yira. Mo she'ele gan chew wu bah ngya ku'u, mo sun ngyaha ya. 20 Chew lah Baku do ningna lo'o nah sa, i binna i pa ngyarngya. 21 Wu njila mani? muyo bawun i gara ke njele i Mpilar ma nong i muru.