NGYI 15

1 Wu swana mumur re'eshe wun i mani chewbeh lo'o ma shimaiba chiwa wun, wu ya'ana, wa ku mur war chi'i. 2 Chew beh lo'o mashimai a ya'ana buk wun, wu na bwala beh lo,o shima, wu do pana ngichewe ku muri muri sa, 3 Pana wun beh gir mani bene ba wo pana wun duwa bene bah wo ya'ana,ne Almasihu wuna chew gir biwa su bene bah wu mpuknsheme a lu'ana. 4 Ne a lissai, ka lu'ana ku nongyo ma tarung, bene bah wu mpuknsheme a lu'ana. 5 Pak pura yi Kefas ka wu lum kuni baring 6 Ka basa pura ku mish wu so'ongiu bah gana lum lum mgba'a tongnung mgba'a mo'on, wu gina ya a shi ham i mani, wu gina ya nwangya tolong. 7 Ka basa pura ku mish Yakubu, ka wu gamur muna tumui. 8 Ku malai bwang, yopura ku misam, bene mun bah do jina sa. 9 Chew bah mi muzuham ku ciri wu bah pah lo'o Baku,mi do jina bah a chew ne mi bah pah lo'o Baku sa, chew bah mi pana chiri wa wu bah war ta'a Baku. 10 Chewbeh nzoh Baku nga ningna bene mani, nzoh Baku bah pa'anam do ningna gbura sa, yo gana yabong i tumu, do mi sa, chew nzoh Baku bah i ku nchimam. 11 Na naa ke na do naa sa, sumur pah wun lo'o Baku wu mur pah ngichewe. 12 To ana ne a mur lo'o ne Almasihu lu'ana ku yo wuh, man pa'ana wu gamurwun a chew ne la'ahun yo wu param? 13 Wunane bah wuh a do la'ahun sa, wu njila chew yam ne Almasihu do lu'ana sa. 14 Yi Almasihu na do lu'ana ku yo sa, lo'o lo'oi bah su mur lo'o gbira, Pah ngicheweu gbirai kpana. 15 Ko ning su lu'ana lilim yi Baku, bah su chiwa ne Baku yi chiwa ne lu'ana i Yeso ku yo wuh, ma do lu'ana i yi sa. 16 Wu bah wuh ana do lu'ana sa wu bah wu a do la'ahun sa. 17 Ana ne wuh bah wuh a do la'ahun sa,do Kristi bah a lu'ana iyi sa, ngichewe ngyo ka ningna gbira saa ku ciri girbiwa. 18 Na naa ma su wu bah a nwangna tolong ku ciri Almasihu ma a do la'ahunsa. 19 Ka ma'anchimsu ku ciri Almasihu yi kum nchimu naa, sa ningna gir sun chiri. 20 Ma ngichewe a lu'ana i Yeso ku yo wuh, yi bila ma mo'on ba pak nwangya tolong. 21 chew bah be wuh pura yo bah bapina, La'ahun wu bah wuh ko pur ku yo ba bapina. 22 Bene bah a wuhna chew Adamu, chew Almasihu ko yen ko pa'a nchimi. 23 Kpama a war ta'a yiru mo'on mo'on, Almasihu yi beh bila ma mo'on, kah duk bah a bunyere wu bah a ma Almasihu kpah. 24 Ko ning ku marsai bah Kristi ko pah beh lah Baku yi Baku Tarsu. Ku bari bah ko zus wu bah pa'a mulki i wo ngyarnya. 25 Ningna ne ko yo pa'a mulki ko yo dangar wu bi'inai. 26 Biwa gir bah a zusu so'o to'o kpah yin wuh. 27 "Yi su'ana ko manku bah mgbi'i." Kpah ma na chiwa ne, "su'ana wu gir bwang." Mani a shi'ila ne a do bu'ura wu gir ku muri sa. 28 Ana chiwa ne wu gir bwang a ku buhi, to yi beh muni i ka'amuri , ko ning ku buhi, yi bah i chiha be gir ku buhi,mani ko ning ne Baku Tarsu yi ningna wu gir bwang,bwang. 