1 Ne wu do ning i param she'ele sa, wu swana ne wu ka'asu wo ku ciri Kurukus aa bo'olo ku ciri mor sallah. 2 A wo pa'anawa baptisma i Musa ku be kurukus i mor sallah. 3 A wo li beh billa ma mpilar mbwang yah. 4 A bassa nuh be mu'uru ma mpilar, a wo nuh ku beh kono ma mpilar ba wo war ta'a ya, beh kon bili yi wo Kristi. 5 Wo do bong yir Baku i wu jeh ya sa, yi bah loh ya wo mal ban ku beh ciri to'o. 6 Beh wu gir mani, a ngwa'ala su ne su do ma'a nchimsu ku mur wu girbiwa sa bene bah a wo pa'a. 7 Wu do ning wu bah war ta'a wu waaru sa, bene bah wu gamur yah a wo wara, bene bah a ngwa'ala, "Beh wu bapina ning su'ula ne a lih billa a nuh mu'uru a la'ahun ne pa'a wu gir biwa." 8 Su do bor nong nongyo ma biwai i wu maam sa bene bah wu jeh yah wo pa'a ku duk mo'ona wu bapina Ban chihi lum baring i kuni tarung (23,000) a wuh. 9 Su do mah beh Kristi sa, bene bah wu gamur yah wo pa'a kaa wu yo'o a kping ya. 10 Wu do ning wu bah lo'o ku mil wun sa, bene bah wu gamur yah wo pa'a kaa mpilar ma kping kpingyi ka gbolya. 11 Wu gir mani wo pa'ai yah ne a ning wu gir ye'ele a ngwa'alo chiha ne a ning gir sunu ku bah su, ku mur rusu mau wu zhe'e bah wuna. 12 Yi bah ana suna ne a chilai i ngyarngya, tam ka'amuro ne do kwah sa. 13 Bah gir lere bapina bah ko kwai muro bah wo shiham ma kwai mur wu bapina. Baku yi bah ngichewe, ko do ji'ingyo ne beh gir lere gan muro sa, ana lira weh, ko po nshere ma wu puru ku ciri. 14 Yi bah ningya naa, wu mwanam, wu bangya ji'inyi war ta'a waaru. 15 Mu mur lo'oi i wun bah wui lim nchimwun wu maah i ka'amur wun gir bah chiwa. 16 Beh koro bah sui ma'ai lo'or do ben muru ku ciri shlah Kristi sa? Beh fo'ofor bah sui bu'ungu, do beh muru ku ciri shilah Kristi sa? 17 chew ma beh fo'ofo mo'ona, su bah su bwana su yo ningya yiriu mo'ona chew ma su lina ku ciri beh for'ofo mo'ona. 18 Wu sun beh wu Isra'ila. Do wu ba ai li beh billa ba ai tonii Baku ma ya'ai ben bukya ku beh mur ta'ah ton tono. 19 Yi bah mu mur chewne beh billa bah ai tonii waaru ma ningya gima? ke beh waaru yini gima? 20 Wi, beh bila ton tono mau bah ngila ai pa'a wa wu kila, do i Baku sa, do njila ne wu ning bah ben mur wun i wu kilah sa. 21 Wo do nuh ku koro mah Baku a bassa nu ku koro mau kilah sa. 22 Su mu njel ne su la'ahun i puk ma Baku? su ngyarngya ganai? 23 Wu gir mbwang kaah kaah, do wu girpbwang shima ya sa. Wu gir mbwang kahkah dowu gir mbwang ba a ba wu bapina sa. 24 Bwara do pis gir ba ko toli yiwa 25 Wo ngi she'e gir bah a mu kuru iyi ku ban kur kuru ma ngyam sa, wu do mweh mweh ba ko war re'eshe ku nchimu sa. 26 Beh "nza'ah ma Baku, i wu gir bah a ku bui bwang." 27 Bwara bah na do pana ngichewe sa la'ana weh ne shen li billa ku lii, nchimo na ne shene, ana shinna, li wu gir mbwang bah a chiha ku duwo i param mwe mwe bah ko war re'esh ku nchimu. 28 Bwara na chiwau ne "A laama billa manni i waaru." do lih sa chew beh bah chiwau i chew re'eshe ku nchimu. 29 Chew beh re'eshe i nchimu ma bah chiwau, do mo sa, man ko ma'a a mah tah buham i re'eshe ma nchimu ma bwara? 30 Na lina beh billa i bwata ku nchimam, chew man a sangam iku mur gir bah bwata Baku ku muri? 31 Ko ana linah ke a nunah ke a pa'ana man, pa'a yah mbwang chew lem Baku. 32 Do ma'a bwara ne i kwa sa, ko yah na Bayahude, Helenawa ke beh bah war ta'a Baku. 33 Nyarngya yiram mu bong bum wu bapina mbwang ku wu nshere bwana. Mi do mur pis gima ma shimai ma ka'amuram sa, mu mur pis gir shima mau bapina chew ne a kum tah buhu ku girbiwa yah.