1 ke na ningna ne mumur lo'o i lassu wu bapina, i ma wu muna tumu ma Baku, mina do i njele sa ningna bene bolo bah mwara jimi ke kingang bah buana. 2 Ke ningna ne mi nzor ma sun dwa i mka she'ele wu ngichewe ma swarmi i she'ele mbwang, ke mi pahngichewe bwna, bah mo ngi ma'a tah ku ji'ingi ban ninghai.Na do i njele sa mi do gima sa. 3 Na ningna ne pana wu ka'alam mbwang ne a lih iwu bah sahya, ka basa pana yiram ne a tono. Na do i njele sa, do kuma kumurisa. 4 Njele i dang nchimu, i ma'a muru, njele doh i chik misu ke fah ku'u sa. Njele ido tol muru sa. 5 Doh pis chewe ke njel ka'a muri sa. Do i suhu nchimi chichik sa, do i hik wu gir biwa bah a panai ku nimi sa. 6 I do i bong nchimi i gir biwa sa. ku chew bili i bong nchimi i wu gir ma ngichewe. 7 Njele i ngyarngya nchimu wu gir mbwang i pah ngichewe i wu gir bwang, i yer iwu gir bwang, i kur nchimu i wu gir mbwang. 8 Njele do i malsa. sunduwa na ham i koyo malah, ko bo'olo. Lasu naham, ako borso.She'ele na ham, koyo bo'olo. 9 Chew ma sui she'ele kalang kalang, sui sunduwa kalang kalang. 10 Bah kahkah na yuana, bah do rusa sa ko bo'olo. 11 Mi wu bwamun, mi lo'o ma musono.Yo ningna bwajeh ka ji'inga wu gir ma musono. 12 I mani sumur sun kalang, sumur sun kalang kalang bene gir sun misu duhi ko nong misu i misu, imani she'ele yam iku kalang kalang, ku duhi mo kum she'ele bwana. 13 Iku mani wu gir tarung man ning: pah ngichew i ma'a nchimu i njele ma mori ku ciriya mbwang yini njele.