1 Mi i wu swana, mo do ngi lo'o i wun bene wu bapina bah mpilar sa, mo lo'o i wun bene wu bapina ma yiru, bene wu muna pila'a ku bum Kristi. 2 Pana wun mu'uru suha do ngyam sa, chew bah wu do jina she'e ngyam sa, mayo lina mani wu do jia she'e ngyam sa. 3 Mayo lina wushi ningna ma yiru. Chew bah wumu chik mishu iyirwun. wu gauna yirwun, wu do bah yiru sa, wumur shenshene i gir mah mawun bapina? 4 Chew ma bwara na chiwa ne miku nzum Bulus,'' bwara chiwa ne "miku nzum Afillos.'' Wu do ningna mawu bapina sa? 5 Yeni Bulus yeni Afollos? yani bah wu pana ngichewe ku nzo kunya, bwang ya Baku pana wa tumu. 6 Mi billa, Afollos swa'ana mu'uru, Baku yi ma'ane ne i gulu. 7 Ku chew bili bah beleh i bah so'o mu'uru do gima sa. Baku yini ba ma'ane i gulu. 8 Bah biele i bah so'o mu'uru tumu ya mo'on, bwang ya ako kum mgba'aya kahkah i tumu ya. 9 Su wu mwan tumu ma Baku, wun suwa ma Baku, ba'a ma Baku kpa. 10 Ku mur gir shima ma Baku ka a panam bah ngi ba'a, mi chiha ta'alah, bwara kumur ba'a ku muri. Wu bapina mbwang she'ele beh ba'a bah aku mur ba'a. 11 Bwara ko do ngi chik ta'a lah gba'ai i bah a chikna sa, yi beh Yeso Kristi. 12 Bwara na ba'ana lah ,"Zinariya, ke Azurfa, ke wu tah ma shimai, ke nguni, ke to'oh ke tuhklum, 13 Tumu ko pur ku missa, duhi ko puru a ko sunu A ko pur iyi ku bum bisa. Bisa ko mah tumu wu bapina bwang bah a pa'ana. 14 Bah tumui na chila ko ya'a kurui, 15 Bah tumui na lina bisa ko sun chiri, iko kum puru bene lele lu'ura ku ciri bisa. 16 Wu do shi'ila ne wuni ban ningya Baku sa, mpilar Baku ningna ku bumwun? 17 Bwara bah na tuwa'ana ban ningya Baku, Baku ko tuwo'o beh bwara. Ban ma Puhu yini ban ningya Baku. Wu bene bili. 18 Bwara bi lere ka'amuri sa. Bwara ku ciriwun na suna ne yi bah nzor ku beh je'eh mani, I pi'iri ning "mgbuchuk" ne i ning bah nzor. 19 Nzor ma ramman mani yini mgbuchuk ma Baku. Ku ngyo'olone, "i bol wubah nzor i ku fa mishya." 20 Ku mayo lina, Baku shi'ila bum nchim wu bah nzor do gima sa." 21 Do i gamurngya ku'u ku ur wu bapina sa! chewma wu gir mbwang mawun, 22 Ke Bulus, ke Afollos, ke Kefas ke nzah, ke nchimu, ke wuh, ke wu gir ma lina, ke wu gir mawuna. Mbwang mawun, 23 Wun ma Kristi yi Kristi ma Baku.