1 Do mi bah a tana buham sa? Do mi bah war lo'o ma Yeso Kristi sa? Do mi bah suna Yeso beh Bwajeh su sa? Do wun bah a kumma ma yo bah Yeso chew tumam sa? 2 Na do ningya bah war lo'o sa ku bau gina, mi ningya bah war lo'o ku ba wun! Wun wuy ningya bah reng kunam ku dum Yeso Kristi. 3 Mani yi ningya beh reng kunam ku dum wu bah a mu sa'angam. 4 Su do'oi i kundu sa ma a pasu li i nuh? 5 Su doi i Kunsu sa su toh ba maam bah pa ngichewe i su sa bene wu gamur wu bah war lo'o i wu so'ongi Tarsu i Kefas? 6 Ke i ningya ne mi i Barnabas bah so pa'a tumu ma kum billa ma lih? 7 Yen i lih i ka'amuri na ningya bah lele ma nzah? Yeni kom swaa nguni ka do lih beh bil nguni sa? Yen i sun wu nzur ka do nuh mu'uru suha yah sa? 8 Mu mu chew beh lo'o mani ku sunnu ma bapina? Beh lo'o reng chewe ma nzah do chiwa naa sa? 9 Bene bah a ngwa'ala ku mpuknsheme reng chewe ma Musa: "Do kur kun nta'a bah i mu ngya missah sa, I ku mur nta'a loi bah Baku ma,ana misshi? 10 Do chew su kah mur lo'o sa? Chewsu kah mur lo'o I a wo nwa'ala mani chew su, chew ne bah i mu kom komo, ma'ana nchimi ku beh gir bah a chen ku beh swaa, bah ngya beh ngya'a bila yi ma ma'ana nchimi ku mur beh ngya'a bila bah imu ngya. 11 Suna billa wu gir ma mpilar ku chiri wun, ko gan ngya ne su kum wu gir ma so lih ku ba wun? 12 Wu gamur wu bapina ana kumma wu gir manni iyo bah wun, ko do bong ne swa kumu ganah yah sa? Su do twaloa beh kunsu bili sa. Ku beh banai, su ya'ana beh gir bah su kumma chew beh lo'o ma Yeso Kristi, ne li duwa. 13 Wu do shi'ila sa ne wu bah amu pa'a tumu ku ka'ana Baku ai kum billa yah ku beh ka'ana Baku, i wu bah ai pa'a tumu ku mur ta'a ma ban ton tono ai kum billa yah ku beh mur ta'a ban tontono? 14 Ku nshere mo'ona, beh Tarsu ma'ana ne wu bah amu lo'o beh l'o ma Baku ma a kum billa yah ku beh lo'o Baku. 15 Do tuala beh wu kunn bili sakemi do mu ngwo'olo beh ngwo'olo manni ne wu pa'am sa. ko bongyo gana mu wuh i bah bwara i dang beh ngya ku'am mani. 16 Na luana beh lo'o Baku mo do ngya ku'am sa, a ma'ana mi ma kiring mu lo'o beh lo'o Baku chiri ku muram na do lu'ana beh lo'o Baku sa. 17 Na lu'ana i yere nchimam, mi kuru mgba'am, na do lu'ana i yere nchimam sa, tumu i shi ku muram. 18 Mani ningya beh kuru mgba'am? Yi mani: Ne ku beh ciri lo'o Baku, mu pi gbirai, ne mu do th beh kunu bah mi yi saku beh tum beh lo'o Baku. 19 Ne a taanah buham, do ningya ma bwara sa, ma'ana ka'a nuram mu ning korom mau bapina mbwang, ne mu kum wu bah pahngichewe bwana. 20 Ku bau Yahudawa ningya bene Ba Yahude, chew ne mu kum wu Yahudawa bah a pa ngichewe i Yeso Kristi. Ku bau wu gamur wu bapina bah a ku ciri rengchewe, ningya bene bwara bah i ku ciri rengchewene (Mi mi do ku ciri wu bah a reng wa chewe sa.) chew ne mu kum wu bah pa ngichewe ku chiri wu bah a ku ciri reng chewe ma yo bah Yeso Kristi. 21 Ku bau bah a do'oi rengchwe sa, ningya bene bwara bah i do'oi i rengchewe Mi do gbira ku mur reng chewe ma Baku, mi ku chiri rengchewe ma Kristi) chew ne mu kum wu bah pa ngichewe i Yeso Kristi. 22 Ku bau bah a doi i ngyarngya sa, ningya bene mi doi ngyarngya sa, chew ne mu ne mu kum wu bah pa pa ngichewe ku chiri wu bah a doi i ngyarngya sa, ningya wu gir mbuang ku bau bapina bwang, ne ku nginshere ma shima mu war yah yo bah Yeso Kristi. 24 Wu do shi'ila sa ne ku ciri bang bangya, wu bah bangya ai bang mbwang ya, ka bapina mo'ona ka ko kum beh ghir bah a chihai nah chew beh bang bangya? wu bangya ku nshere bah ko ma'a wun beh chew bangya. 25 Bah na ko mah yiri ko chiri beh mu gir ma ma yiriu, i ma'a ka'a muri ku chiri ngyarngy ye'ele. Ai pa'a ne a kuk katah ma shimai bah ko do gul bansa, su, su mu pi'i ne su kum katah ma shimai bah ko ning ma mgbeng gbi bgeng. 26 Yi bah ma'ana mu do mu bang bene bwara bah imu bang gbira sa, Mu do mur gbol bene bwara bah imu ngya gum sa. 27 Wi, mu mur ngya yiram mu mi'i i ning korom yam ne na lu'a beh lo'o Baku waa gamur wu bapina, ne a do piram ku kum beh gir bah a chiha ku nzah chew beh lo'o Baku.