29 Na do na sa maa man pa'ana a pa'ana wa Baftisma wa bah wuh, ana ne wu bah wuh a do la'ahun sa. man yi ma'ana a pa'ana baptisma wa gamurya chew bah wuh. 30 Man yi ma'ana mi ku ciri pe'e nchimam boro duhi duhi. 31 Ngichewe wu mu'uram, Mumurngya kwa'am i Almasihu Yeso Tarsu, Duhi duhi nga ji'inga nchimam yi wuh. 32 Ana war bene ma bapina, gbwala i wo ngyam to'o ku Afisus,man bah mo kum ku muri ana ne lahun wu bah wuh param? "bah su ning ku nda li i nu chew bah liwi so wuh." 35 Wakili magina ka mwe, ai pa'a lan ka a la'ahun ku wuh? Ai pur i beh yirya lani? 36 We, bah a do shi'ila gimasa, gir bah ana billa ko do sa'a sa, she na wuhna. 37 Gir bah ana billa do yi gir bah koyo puru sa, ngya'ali maAlkama ke ko ngya'a bell man. 38 Baku yi ma'a beh ngya'a belle i ning bene bah njila ne i ning. 39 Ngyam yirsu do mo'ona sa, wu bapina i maya wu ngyam to'o i maya, wu ngyiling i maya, wu nshi i maya. 40 A pa'ana wu gir ma kalang, a pa'ana wu gir ma nzah,a tuwala gir bah a pa'ana ku kalang langya langya, ma nzah kpana langya langya 41 A twala kahkah ma missa i kahkah ma zungya i kahkah ma wu lewer. wu lewer a do kahkah sa wu gina a gana wu gina kahkah. 42 Ko ning bene mani i wu bah a la'ahun ku yo wuh, a belya ku ciri rumu, a la'ahun i ya ku ciri param rumu. 43 A do ibellekuciri gichewe sa, ai la'ahun kahkah, ai bell ya ku ciri ngyarngy param, a la'ahun ku ciri ngyarngya. 44 Ai belle i yiru ma bapina, ai la'ahun iyi i yiru ma mpilar, Yiriu ma bapina i ham, yiriu ma mpilar i ham 45 Bene bah ngwa'ala, "Bapina ma mo'on, Adamu, ningna i nchimi ku ciri wu bapina," Adamu ku malai yi mpilar beh bah i ham. 46 Do yi mpilar bah pak pura sa, ma bapina,ku yo nzum ka mpilar. 47 Bapina mamo'o pura ku yo nzah tuntun nzah, bapina ma baring pura yo kalang. 48 Bene bah pura ku yo ntun ntun yi ma wu bah ntun ntun, bene bah yi ma kalang naa, wu bah ma kalang a bene bili. 49 Bene bah a pa'ana su ngya'anzah ntuntun, a pa'asu i gir ma kalang. 50 Mu mur chew wun wu mu'uram, ko do bong sa yiriu ma ngyam i shila i kum mpuru lah Baku, beh bah yiriu ma rumu ko do kum mpuru ma rumu sa. 51 Njila mu chew wun gir ma swarmai, do bong su bah so nong tolong sa, yi ma bong su a pirwi yirsu. 52 Gba'a mo'on i kelep i mishu, ana wo'o tong feh ma marsai, ba yon tongyo, a la'ahun i wu bah wu bah a do ruma sa, a pirwi sunu yirya. 53 Bah i doi rumu sa ko gan mur bah i rumu, be bah i do rumsa ko gan mur wuh. 54 Beh bah i doi rumu sa na gana mur bah rumu, bah i doi wuh sa ka gana ba i wuh, yima beh lo'o bah a ngywa'alai ko rusa, ba, chew ne, a swa'ana to'o i wuh bah a tah gana muri. 55 We wu a ya tahgana ku he? We wuh beh girshima ngyo ku he? 56 gir ba war wuh yi girbiwa, rengchewe yi gishi ma'a girbiwa. 57 Bwata yi Baku ba yi ma'a su tahgana ku bah Tarsu Yeso Almasihu. 58 Bene mani wu swana bah su njila yirsu, wu chele mgbeng mgbeng, wu mur ngyarngya yirwun ku tumu ma tarsu duhi duhi, chew ba wu shi'ila ne beh tomu ba wu mur pa'a do gburai sa.