1 Ka'ara pe'e njele ne a ma'a nchimo i pah mpilar, ne i ning ma sun duwa. 2 Yi bah lo'ana i lassu gba'ai do lo'ana i wu bapina sa kpah ma lo'ana i Baku. Bwara do shi'ila gir bah i mur chewe sa, chew bah i mur lo'o swarma gir ku ciri mpilar. 3 Kpah ma bwara bah na suna duwa i lo'o wa bapina ne ka ma'aya i li duwa, pahya ngyarngya, i so'opolo nchimya. 4 Bwara bah i lo'o lassu pa'anai ka'amuri, kpah ma bah i sun duwa i pah li duwa ku ka'ana Baku. 5 I mani njila ne bwang wun wa lo'o i lassu. Kpah mah i gan nah, njila ne wa ku lo'o chew sun duwa. Beh bah sunduwa gana ba lo'o i lassu (she ma bwara na pirwi beh lo'oi ne wu beh ka'ana Baku a liduwa). 6 Kpah ma i mani, wu swana, na ywana mu mur lo'o wun i lassu, man bah wo she'ele ku banai? Mo do ngi sa, na lo'ana ku ciri loro, she'ele ke sunduwa, ke sahsah. 7 Wu ka'ala njele bah na do i nchimi sa imu pur i jimmu bene wu "sarewa i algaita ana do pura i jimmya maganai sa, ko pa'a lan ka bwara ko she'ele beh jimmuh bah ''sarewa i algaita a mu pur iyi? 8 Ana twangna feh i ka'ala njele bah doh bwangna wo'o sa, ko pa'a lan ka bwara ko she'ele bolo bah ako girshi ka'ala mashen nda lwa bura? 9 Inah i wun. Wuna doh luana lo'o bah i ka'amuri sa, ko pa'alan ka bwara ko she'ele gir bah wu luana? wo ninghyi nda lo'o bwara do do she'ele gir bah wumur lo'o sa. 10 Doh lilim sa,wu lassu ham bwana ku nzah ban, mbwang a shima. 11 Na do shi'ila lassu mo'on sa, mo ning bahbiri kuba bah mur lo'o, bah mu lo'o ko ning bahbiri ku bam. 12 Inah i wun. chew bah wu ma'ana nchimwun ku pah ma mpilar; wu ngyarngya yirwun i lih duwa ne wu bah lem Baku kum she'ele bwana. 13 Bah namu lo'o i lassu i nere Baku ne i ngi fa'aha be lo'o 14 Na kusa misam i lassu, mpilaryam kusa mishi, ka she'ele yam do bwana sa. 15 Man ma mu pa'a? mo kusu misam i mpilar yam ko mu kusu misam i she'ele. mo mah njele i mpilaryam, ka mu ma'ah i she'ele. 16 Na do nah sa, wa lemna Baku i mpilar nah, ko pa'alan bah iku nza ko cewne "INAH" ku mur bwata ba wumu pa'a na do wa'ana gir bah wumur chewsa? 17 Ngichewe a bwata bwana be bwara doh lina duwa sa. 18 Bwata yi Baku luana i lassu gana wun mbwang. 19 Ku mur bili i ciri wu zam bah wartah Baku mi njel ne mu lo'o i ngya'a lo'o tongnung ma she'ele chew pah ngyarngya wa wu gina bah ko gan wu bah lassu ban chihi lum. 20 Wu swana, wu do ning wu mun ku re'eshe sa, na ku chew pa'a gir biwa, wu pa'a nchimu mawu mun, iku re'eshe wun wu ning bwajeh. 21 Iku ngwo'olo ku rengchewe ne," mo lo'o i wu bapina mani mo pa'a tumu i wu bapina bah ai kumu ma lassu, i nguh kunu. Na pa'ana nah a doh wa'am sa," Baku yini chiwa. 22 Wu lasu a ku mur gir bah koyo. doh ku mur wu bah pana ngihewe sa, i ku bah koyo, doh ku mur wu bah pana nngichewe sa, iku bah wubah do pana nngichewe sa. loro ningna gir bah koyo kumur wu bah pana ngichewe, do chew wu bah doh pana ngichewe sa. 23 Ku chew mani wu bah warta'a Baku na binna murya bwang ya amur lo'o iwu lassu wu gamurya bah aku nza i wubah do pana ngichewe sa a bwara a do chew ne wu bangna mi sah? 24 Mbwang wun namu sun duwa, bwara bah na doh pana ngichewe sa ke bwara kuyo nza bwara, ko do she'ele be lassu sa. A kpo pa'a yi chiri kumur be lo'o, 25 Wu gir swarmi ma nchimi ko puru. kuru mgbi'i yini i kwa lem Baku, ko lo'o ne ma ngichewe Baku yini i wun. 26 Mani yirai wu swana? Wuna binna murwun bwara i ma'a nshele lem Baku, bwara i sahsah, bwara i sunduwa, bwara i lo'o i lassu, ke i fa'aha be l0o'o wu pa'a gir mbwang ne wu bah lem Baku li duwa. 27 Bwara na luana i lassu, i ningne wu bapina ku tarung ku ciriya, a pa'a mo'on ku nzum mo'on. Bwarafa'aha be lo'o. 28 Ana doh kumna bwara bah i fa'aha be lo'o sa, mbwang ya a ning checheh ku ciri wu bagh lem Baku. Bwang ya a lo'o yi ka'amur ya ku lah yi loi i Baku. 29 Wu bah sunduwa baring ke tarung a lo'o wu gamurya a mah be lo'o sunu. 30 Ana pana yi bwara bah ningna ku be ban lem bah na kumur lo'o mayo bolo bili ning checheh. 31 Mbwang wun wo ngi sunduwa mo'on ku nzum mo'on, ne mbwang wun wu kum she'ele a kum pah ngyarngya. 32 Wu kpilar wu bah sun duwa a ki ta'a wu Bah sunduwa. 33 Chew bah Baku do Baku ma lilim sa, yini bah pah ningshima. Inah ku mbwang banlem Baku wu bah pa ngichewe. 34 Wu maan ning checheh ku ciri wu bah lem Baku, chewma a do panawa kunu ne a lo'o sa. Ku chew bili a ning wu bah pa murya bene bah Kukut chiwa. 35 Gima na ham ma a njila she'ele, a mwe wu milimya ku lah. Chewma ningna gir nzoon bamaam i lo'o ku ciri wu bah lem Baku. 36 Ku yobawun ka lo'o Baku yuana? ke ku bawun nah ma yuana? 37 Bwara na mur sun ne yi bah sunduwa, ke bah mpilar, i she'ele, be gir bah mumur ngwo'olo wun pah kun kuyo bah Baku. 38 Bwara na do ma'ana nchimi iwu gir mani sa, wu doh ma'a nchimwun iyisa. 39 Ku chew bili, wu swana, wu chi nchimwun bwana ku sunduwa, wu do lel bwara i lo'o i lassu sa. 40 Wu pah wu gir mbwang ku njere bah bwangna bene bah a pa'a.