1 I mani ku chew ben wu gir wa wu bah warta'a Baku bene bah pana kun wa wu bah lem Baku ku Galantiya,, wu pa'anah. 2 Ku duk ma mo'on ku "sati" mbwang wun wu ma'a gima, i mur ben ku yo ngyarngya bah wu iyi. wu pa'anamane wu do tam ne mahiyo ka wu tof sa. 3 Na ywana, mo chur wu bah wu yira i ya i mpuknsheme ne a shen pa ku Urushalima. 4 Ku nzum bili na suna ne i bwangna ma shen, ka a shen i mi. 5 Mo yo bawun na pura ma Makidoniya. chew bah moh pur ma Makidoniya. 6 Magina moh yo ningyi bolban ku bawun mashen beng, mane wu jenta'am ku shen ban bah mu shene bwang. 7 Doh njila yo sunwun ma bolo chige'e sa. Njila bol ban bwanai wun, Baku na yira. 8 Moh chele ku Afisus mashen duk Fentikos. 9 A fanam kun ka'ana bwana wu mwan bura bwana. 10 Timoti na ywana, wu ma'a ne i kum yangni ku chiriwun, chew bah imu pa'a tumu Baku bene bah mimu pa'a. 11 Bwara do sheshi sa. Wu gau yirwun iyi shima, mane i bunyer mayo bam, chew bah miku mur so'ongisu. 12 Ku chew so'ongisu Afollos panai ngyarngya ne i shen sunwun iwu so'ongisu. I do njila yo ku mani sa. Ko yo tu'uli na jina. 13 Wu ning miswun baring, wu chele i Wu ning miswun baring, wu chele i ngyarngya ku pahngichewe, wu pah nchimwun ma babura, wu ngyarngya nchimu. Gir bah wuna ku pah bwang wu pi'i ku bum njele. 15 Wu shi'ila na wu bah lah Sitefanas yani pakah pah nchimya ku Akayas, ka a basa pana murya ku pa'a tumu wa wu bah war ta'a Baku. mi mur nere wun, wu swa'ana, 16 Wu mah murwun i wu Bapina bwang bah a mu jenchi'i ku tumu, i bah na mu sun chiri i wun. 17 Bwangna nchimam i yo ma Sitefanas, i Fartunatas, i Akaika. A panawun gir bah wu sahya. 18 A luasa milar yam i mawun. Ku chew bili, wu Jentah wu bapina bene bili. 19 Wu lem Baku ma nzah Asiya amu za'ara wun. Akila i Bilkisu i wu bah war ta'a Baku bah a kamna murya ku lahya amu za'arawun ku bum Baku. 20 Wu so'ongisu bwang bah warta'a Baku a mu za'ara wun. Wu za'ara i yirwun i nuh kunu mah Puhu. 21 Mi Bulus mini ngwa'ala i buham. 22 Bwang bah na doh njila Baku sa i ning bah a panai kunu ma biwai. Baku yoh! 23 Beh njele ning i wun bwang ku bum tarsu Yeso. (inah)