NGYI 12

1 Ku mur wu pah ma Puhu mpilar wu swana, doh njila ne wu ning ku pina sa. Wu shi'ila ne bah wo do ya'a Baku sa, a lirawun baku bah doh i lo'o sa ku njere bwana bah doh ngichewe sa. 3 Ku mur bili njila ne wu she'ele bwara do ham bah i lo'o i mpilar baku bah ko chewne, Yeso a panai kumu ma biwai sa," Bwara doh ham bah ko chewne "Yeso yini Tarsu." Puhu Mpilar yini ko pa'a bili. 4 Wu gir ma a pahna a bwana, mpilar mo'on. 5 Wu gir ma a pa'a ham bwana Baku mo'on. 6 Wu tumu ham bwana, Baku mo'on yin rum wu bapina i gir bah aku pa'a beh tumu. 7 A pana kun ne mbwang a rum tumu ma mpilar ku nza ne i ning gir tumu yi bwnag. 8 Ku bah bwara ku chew mpilar a panai nzor, bwara na she'ele ku chew mpilar mo'on. 9 Bwara a panai pangihewe ku chew beh mpilar mani, bwara a panai sh'ele ma ma'a shima yiru ku chew beh mpilar. 10 Bwara a panai pa'a gir i ngyarngya mpilar, bwara sunduwa. bwara ma she'ele wu mpilar. bwara a panai ma lassu bwana, bwara ma she'ele wu bah lassu. 11 Bwang ya mpilar mo'on yini pa'a tumu iya, yini ga'awa wu gir wa mbwang bene bah yi njila. 12 Bene bah yirumo'on, wu gir ma yiru bwana mbwang wu gir ma yiru mo'on, Yeso bene bili. 13 Ku mpilar mo'on ka a dangna mbwang ku mu'uru ku bum yiru mo'on, ke wu munamun, mbwangsu a nuna isu i mpilar mo'on. 14 Yiru doh jimi mo'on sa, wu gir ma yiru a bwana. 15 Mgbu'u na chiwa ne "Mi do buhu sa gima doh binna mi i yiru sa." mani doh yira yi ban ningyai ku yiru sa. 16 Bumburu na ko chewne, "Mi doh misu sa, mi do ku ciri wu gir ma yiru sa." na chewa nah ko doh mi'i idoh ning ku ciri wu girma yiru sa. 17 bwang yiru na ningna misu ka a wo'o lo'o? bwang yiru na ningna bumburu, iman ka a wo'o ngis ban? 18 Baku pa'ana wu gir ma yiru i tumu ya. 19 Yiru ka gir mo'on mbwang, beh yiru ka ning lan? 20 Wu gir ma yiru bwana, beh yiru mo'on. 21 Misu ko doh chew yi Baku ne, "Doh njila we sa." ke ka'amuru ku chew yi mgbu'u ne do njila wun sa." 22 Wu gir ma yiru bah ai sun bene ya doh gima sa yani bah ai tumu, wu gir ma yiru bah sui sun bene a shiuna ku ciriwu gamaurya sa, sui lem ya. 23 Inah iwu gir yiru bah a doh bwangna sun sa, ai ma'a ya ne a bong sunu, wu gir yirsu bah a bwangna sunu a do basa pa'a yi gir sunu sa. 24 Baku yini binna yiru girai, i lem gir ma yiru bah a doh sunai ne yi gima sa. 25 Pa'an nah ne a doh mum sa'anga muru ku ciriya sa,ne wu bah gir ma yiru a chiktama yir ya i chik misu ma ngyarngyai. 26 Beh gir ma yiru mo'on na kumu sun chiri,mbwan wu bah gir ma yiru amu sun chiri, Ke ana limna mo'on gir ma yiru, wu gamurya ko bong nchimya mbwang. 27 Ku mani wu yir Yeso, Ku chew bili mbwang wun wuni wugir ma yiru. 28 Ku ciri wu bah lem Baku, Baku ma'ana wu gina ne a ning wu muna ye'ele ma mo'on, ma baring wu bahsun duwa, ma tarung wu bah sahsah, ka wu bah pah kunu i ngyarngya ka wu bah chik buhu ku mur wu bah ko'ongo ne a kum shima yirya. iwu bah fah buhu i jen chi'iu i wu bah shen i wu gir i wu bah lassu mo'on mo'on. 29 Wu ningna wu muna tumu mbwang? ke wu bah sunduwa mbwang? ke wu bah sahsah? mbwang wun wumu pa'a wu gir ma ngyarngya? 30 Ke mbwang ya yani pah ma kum shima yiru? Ke mbwang yani pah fa'aha lo'o i lassu? Ke mbwang ya yani fa'aha lo'o ma lassu? 31 Mishiw yi ma'a wu kum gir ma mori, mo rumwun i njere mo'on bah yi ganah.